ਕੋਰੋਨਾ ਵਾਇਰਸ ਦਾ ਕਹਿਰ ਭਾਰਤ ‘ਚ ਲਗਾਤਾਰ ਵੱਧ ਰਿਹਾ ਹੈ । ਇਸ ਵਾਇਰਸ ਦੇ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਲਗਾਤਾਰ ਵੱਧਦੀ ਜਾ ਰਹੀ ਹੈ ।ਇਸ ਬਿਮਾਰੀ ਦੇ ਬਚਾਅ ਦਾ ਇੱਕੋ ਇੱਕ ਤਰੀਕਾ ਹੈ ਹਰ ਵੇਲੇ ਮਾਸਕ ਪਾ ਕੇ ਰੱਖਿਆ ਜਾਵੇ ਅਤੇ ਸੋਸ਼ਲ ਡਿਸਟੈਂਸਿੰਗ ਦਾ ਪਾਲਣ ਕੀਤਾ ਜਾਵੇ । ਇਸ ਦੇ ਨਾਲ ਹੀ ਕੋਰੋਨਾ ਦੇ ਘਾਤਕ ਰੂਪ ਤੋਂ ਬਚਣ ਲਈ ਡਬਲ ਮਾਸਕ ਲਗਾਇਆ ਜਾਵੇ । ਡਬਲ ਮਾਸਕ ਲਗਾ ਕੇ ਤੁਸੀਂ ਕਾਫੀ ਹੱਦ ਤੱਕ ਇਸ ਵਾਇਰਸ ਨੂੰ ਠੱਲ ਪਾ ਸਕਦੇ ਹੋ ।
ਹੋਰ ਪੜ੍ਹੋ : ਸ਼ਹਿਨਾਜ਼ ਗਿੱਲ ਨੇ ਜਸਟਿਨ ਬੀਬਰ ਦਾ ਗਾਇਆ ਗਾਣਾ, ਵੀਡੀਓ ਕੀਤੀ ਸਾਂਝੀ
ਇਕ ਦੇ ਬਦਲੇ ਦੋ ਮਾਸਕ ਪਹਿਣ ਨੂੰ ਡਬਲ ਮਾਸਕ ਕਹਿੰਦੇ ਹਨ। ਹਾਲਾਂਕਿ ਡਬਲ ਮਾਸਕਿੰਗ ਦਾ ਵੀ ਇਕ ਖਾਸ ਤਰੀਕਾ ਹੁੰਦਾ ਹੈ।
ਅਜਿਹਾ ਨਹੀਂ ਹੈ ਕਿ ਤੁਸੀਂ ਇਕ ਦੇ ਉੱਪਰ ਦੋ ਕੱਪੜਿਆਂ ਦਾ ਮਾਸਕ ਪਹਿਨ ਲਓ। ਡਬਲ ਮਾਸਕਿੰਗ 'ਚ ਪਹਿਲਾਂ ਸਰਜੀਕਲ ਮਾਸਕ ਤੇ ਫਿਰ ਕੱਪੜੇ ਦਾ ਮਾਸਕ ਪਹਿਣਨਾ ਹੁੰਦਾ ਹੈ। ਸਰਜੀਕਲ ਮਾਸਕ ਨਾ ਹੋਵੇ ਤਾਂ ਕੱਪੜੇ ਦੇ ਦੋ ਮਾਸਕ ਵੀ ਪਹਿਨੇ ਜਾ ਸਕਦੇ ਹਨ। ਇਹ ਸਿੰਗਲ ਮਾਸਕ ਤੋਂ ਜ਼ਿਆਦਾ ਪ੍ਰਭਾਵੀ ਹੈ।