ਰਾਨੂ ਮੰਡਲ ਤੋਂ ਬਾਅਦ ਹੁਣ ਇਹ ਬੱਚਾ ਵੀ ਬੀ ਪਰਾਕ ਦਾ ਗੀਤ ਗਾ ਹੋ ਰਿਹਾ ਹੈ ਵਾਇਰਲ, ਬੀ ਪਰਾਕ ਵੀ ਬੱਚੇ ਦੇ ਹੋਏ ਮੁਰੀਦ, ਦੇਖੋ ਵੀਡੀਓ
ਸ਼ੋਸ਼ਲ ਮੀਡੀਆ ਅਜਿਹਾ ਮੰਚ ਬਣ ਚੁੱਕਿਆ ਹੈ ਜਿਸ ਨੇ ਅਨੇਕਾਂ ਹੀ ਲੋਕਾਂ ਦੀ ਕਿਸਮਤ ਬਦਲ ਕੇ ਰੱਖ ਦਿੱਤੀ ਹੈ। ਪਿਛਲੇ ਦਿਨੀਂ ਵਾਇਰਲ ਹੋਈ ਰਾਨੂ ਮੰਡਲ ਜਿਸ ਨੂੰ ਬਾਲੀਵੁੱਡ 'ਚ ਵੱਡੇ ਗਾਇਕਾਂ ਨਾਲ ਗੀਤ ਗਾਉਣ ਦੇ ਸਬੱਬ ਮਿਲ ਰਹੇ ਹਨ ਤੇ ਹੁਣ ਇੱਕ ਹੋਰ ਇਸੇ ਤਰ੍ਹਾਂ ਦਾ ਵੀਡੀਓ ਇਸ ਬੱਚੇ ਦਾ ਵਾਇਰਲ ਹੋ ਰਿਹਾ ਹੈ ਜਿਸ 'ਚ ਇਹ ਬੱਚਾ ਬੀ ਪਰਾਕ ਦਾ ਗੀਤ ਤੇਰੀ ਮਿੱਟੀ ਗਿਟਾਰ 'ਤੇ ਬਹੁਤ ਹੀ ਖੂਬ ਗਾ ਰਿਹਾ ਹੈ। ਇਸ ਬੱਚੇ ਦਾ ਵੀਡੀਓ ਸ਼ੋਸ਼ਲ ਮੀਡੀਆ 'ਤੇ ਬਹੁਤ ਵਾਇਰਲ ਹੋ ਰਿਹਾ ਹੈ।
View this post on Instagram
ਬੀ ਪਰਾਕ ਨੇ ਖੁਦ ਇਹ ਵੀਡੀਓ ਇੰਸਟਾਗ੍ਰਾਮ 'ਤੇ ਸਾਂਝਾ ਕਰਕੇ ਇਸ ਬੱਚੇ ਦੀ ਤਾਰੀਫ਼ ਕੀਤੀ ਹੈ। ਬੀ ਪਰਾਕ ਨੇ ਲਿਖਿਆ ਹੈ "ਕਿਆ ਬਾਤ ਹੈ ਮਾਲਕ ਕਿਰਪਾ ਕਰੇ ਇਸ ਦੁਨੀਆ 'ਚ ਇੰਨ੍ਹਾਂ ਹੁਨਰ ਹੈ ਕੋਈ ਸੋਚ ਵੀ ਨਹੀਂ ਸਕਦਾ ਰੱਬ ਨੇ ਚਾਹਿਆ ਤਾਂ ਜ਼ਰੂਰ ਮਿਲਾਂਗੇ ਸਲੂਟ ਆ ਵੀਰ ਤੇਰੇ ਇਸ ਅਸਲੀ ਹੁਨਰ ਨੂੰ"।
ਦੱਸ ਦਈਏ ਵੀਡੀਓ 'ਚ ਜਿਹੜਾ ਗੀਤ ਇਹ ਬੱਚਾ ਗਾ ਰਿਹਾ ਹੈ ਇਹ ਇਸੇ ਸਾਲ ਰਿਲੀਜ਼ ਹੋਈ ਅਕਸ਼ੇ ਕੁਮਾਰ ਦੀ ਫ਼ਿਲਮ ਕੇਸਰੀ ਦਾ ਗੀਤ ਹੈ ਜਿਸ ਨਾਲ ਪੰਜਾਬੀ ਗਾਇਕ ਅਤੇ ਮਿਊਜ਼ਿਕ ਡਾਇਰੈਕਟਰ ਬੀ ਪਰਾਕ ਨੇ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਹੁਣ ਬੀ ਪਰਾਕ ਵੀ ਇਸ ਬੱਚੇ ਦੇ ਮੁਰੀਦ ਹੋ ਗਏ ਹਨ।