"ਭਗਤ ਸਿੰਘ ਦੀ ਉਡੀਕ" ਇੱਕ ਬਦਲੇ ਦੁਆਲੇ ਘੁੰਮਦੀ ਹੈ !! ਕਲ ਰਿਲੀਜ਼ ਹੋਣ ਵਾਲੀ ਇਹ ਫਿਲਮ ਈਸ਼ਵਰ ਹਾਉਸ ਏੰਟਰਟੇਨਮੇੰਟ ਦੀ ਪੇਸ਼ਕਸ਼ ਹੈ |
ਕਾਮੇਡੀ ਅਤੇ ਰੋਮਾਂਟਿਕ ਫ਼ਿਲਮਾਂ ਹਮੇਸ਼ਾ ਇੱਕ ਆਸਾਨ ਪਸੰਦ ਰਹੀ ਹੈ ਪੋਲੀਵੁਡ ਵਿੱਚ। ਕਾਮੇਡੀ ਅਤੇ ਬਾਇਓਪਿਕ ਫ਼ਿਲਮਾਂ ਵਿੱਚ ਵੀ ਅੱਜ ਕੱਲ ਲਗਾਤਾਰ ਵਾਧਾ ਹੋਇਆ ਹੈ। ਪਰ ਫਿਰ ਵੀ ਕੋਈ ਇਸ ਤਰ੍ਹਾਂ ਦੀ ਫਿਲਮ ਨਹੀਂ ਹੈ ਜੋ ਲੋਕਾਂ ਦੀਆਂ ਸਮਾਜਿਕ ਮੁਸੀਬਤਾਂ ਅਤੇ ਦੁਚਿੱਤੀਆਂ ਨੂੰ ਦਰਸਾਵੇ। ਪੰਜਾਬ ਦੀ ਨਸ਼ੇਖੋਰੀ ਨੇ ਹਾਲ ਹੀ ਵਿੱਚ ਬਾਲੀਵੁੱਡ ਦਾ ਧਿਆਨ ਖਿਚਿਆ। ਸ਼ਾਇਦ ਹੁਣ ਇਹ ਬਿਲਕੁਲ ਸਹੀ ਸਮਾਂ ਹੈ ਕਿ ਇੱਕ ਆਮ ਆਦਮੀ ਦੇ ਨਜਰੀਏ ਨਾਲ ਪੰਜਾਬ ਨੂੰ ਦੇਖਿਆ ਜਾਵੇ। ਭਗਤ ਸਿੰਘ ਦੀ ਉਡੀਕ ਫਿਲਮ ਇਸੇ ਨਜ਼ਰੀਏ ਨੂੰ ਲੋਕਾਂ ਦੇ ਸਾਮ੍ਹਣੇ ਲੈ ਕੇ ਆਵੇਗੀ।
ਇਸ ਫਿਲਮ ਦੇ ਵਿੱਚ ਪਹਿਲੀ ਵਾਰ ਮੁੱਖ ਕਿਰਦਾਰ ਨਿਭਾ ਰਹੇ ਹਨ ‘ਅਰਸ਼ ਚਾਵਲਾ’ ਅਤੇ ਇਸ ਫਿਲਮ ਨੂੰ ਡਾਇਰੈਕਟ ਕੀਤਾ ਹੈ ‘ਸ਼ਿਵਮ ਸ਼ਰਮਾ’ ਨੇ। ‘ਭਗਤ ਸਿੰਘ ਦੀ ਉਡੀਕ Bhagat Singh Di Udeek’ ਦੀ ਕਹਾਣੀ ਲਿਖੀ ਹੈ ‘ਬੱਬਰ ਗਿੱਲ’ ਨੇ ਜਿਨ੍ਹਾਂ ਨੇ ਇਸਦਾ ਸਕ੍ਰੀਨਪਲੇ ਅਤੇ ਡਾਇਲੌਗ ਵੀ ਲਿਖੇ ਹਨ। ਇਹ ਫਿਲਮ ‘ਖੁਸ਼ੀ ਮਲਹੋਤਰਾ’ ਅਤੇ ‘ਸੁਰਬੀ ਸਿੰਗਲਾ’ ਦੀ ਵੀ ਪਹਿਲੀ ਫ਼ਿਲਮ ਹੈ। ਪੰਜਾਬੀ ਇੰਡਸਟਰੀ ਦੇ ਪ੍ਰਸਿੱਧ ਨਾਮ ਜਿਵੇਂ ‘ਬੀ ਐਨ ਸ਼ਰਮਾ’, ‘ਮਲਕੀਤ ਰੌਣੀ’, ‘ਸਰਦਾਰ ਸੋਹੀ’, ‘ਗੁਰਪ੍ਰੀਤ ਭੰਗੂ’, ‘ਗੁਰਮੀਤ ਦਮਨ’ ਵੀ ਆਪਣੀ ਅਦਾਕਾਰੀ ਨਾਲ ਇਸ ਫਿਲਮ ਨੂੰ ਚਾਰ ਚੰਨ ਲਾਉਣਗੇ।
‘ਵੀਰੇਂਦਰ ਸਿੰਘ ਕਾਲੜਾ’ ਅਤੇ ‘ਅਵਿਜੀਤ ਸਿੰਘ ਕਾਲੜਾ’ ਨੇ ਐਗਜੀਕਿਊਟਿਵ ਪ੍ਰੋਡੂਸਰ ‘ਦਿਲਬਾਗ ਚਾਵਲਾ’ ਦੇ ਨਾਲ ਮਿਲ ਕੇ ਇਸ ਫਿਲਮ ਦਾ ਨਿਰਮਾਣ ਕੀਤਾ ਹੈ।ਇਸ ਫਿਲਮ ਨੂੰ ਸੰਗੀਤ ਦਿੱਤਾ ਹੈ ‘ਡੀ ਜੇ ਨਰੇਂਦਰ’ ਨੇ ਅਤੇ ਗਾਣੇ ਲਿਖੇ ਹਨ ‘ਬੱਬਰ ਗਿੱਲ’ ਨੇ।ਇਸ ਫਿਲਮ ਦਾ ਸੰਗੀਤ ‘ਯੈਲੋ ਮਿਊਜ਼ਿਕ ਬੈਨਰ’ ਵਲੋਂ ਦਿੱਤਾ ਗਿਆ ਹੈ। ਇਸ ਫਿਲਮ ਦੇ ਡੀਓਪੀ ਨੇ ਵਿਸ਼ਵਨਾਥ ਪ੍ਰਜਾਪਤੀ।
ਨੌਜਵਾਨ ਅਤੇ ਡਾਇਨਾਮਿਕ ਡਾਇਰੈਕਟਰ ‘ਸ਼ਿਵਮ ਸ਼ਰਮਾ’ ਨੇ ਵੀ ਉਡੀਕ ਬਾਰੇ ਕਿਹਾ, "ਇਸ ਫਿਲਮ ਵਿੱਚ ਬਹੁਤ ਲੋਕਾਂ ਦੀ ਮਿਹਨਤ ਹੈ।ਮੈਂ ਬਹੁਤ ਬਾਲੀਵੁੱਡ ਫ਼ਿਲਮਾਂ ਦੇਖੀਆਂ ਹਨ ਜਿਨ੍ਹਾਂ ਵਿੱਚ ਪੰਜਾਬ ਦੀ ਨਸ਼ੇਖੋਰੀ ਬਾਰੇ ਜ਼ਿਕਰ ਕੀਤਾ ਗਿਆ ਹੈ।ਇਹ ਫਿਲਮ ਇਸ ਨੂੰ ਇੱਕ ਕਦਮ ਅੱਗੇ ਲੈ ਕੇ ਜਾਵੇਗਾ ਅਤੇ ਯੁਵਾ ਪੀੜੀ ਨੂੰ ਆਪਣੀ ਪ੍ਰੇਸ਼ਾਨੀਆਂ ਲਈ ਖੜੇ ਹੋਣ ਲਈ ਪ੍ਰੇਰਿਤ ਕਰੇਗੀ ਅਤੇ ਖਤਮ ਕਰਨ ਦੀ ਕ੍ਰਾਂਤੀ ਸ਼ੁਰੂ ਕਰੇਗੀ।ਜੇ ਮੈਂ ‘ਅਰਸ਼’ ਦੀ ਗੱਲ ਕਰਾਂ ਤਾਂ ਉਹ ਵੀ ਮੇਰੀ ਤਰ੍ਹਾਂ ਇੰਡਸਟਰੀ ਵਿੱਚ ਬਿਲਕੁੱਲ ਨਵਾਂ ਹੈ।ਇਹ ਸਾਡੇ ਦੋਨਾਂ ਲਈ ਬਹੁਤ ਕੁਝ ਸਿੱਖਣ ਦਾ ਤਜੁਰਬਾ ਰਿਹਾ ਅਤੇ ਸਾਨੂੰ ਆਪਣੀਆਂ ਕਾਬਿਲਿਤਾਂ ਬਾਰੇ ਪਤਾ ਲੱਗਾ”।