ਗੁਰਬਾਣੀ ਦੇ ਦੋ ਸ਼ਬਦਾਂ ਨੇ ਬਦਲੀ ਅੰਮ੍ਰਿਤਸਰ ਦੇ ਨਾਮੀ ਗੈਂਗਸਟਰ ਦੀ ਜ਼ਿੰਦਗੀ
ਕਹਿੰਦੇ ਹਨ ਕਿ ਗੁਰਬਾਣੀ ਦਾ ਇੱਕ ਸ਼ਬਦ ਕਿਸੇ ਦੀ ਜ਼ਿੰਗੀ ਬਦਲ ਦਿੰਦਾ ਹੈ, ਅਜਿਹਾ ਹੀ ਕੁਝ ਹੋਇਆ ਸੀ ਸਾਬਕਾ ਗੈਂਗਸਟਰ ਰਵਨੀਤ ਸਿੰਘ ਉਰਫ ਸੋਨੂੰ ਮੋਟਾ ਦੇ ਨਾਲ । ਸੋਨੂੰ ਮੋਟੇ ਦੀ ਕਹਾਣੀ ਫ਼ਿਲਮੀ ਤਾਂ ਲੱਗਦੀ ਹੈ ਪਰ ਸੱਚੀ ਹੈ । ਸੋਨੂੰ ਦੀ ਜ਼ਿੰਦਗੀ ਵਿੱਚ ਸਾਲ 2000 ਵਿੱਚ ਅਜਿਹੀ ਘਟਨਾ ਵਾਪਰੀ ਸੀ ਜਿਸ ਕਰਕੇ ਉਸ ਨੇ ਗੈਂਗਸਟਰ ਬਣਨ ਦਾ ਫੈਸਲਾ ਲਿਆ । ਪਰ ਅੱਜ ਉਹ ਸਮਾਜ ਦਾ ਨੇਕ ਇਨਸਾਨ ਹੈ ।
ਰੋਜਾਨਾ ਗੁਰਬਾਣੀ ਸੁਣਦਾ ਹੈ ਤੇ ਲੋੜਵੰਦਾਂ ਦੀ ਮਦਦ ਕਰਦਾ ਹੈ । ਸੋਨੂੰ ਦਾ ਕਹਿਣਾ ਹੈ ਕਿ ਕੋਈ ਇਨਸਾਨ ਮਰਜੀ ਨਾਲ ਗੈਂਗਸਟਰ ਨਹੀਂ ਬਣਦਾ ਕਿਸੇ ਬੰਦੇ ਨੂੰ ਹਲਾਤ ਗੈਂਗਸਟਰ ਬਣਾ ਦਿੰਦੇ ਹਨ, ਤੇ ਇਹ ਰਸਤਾ ਕਿਸੇ ਨੂੰ ਨਹੀਂ ਚੁਨਣਾ ਨਹੀਂ ਚਾਹੀਦਾ ।
ਸੋਨੂੰ ਨੇ ਕਿਹਾ ਕਿ ਵਾਹਿਗੁਰੂ ਦੀ ਮਿਹਰ ਸਦਕਾ ਮੈਂ ਹੁਣ ਗੈਂਗਸਟਰ ਤੋਂ ਆਮ ਇਨਸਾਨ ਦੀ ਜ਼ਿੰਦਗੀ ਜਿਊਣੀ ਸ਼ੁਰੂ ਕਰ ਦਿੱਤੀ ਹੈ । ਸੋਨੂੰ ਹੁਣ ਹਰ ਰੋਜ ਗੁਰਦੁਆਰਾ ਗੁਰੂ ਦੇ ਮਹਿਲ ਸਾਹਿਬ ਵਿੱਚ ਗੁਰਬਾਣੀ ਸਰਵਣ ਕਰਨ ਜਾਂਦਾ ਹੈ । ਪਿੰਗਲਵਾੜੇ ਦੇ ਮੰਦਬੁੱਧੀ ਬੱਚਿਆਂ ਦੀ ਸੇਵਾ ਕਰਨਾ ਉਸ ਦਾ ਮੁੱਖ ਟੀਚਾ ਹੈ । ਉਸ ਦਾ ਕਹਿਣਾ ਹੈ ਕਿ ਸੇਵਾ ਕਰਕੇ ਉਸ ਦੇ ਮਨ ਨੂੰ ਬਹੁਤ ਸ਼ਾਂਤੀ ਮਿਲਦੀ ਹੈ ।
