ਇੱਕ ਹੱਥ ਨਾ ਹੋਣ ਦੇ ਬਾਵਜੂਦ ਪੰਜਾਬੀ ਇੰਡਸਟਰੀ 'ਚ ਸਿਤਾਰਿਆਂ ਦੇ ਸਿਰ 'ਤੇ ਦਸਤਾਰ ਸਜਾਉਂਦਾ ਹੈ ਇਹ ਸ਼ਖਸ, ਕਰਮਜੀਤ ਅਨਮੋਲ ਨੇ ਸਾਂਝਾ ਕੀਤਾ ਵੀਡੀਓ
ਗਾਇਕ ਅਤੇ ਅਦਾਕਾਰ ਕਰਮਜੀਤ ਅਨਮੋਲ ਜਿਹੜੇ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਆਉਣ ਵਾਲੇ ਪ੍ਰੋਜੈਕਟਸ ਦੇ ਸ਼ੂਟ ਅਤੇ ਸ਼ੂਟਿੰਗ 'ਤੇ ਮਿਲਦੇ ਆਪਣੇ ਖ਼ਾਸ ਦੋਸਤਾਂ ਅਤੇ ਸਖਸ਼ੀਅਤਾਂ ਨੂੰ ਆਪਣੇ ਸਰੋਤਿਆਂ ਦੇ ਰੂ-ਬ-ਰੁ ਕਰਦੇ ਰਹਿੰਦੇ ਹਨ। ਹੁਣ ਉਹਨਾਂ ਇੱਕ ਹੋਰ ਖ਼ਾਸ ਸ਼ਖ਼ਸੀਅਤ ਦੀ ਵੀਡੀਓ ਸਾਂਝੀ ਕੀਤੀ ਹੈ ਜਿਹੜਾ ਪੰਜਾਬੀ ਇੰਡਸਟਰੀ ਦੇ ਕਈ ਸਿਤਾਰਿਆਂ ਦੇ ਸਿਰ 'ਤੇ ਦਸਤਾਰ ਸਜਾ ਚੁੱਕਿਆ ਹੈ।
View this post on Instagram
ਇਸ ਵਿਅਕਤੀ ਦਾ ਨਾਮ ਹੈ ਬੇਅੰਤ ਸਿੰਘ ਮਾਵੀ ਜਿਹੜੇ ਵੱਖ ਵੱਖ ਤਰ੍ਹਾਂ ਦੀਆਂ ਪੱਗਾਂ ਬੰਨਣ 'ਚ ਮਾਹਿਰ ਹਨ। ਦੱਸ ਦਈਏ ਬੇਅੰਤ ਸਿੰਘ ਦਾ ਸਿਰਫ਼ ਇੱਕ ਹੱਥ ਹੈ ਪਰ ਇਹ ਉਹਨਾਂ ਦਾ ਕਮਜ਼ੋਰੀ ਨਹੀਂ ਸਗੋਂ ਇਸ ਨੂੰ ਉਹਨਾਂ ਆਪਣੀ ਤਾਕਤ ਬਣਾ ਲਿਆ ਹੈ। ਕਰਮਜੀਤ ਅਨਮੋਲ ਦਾ ਕਹਿਣਾ ਹੈ ਕਿ ਜ਼ਿਆਦਾਤਰ ਫ਼ਿਲਮਾਂ 'ਚ ਜਿਹੜੀਆਂ ਪੱਗਾਂ ਮੇਰੇ ਬੰਨੀਆਂ ਨਜ਼ਰ ਆਉਂਦੀਆਂ ਹਨ ਉਹ ਮਾਵੀ ਹੀ ਬੰਨਦੇ ਹਨ।
ਦੱਸ ਦਈਏ ਬੇਅੰਤ ਸਿੰਘ ਦੇ ਹੱਥ 'ਚ ਏਨੀ ਸਫਾਈ ਹੈ ਕਿ ਇੰਡਸਟਰੀ 'ਚ ਉਹਨਾਂ ਤੋਂ ਹਰ ਕੋਈ ਪੱਗ ਬਨਵਾਉਣਾ ਚਾਹੁੰਦਾ ਹੈ। ਪਿਛਲੇ ਦਿਨੀਂ ਇੱਕ ਵੀਡੀਓ ਵੀ ਸਾਹਮਣੇ ਆਈ ਸੀ ਜਿਸ 'ਚ ਕਰਮਜੀਤ ਅਨਮੋਲ ਦੇ ਨਾਮ ਨਾਲ ਦੁਕਾਨਾਂ 'ਤੇ ਹੁਣ ਪੱਗਾਂ ਅਤੇ ਪਰਨੇ ਵੀ ਵਿਕਣ ਲੱਗੇ ਹਨ। ਹੋ ਸਕਦਾ ਹੈ ਇਸ ਪਿੱਛੇ ਵੱਡੀ ਵਜ੍ਹਾ ਬਿਅੰਤ ਸਿੰਘ ਮਾਵੀ ਹੀ ਹੋਣ।ਕਰਮਜੀਤ ਅਨਮੋਲ ਵੱਲੋਂ ਸਾਂਝਾ ਕੀਤਾ ਇਹ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ।
View this post on Instagram
Jionde vasde raho punjabio aina maan satkar den layee