ਗਾਇਕ ਸ਼ੈਰੀ ਮਾਨ ਦੀ 'ਕਸੂਤੀ ਡਿਗਰੀ' ਪਾ ਰਹੀ ਧਮਾਲ,ਲੋਕਾਂ ਵੱਲੋਂ ਗੀਤ ਨੂੰ ਮਿਲ ਰਿਹਾ ਭਰਵਾਂ ਹੁੰਗਾਰਾ

ਕਸੂਤੀ ਡਿਗਰੀ ,ਪਰ ਯਾਰ ਜਿਗਰੀ ,ਸ਼ੈਰੀ ਮਾਨ Sharry Mann ਦਾ ਇਹ ਨਵਾਂ ਗੀਤ Song  ਜਿਗਰੀ ਯਾਰਾਂ ਨੂੰ ਖੂਬ ਪਸੰਦ ਆ ਰਿਹਾ ਹੈ । ਕਾਲਜ ਸਮੇਂ 'ਚ ਪੜ੍ਹਾਈ ਦੌਰਾਨ ਦੀ ਦੋਸਤੀ ਨਿਭਾਉਣ ਖਾਤਿਰ ਨੌਜਵਾਨ ਕੀ ਕੁਝ ਕਰਦੇ ਨੇ । ਇਹ ਸਭ ਇਸ ਗੀਤ 'ਚ ਸ਼ੈਰੀ ਮਾਨ ਨੇ ਵਿਖਾਉਣ ਦੀ ਕੋਸ਼ਿਸ਼ ਕੀਤੀ ਹੈ ।ਇਹ ਗੀਤ ਯੁਟਿਊਬ 'ਤੇ ਧੁੰਮਾਂ ਪਾ ਰਿਹਾ ਹੈ ਅਤੇ ਨੌਜਵਾਨਾਂ ਦੀ ਪਹਿਲੀ ਪਸੰਦ ਬਣਿਆ ਹੋਇਆ ਹੈ ।

https://www.instagram.com/p/Bm_Kaucl627/?hl=en&taken-by=sharrymaan

'ਕਸੂਤੀ ਡਿਗਰੀ ' ਦਾ ਜਾਦੂ ਯੰਗਸਟਰ ਦੇ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ । ਨੌਜਵਾਨ ਇਸ ਗੀਤ 'ਤੇ ਭੰਗੜਾ ਪਾਉਂਦੇ ਵਿਖਾਈ ਦੇ ਰਹੇ ਨੇ । ਸ਼ੈਰੀ ਮਾਨ ਨੇ ਆਾਪਣੇ ਇੰਸਟਾਗ੍ਰਾਮ 'ਤੇ ਕਸੂਤੀ ਡਿਗਰੀ ਨੂੰ ਲੈ ਕੇ ਲੋਕਾਂ ਦੀ ਦੀਵਾਨਗੀ ਨੂੰ ਦਰਸਾਉਂਦਾ ਇੱਕ ਵੀਡਿਓ ਸਾਂਝਾ ਕੀਤਾ ਹੈ । ਜਿਸ 'ਚ ਦੋ ਨੌਜਵਾਨ ਕਸੂਤੀ ਡਿਗਰੀ 'ਤੇ ਭੰਗੜਾ ਪਾਉਂਦੇ ਨਜ਼ਰ ਆ ਰਹੇ ਨੇ । ਇਸ ਵੀਡਿਓ ਨੂੰ ਸਾਂਝਾ ਕਰਦੇ ਹੋਏ ਸ਼ੈਰੀ ਮਾਨ ਨੇ ਲਿਖਿਆ ਹੈ ਕਿ ਪੂਰੀ ਨਹੀਂ ਹੁੰਦੀ ਕਸੂਤੀ ਡਿਗਰੀ,ਇਸੇ ਨੇ ਦਿੱਤੇ ਸਾਨੂੰ ਯਾਰ ਜਿਗਰੀ।

 

ਸ਼ੈਰੀ ਮਾਨ ਨੇ ਇਨ੍ਹਾਂ ਗੱਭਰੂਆਂ ਦੇ ਭੰਗੜੇ ਦੀ ਤਾਰੀਫ ਕਰਦਿਆਂ ਲਿਖਿਆ ਹੈ ਕਿ ਅੱਤ ਭੰਗੜਾ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਵੀ ਸ਼ੈਰੀ ਮਾਨ ਕਾਲਜ ਅਤੇ ਕਾਲਜ ਦੇ ਹੋਸਟਲ ਬਾਰੇ ਕਾਫੀ ਗੀਤ ਗਾ ਚੁੱਕੇ ਨੇ ਅਤੇ ਉਨ੍ਹਾਂ ਦੇ ਗੀਤਾਂ ਨੂੰ ਸਰੋਤਿਆਂ ਦਾ ਪਿਆਰ ਵੀ ਮਿਲਿਆ ਅਤੇ ਹੁਣ ਉਨ੍ਹਾਂ ਦਾ ਇਹ ਨਵਾਂ ਗੀਤ ਧਮਾਲਾਂ ਪਾ ਰਿਹਾ ਹੈ।