ਕਿਸ ਕਿਸ ਨੂੰ ਯਾਦ ਹੈ 80 ਦੇ ਦਹਾਕੇ ਦੀ ਇਹ ਮਸ਼ਹੂਰ ਬਾਲ ਕਲਾਕਾਰ, ਅੱਜ ਇਹਨਾਂ ਹਲਾਤਾਂ ’ਚ ਜਿਉਂ ਰਹੀ ਹੈ ਜ਼ਿੰਦਗੀ

80 ਦੇ ਦਹਾਕੇ ਦੀਆਂ ਫ਼ਿਲਮਾਂ ਜਿਨ੍ਹਾਂ ਲੋਕਾਂ ਨੇ ਦੇਖੀਆ ਹਨ, ਉਹਨਾਂ ਨੂੰ ਬਾਲ ਕਲਾਕਾਰ ਦਾ ਰੋਲ ਕਰਨ ਵਾਲੀ ਬੇਬੀ ਗੁੱਡੂ ਵੀ ਯਾਦ ਹੋਵੇਗੀ । ਬੇਬੀ ਗੁੱਡੂ ਉਸ ਸਮੇਂ ਦੀ ਸਭ ਤੋਂ ਮਸ਼ਹੂਰ ਚਾਈਲਡ ਆਰਟਿਸਟ ਸੀ । ਇਸ ਆਰਟੀਕਲ ਵਿੱਚ ਤੁਹਾਨੂੰ ਬੇਬੀ ਗੁੱਡੂ ਦੇ ਬਾਰੇ ਦੱਸਾਂਗੇ । ਬੇਬੀ ਗੁੱਡੂ ਦਾ ਅਸਲ ਨਾਂਅ ਸ਼ਾਹਿੰਦਾ ਬੇਗ ਸੀ । ਫ਼ਿਲਮਾਂ ਵਿੱਚ ਉਹਨਾਂ ਦੀ ਐਂਟਰੀ ਉਹਨਾਂ ਦੇ ਪਿਤਾ ਕਰਕੇ ਹੋਈ ਕਿਉਂਕਿ ਉਹ ਮਸ਼ਹੂਰ ਫ਼ਿਲਮ ਮੇਕਰ ਐੱਮ ਐੱਮ ਬੇਗ ਦੀ ਬੇਟੀ ਸੀ ।

ਬੇਬੀ ਨੇ ਔਲਾਦ, ਸਮੁੰਦਰ, ਪਰਿਵਾਰ, ਘਰ-ਘਰ ਕੀ ਕਹਾਣੀ, ਮੁਲਜ਼ਮ, ਨਗੀਨਾ ਸਮੇਤ 32 ਤੋਂ ਵੱਧ ਫ਼ਿਲਮਾਂ ਵਿੱਚ ਕੰਮ ਕੀਤਾ ਸੀ । 3 ਸਾਲਾਂ ਦੀ ਉਮਰ ਵਿੱਚ ਬੇਬੀ ਨੇ ਫ਼ਿਲਮਾਂ ਵਿੱਚ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ । ਅਦਾਕਾਰਾ ਕਿਰਨ ਜੁਨੇਜਾ ਬੇਬੀ ਨੂੰ ਬਾਲੀਵੁੱਡ ਵਿੱਚ ਲੈ ਕੇ ਆਈ ਸੀ ।ਦੇਖਦੇ ਹੀ ਦੇਖਦੇ ਬੇਬੀ ਗੁੱਡੂ ਮਸ਼ਹੂਰ ਹੋ ਗਈ ।

80 ਦੇ ਦਹਾਕੇ ਵਿੱਚ ਉਹ ਹਰ ਦੂਸਰੀ ਫ਼ਿਲਮ ਵਿੱਚ ਦਿਖਾਈ ਦੇਣ ਲੱਗੀ ਸੀ । ਬੇਬੀ ਨੇ ਉਸ ਦੌਰ ਦੇ ਹਰ ਹਿੱਟ ਅਦਾਕਾਰ ਨਾਲ ਕੰਮ ਕੀਤਾ ਸੀ । 1984 ਵਿੱਚ ਬੇਬੀ ਦੀ ਪਹਿਲੀ ਫ਼ਿਲਮ ਪਾਪ ਔਰ ਪੁੰਨ ਆਈ ਸੀ । ਇਸ ਫ਼ਿਲਮ ਵਿੱਚ ਉਸ ਦੀ ਅਦਾਕਾਰੀ ਨੂੰ ਕਾਫੀ ਪਸੰਦ ਕੀਤਾ ਗਿਆ । ਇਸ ਤੋਂ ਬਾਅਦ ਬੇਬੀ ਗੁੱਡੂ ਨੇ ਕਈ ਕਮਰਸ਼ੀਅਲ ਵੀ ਕੀਤੇ ।

ਬੇਬੀ ਗੁੱਡੂ ਨੂੰ ਹਰ ਅਦਾਕਾਰ ਬਹੁਤ ਪਿਆਰ ਕਰਦਾ ਸੀ। ਰਾਜੇਸ਼ ਖੰਨਾ ਨੇ ਗੁੱਡੂ ਨੂੰ ਲੈ ਕੇ ਟੈਲੀ ਫ਼ਿਲਮ ਤੱਕ ਬਣਾ ਦਿੱਤੀ ਸੀ । ਇੱਕ ਬਾਲ ਕਲਾਕਾਰ ਦੇ ਰੂਪ ਵਿੱਚ ਉਹਨਾਂ ਦੀ ਆਖਰੀ ਫ਼ਿਲਮ ਸੀ ਘਰ ਪਰਿਵਾਰ ਇਹ ਫ਼ਿਲਮ 1990 ਵਿੱਚ ਆਈ ਸੀ । 11 ਸਾਲ ਦੀ ਉਮਰ ਵਿੱਚ ਬੇਬੀ ਗੁੱਡੂ ਨੇ ਫ਼ਿਲਮਾਂ ਵਿੱਚ ਕੰਮ ਕਰਨਾ ਛੱਡ ਦਿੱਤਾ ਸੀ ਕਿਉਂਕਿ ਉਹ ਆਪਣੀ ਪੜ੍ਹਾਈ ਲਿਖਾਈ ਵੱਲ ਧਿਆਨ ਦੇਣ ਲੱਗ ਗਈ ਸੀ ।

ਬੇਬੀ ਗੁੱਡੂ ਹੁਣ ਦੁਬਈ ਵਿੱਚ ਰਹਿੰਦੀ ਹੈ । ਉਹ ਅਮੀਰਾਤ ਏਅਰਲਾਈਨ ਨਾਲ ਕੰਮ ਕਰਦੀ ਹੈ । ਬੇਬੀ ਗੁੱਡੂ ਦਾ ਹੁਣ ਵਿਆਹ ਹੋ ਚੁੱਕਿਆ ਹੈ । ਪਰ ਬਾਲੀਵੁੱਡ ਉਸ ਨੂੰ ਅੱਜ ਵੀ ਯਾਦ ਕਰਦਾ ਹੈ ਕਿਉਂਕਿ ਉਸ ਦੀਆਂ ਫ਼ਿਲਮਾਂ ਯਾਦਗਾਰ ਹਨ ।