ਗੁਰਦਾਸ ਮਾਨ ਦੇ ਗੀਤ ਦੇ ਨਾਲ ਇਸ ਰੇਡੀਓ ਜੌਕੀ ਨੇ ਕੀਤੀ ਕਮਾਲ,ਗੁਰਦਾਸ ਮਾਨ ਤਾਰੀਫ਼ ਕੀਤੇ ਬਗੈਰ ਨਹੀਂ ਰਹਿ ਸਕੇ

ਗੁਰਦਾਸ ਮਾਨ ਏਨੀਂ ਦਿਨੀਂ ਯੂ ਕੇ ਟੂਰ 'ਤੇ ਹਨ । ਉਹ ਵਿਦੇਸ਼ 'ਚ ਕਈ ਥਾਵਾਂ 'ਤੇ ਪਰਫਾਰਮ ਕਰ ਰਹੇ ਹਨ ।ਉਨ੍ਹਾਂ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ । ਇਸ ਵੀਡੀਓ 'ਚ ਉਹ ਵਿਦੇਸ਼ 'ਚ ਕਿਸੇ ਰੇਡੀਓ ਸਟੇਸ਼ਨ 'ਤੇ ਆਪਣਾ ਗੀਤ ਗਾ ਕੇ ਸੁਣਾ ਰਹੇ ਹਨ ਜੱਗਾ । ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਸ 'ਚ ਨਵੀਂ ਗੱਲ ਕੀ ਹੈ ? ਕਲਾਕਾਰ ਹਨ ਤਾਂ ਪਰਫਾਰਮ ਤਾਂ ਕਰਨਗੇ ਹੀ !

ਹੋਰ ਵੇਖੋ :ਗੁਰਦਾਸ ਮਾਨ ਨੇ ਵਿਦੇਸ਼ ‘ਚ ਵੱਸੇ ਪੰਜਾਬੀਆਂ ਨੂੰ ਦਿੱਤਾ ਖ਼ਾਸ ਸੁਨੇਹਾ,ਵੀਡੀਓ ਵਾਇਰਲ

https://www.facebook.com/GurdasMaanJi.786/videos/2276521325730819/

ਜੀ ਹਾਂ ਅਸੀਂ ਤੁਹਾਡੀ ਗੱਲ ਨਾਲ ਸਹਿਮਤ ਹਾਂ ਪਰ ਇਸ ਵੀਡੀਓ 'ਚ ਜੋ ਅਸੀਂ ਨਵਾਂ ਤੁਹਾਨੂੰ ਵਿਖਾਉਣ ਜਾ ਰਹੇ ਹਾਂ ਉਸ ਗੁਰਦਾਸ ਮਾਨ ਦਾ ਸਾਥ ਦੇਣ ਵਾਲੇ ਰੇਡੀਓ ਜੌਕੀ ਹਨ । ਜਿਨ੍ਹਾਂ ਨੇ ਐਂਕਰਿੰਗ ਦੇ ਨਾਲ-ਨਾਲ ਗੁਰਦਾਸ ਮਾਨ ਦਾ ਸਾਜ ਵਜਾ ਕੇ ਸਾਥ ਦਿੱਤਾ । ਪਰ ਸਟੂਡੀਓ 'ਚ ਕੋਈ ਵੀ ਸਾਜ਼ ਮੌਜੂਦ ਨਹੀਂ ਸੀ ਦਰਅਸਲ ਸਾਜ਼ ਇਸ ਸ਼ਖਸ ਨੇ ਆਪਣੇ ਮੂੰਹ ਨਾਲ ਵਜਾਇਆ ।

ਇਸ ਵੀਡੀਓ ਨੂੰ ਵੇਖ ਕੇ ਤੁਹਾਨੂੰ ਇਸ ਗੱਲ ਦਾ ਅੰਦਾਜ਼ਾ ਲਗਾਉਣਾ ਮੁਸ਼ਕਿਲ ਹੋ ਜਾਵੇਗਾ ਕਿ ਸੱਚਮੁੱਚ ਹੀ ਇਹ ਸ਼ਖਸ ਮੂੰਹ ਨਾਲ ਏਨੇ ਵਧੀਆ ਸਾਜ਼ ਵਜਾ ਰਿਹਾ ਹੈ । ਸਾਡੀ ਗੱਲ ਦਾ ਸ਼ਾਇਦ ਤੁਹਾਨੂੰ ਯਕੀਨ ਨਾ ਆਵੇ ਪਰ ਇਹ ਹੈ ਬਿਲਕੁਲ ਸੱਚ ਜਿਸ ਦਾ ਜਿਉਂਦਾ ਜਾਗਦਾ ਇਹ ਵੀਡੀਓ ਤੁਹਾਡੇ ਸਾਹਮਣੇ ਹੈ । ਇਸ ਰੇਡੀਓ ਜੌਕੀ ਦੇ ਗੁਰਦਾਸ ਮਾਨ ਵੀ ਕਾਇਲ ਹੋ ਗਏ ਤੇ ਉਸ ਦੀ ਤਾਰੀਫ਼ ਕੀਤੇ ਬਗੈਰ ਨਹੀਂ ਰਹਿ ਸਕੇ ।