ਉਹ ਵਕ਼ਤ ਬੜਾ ਦੂਰ ਗਿਆ ਜਦੋਂ ਪੱਗ ਵਟਾਈ ਜਾਂਦੀ ਸੀ, ਯਾਰੀ ਦੀਆਂ ਕਸਮਾਂ ਰੱਖਣ ਲਈ ਜਿੰਦ ਜਾਨ ਲੁਟਾਈ ਜਾਂਦੀ ਸੀ-ਗੁਰਨਾਮ ਭੁੱਲਰ
Rajan Sharma
July 21st 2018 11:19 AM
'ਜਿੰਨਾ ਤੇਰਾ ਮੈਂ ਕਰਦੀ', 'ਡਰਾਈਵਰੀ', 'ਸ਼ਨੀਵਾਰ' ਤੋਂ ਇਲਾਵਾ ਹੋਰ ਆਪਣੇ ਹਿੱਟ ਗੀਤਾਂ ਨਾਲ ਚਰਚਾ ਵਿਚ ਆਏ ਗਾਇਕ ਗੁਰਨਾਮ ਭੁੱਲਰ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਮਸ਼ਹੂਰ ਗਾਇਕ ਅਤੇ ਕਲਾਕਾਰ ਹਨ| ਆਪਣੀ ਆਵਾਜ਼ ਨਾਲ ਬੁਲੰਦੀਆਂ ਨੂੰ ਛੂਹਣ ਵਾਲੇ ਗੁਰਨਾਮ ਭੁੱਲਰ ਆਪਣੀ ਇਸ ਤਰੱਕੀ ਦਾ ਸੇਹਰਾ ਉਸਤਾਦ ਕੁਲਦੀਪ ਮਾਣਕ ਨੂੰ ਦਿੰਦੇ ਹਨ| ਸੋਸ਼ਲ ਮੀਡਿਆ ਤੇ ਫੈਨਸ ਦੇ ਦਰਮਿਆਨ ਕੁਝ ਨਾ ਕੁਝ ਪੇਸ਼ ਕਰਦੇ ਰਹਿਣਾ ਗੁਰਨਾਮ ਭੁੱਲਰ gurnam bhullar ਨੂੰ ਬੇਹੱਦ ਪਸੰਦ ਹੈ| ਹਾਲ ਹੀ ਵਿੱਚ ਉਹਨਾਂ ਨੇ ਆਪਣੇ ਇੰਸਟਾਗ੍ਰਾਮ ਤੇ ਇੱਕ ਪੋਸਟ ਸਾਂਝਾ ਕੀਤੀ ਹੈ ਜਿਸ ਵਿੱਚ ਉਹ ਰਿਆਜ਼ ਕਰਦੇ ਹੋਏ ਆਪਣੇ ਉਸਤਾਦ ਕੁਲਦੀਪ ਮਾਣਕ ਨੂੰ ਯਾਦ ਕਰਦੇ ਹੋਏ ਉਹਨਾਂ ਦਾ ਗੀਤ "ਇਹ ਦੁਨੀਆਂ ਧੋਖੇਬਾਜਾਂ ਦੀ" ਬੜੇ ਹੀ ਰੋਮਾਂਚਕ ਤਰੀਕੇ ਨਾਲ ਗਾ ਰਹੇ ਹਨ| ਗੀਤ ਦੇ ਬੋਲ "ਇਹ ਦੁਨੀਆਂ ਧੋਖੇਬਾਜ਼ਾਂ ਦੀ, punjabi song ਇਥੇ ਯਾਰ ਬਣਾਕੇ ਠੱਗਦੇ ਨੇ" ਬੜੇ ਹੀ ਖ਼ੂਬਸੂਰਤੀ ਨਾਲ ਲਿਖੇ ਗਏ ਹਨ|