ਅਕਸ਼ੇ ਕੁਮਾਰ ਨੇ ਇੰਝ ਬਚਾਈ ਆਪਣੇ ਇੱਕ ਸਾਥੀ ਦੀ ਜਾਨ,ਚੱਲਦੇ ਸ਼ੋਅ 'ਚ ਹੋਇਆ ਹਾਦਸਾ,ਵੀਡੀਓ ਵਾਇਰਲ
Shaminder
October 4th 2019 05:31 PM
ਅਕਸ਼ੇ ਕੁਮਾਰ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਹੈ । ਇਸ ਵੀਡੀਓ 'ਚ ਇੱਕ ਸ਼ਖਸ ਜੋ ਕਿ ਉਨ੍ਹਾਂ ਦੀ ਫ਼ਿਲਮ ਦੀ ਪ੍ਰਮੋਸ਼ਨ ਦੌਰਾਨ ਮਨੀਸ਼ ਪੌਲ ਦੇ ਨਵੇਂ ਸ਼ੋਅ ਮੂਵੀ ਮਸਤੀ ਦੇ ਸੈੱਟ ਤੇ ਆਪਣਾ ਐਕਟ ਕਰ ਰਿਹਾ ਸੀ । ਇਸੇ ਦੌਰਾਨ ਉਹ ਬੇਹੋਸ਼ ਹੋ ਗਿਆ । ਜਿਸ ਨੂੰ ਵੇਖ ਕੇ ਸਾਰੇ ਕਰਿਊ ਮੈਂਬਰ ਪ੍ਰੇਸ਼ਾਨ ਹੋ ਗਏ ਅਤੇ ਉਸ ਸ਼ਖਸ ਨਾਲ ਐਕਟ ਕਰ ਰਹੇ ਐਕਟਰ ਨੇ ਉਨ੍ਹਾਂ ਨੂੰ ਪੁੱਛਿਆ ਕੀ ਹੋਇਆ ! ਪਰ ਉਹ ਸ਼ਖਸ ਕੁਝ ਵੀ ਬੋਲ ਨਹੀਂ ਸਕਿਆ ,ਜਿਸ ਤੋਂ ਬਾਅਦ ਸਭ ਨੂੰ ਹੱਥਾਂ ਪੈਰਾਂ ਦੀ ਪੈ ਗਈ । ਕਿਉਂਕਿ ਸ਼ੋਅ 'ਚ ਐਕਟ ਕਰ ਰਿਹਾ ਕਲਾਕਾਰ ਸੈੱਟ ਦੇ ਉੱਤੇ ਹੀ ਬੇਹੋਸ਼ ਗਿਆ । ਕੁਝ ਪਲਾਂ ਲਈ ਤਾਂ ਉਸ ਕਲਾਕਾਰ ਨਾਲ ਐਕਟ ਕਰ ਰਿਹਾ ਇੱਕ ਹੋਰ ਕਲਾਕਾਰ ਸਮਝ ਹੀ ਨਹੀਂ ਸਕਿਆ ਕਿ ਆਖਿਰ ਹੋਇਆ ਕੀ ਹੈ !