ਜਦੋਂ ਇਸ ਕੰਮ ਲਈ ਲੋਕਾਂ ਨਾਲ ਸੜਕ ‘ਤੇ ਉੱਤਰੀ ਬਾਲੀਵੁੱਡ ਅਦਾਕਾਰਾ ਸ਼ਰਧਾ ਕਪੂਰ,ਹਰ ਪਾਸੇ ਹੋ ਰਹੀ ਤਾਰੀਫ਼

ਵਾਤਾਵਰਨ ‘ਚ ਵੱਧਦਾ ਪ੍ਰਦੂਸ਼ਣ ਲੋਕਾਂ ਲਈ ਚਿੰਤਾ ਦਾ ਵਿਸ਼ਾ ਬਣ ਚੁੱਕਿਆ ਹੈ । ਗਲੇਸ਼ੀਅਰ ਪਿੰਘਲ ਰਹੇ ਨੇ ਜਿਸ ਕਾਰਨ ਵਾਤਾਵਰਨ ‘ਚ ਅੰਸਤੁਲਨ ਵੱਧਦਾ ਜਾ ਰਿਹਾ ਹੈ ਕਦੇ ਹੜ੍ਹ ਅਤੇ ਸੋਕੇ ਵਰਗੀਆਂ ਸਥਿਤੀਆਂ ਦਾ ਸਾਹਮਣਾ ਸਾਨੂੰ ਕਰਨਾ ਪੈ ਰਿਹਾ ਹੈ ।ਜਿਸ ਦੀਆਂ ਮਿਸਾਲਾਂ ਹਾਲ ਹੀ ‘ਚ ਆਏ ਹੜ੍ਹ ਦੀਆਂ ਵੇਖੀਆਂ ਜਾ ਸਕਦੀਆਂ ਹਨ । ਪਰ ਇਸ ਦੇ ਬਾਵਜੂਦ ਵਿਕਾਸ ਦੇ ਨਾਂਅ ‘ਤੇ ਅਸੀਂ ਵਿਨਾਸ਼ ਵੱਲ ਵੱਧਦੇ ਜਾ ਰਹੇ ਹਾਂ ।

ਹੋਰ ਵੇਖੋ:ਬਾਲੀਵੁੱਡ ਅਦਾਕਾਰਾ ਸ਼ਰਧਾ ਕਪੂਰ ਵੀ ਬੱਝੇਗੀ ਵਿਆਹ ਦੇ ਬੰਧਨ ‘ਚ !

https://www.instagram.com/p/B15K8axnph2/

ਕਿਉਂਕਿ ਵਿਕਾਸ ਦੇ ਨਾਂਅ ‘ਤੇ ਹਰੇ ਭਰੇ ਰੁੱਖਾਂ ਦੀ ਬਲੀ ਚੜਾਈ ਜਾ ਰਹੀ ਹੈ । ਇਸੇ ਤਰ੍ਹਾਂ ਦਾ ਮਾਮਲਾ ਵੇਖਣ ਨੂੰ ਮਿਲਿਆ ਹੈ ਮੁੰਬਈ ‘ਚ । ਜਿੱਥੇ ਮੈਟਰੋ ਦਾ ਨਿਰਮਾਣ ਕਰਨ ਲਈ ਬੀਐੱਮਸੀ ਵੱਲੋਂ 2700 ਰੁੱਖ ਵੱਢਣ ਦੀ ਇਜਾਜ਼ਤ ਦਿੱਤੀ ਗਈ ਹੈ । ਪਰ ਇਸ ਦੇ ਨਾਲ ਹੀ ਰੁੱਖ ਵੱਢਣ ਦਾ ਵਿਰੋਧ ਵੀ ਸ਼ੁਰੂ ਹੋ ਚੁੱਕਿਆ ਹੈ ।

ਉੱਥੇ ਹੀ ਅਦਾਕਾਰਾ ਸ਼ਰਧਾ ਕਪੂਰ ਨੇ ਰੁੱਖਾਂ ਨੂੰ ਬਚਾਉਣ ਲਈ ਸੜਕਾਂ ‘ਤੇ ਉੱਤਰ ਆਈ ਅਤੇ ਬਰਸਾਤ ਦੇ ਬਾਵਜੂਦ ਵਿਰੋਧ ਕਰਨ ਆਏ ਲੋਕਾਂ ਨਾਲ ਮੌਜੂਦ ਰਹੀ ਅਤੇ ਲੋਕਾਂ ਨੂੰ ਰੁੱਖ ਬਚਾਉਣ ਦੀ ਅਪੀਲ ਕੀਤੀ ।

ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਪਾ ਕੇ ਵੀ ਲੋਕਾਂ ਨੂੰ ਰੁੱਖਾਂ ਨੂੰ ਬਚਾਉਣ ਲਈ ਕਿਹਾ ਹੈ । ਸ਼ਰਧਾ ਕਪੂਰ ਵੱਲੋਂ ਚੁੱਕੇ ਗਏ ਇਸ ਕਦਮ ਦੀ ਹਰ ਪਾਸੇ ਸ਼ਲਾਘਾ ਹੋ ਰਹੀ ਹੈ ਅਤੇ ਲੋਕ ਉਨ੍ਹਾਂ ਦੀ ਇਸ ਪੋਸਟ ਨੂੰ ਪਸੰਦ ਕਰ ਰਹੇ ਨੇ ਅਤੇ ਲਗਾਤਾਰ ਸ਼ੇਅਰ ਕਰ ਰਹੇ ਨੇ ।