ਹਿਮਾਂਸ਼ੀ ਖੁਰਾਨਾ 'ਹਾਈ ਹੀਲ' ਦੇ ਨਾਲ ਆਪਣੀ ਗਾਇਕੀ ਦੀ ਸ਼ੁਰੂਆਤ ਲਈ ਹਨ ਬਹੁਤ ਉਤਸੁਕ

ਅਦਾਕਾਰਾ ਹਿਮਾਂਸ਼ੀ ਖੁਰਾਣਾ, ਜਿਨ੍ਹਾਂ ਨੇ ਪੰਜਾਬੀ ਫਿਲਮ "ਸਾਡਾ ਹੱਕ" ਅਤੇ "2 ਬੋਲ" ਵਿੱਚ ਭੂਮਿਕਾ ਨਿਭਾਈ ਸੀ, ਗਾਇਕੀ ਵਿੱਚ ਆਪਣਾ ਹੱਥ ਅਜ਼ਮਾਉਣ ਲਈ ਉਤਸੁਕ ਹਨ | ਹਾਲ ਹੀ ਚ ਉਨ੍ਹਾਂ ਨੇ ਦਸਿਆ, "ਮੈਂ ਆਪਣੇ ਪਹਿਲੇ ਪੰਜਾਬੀ ਗੀਤ 'ਹਾਈ ਹੀਲ' ਲਈ ਬਹੁਤ ਉਤਸੁਕ ਹਾਂ | ਪੰਜਾਬੀ ਏੰਟਰਟੇਨਮੇੰਟ ਇੰਡਸਟਰੀ ਲਈ ਕਈ ਸੰਗੀਤ ਵੀਡੀਓਜ਼ ਵਿਚ ਕੰਮ ਕੀਤਾ ਹੈ | ਇਸ ਗਾਣੇ ਤੋਂ ਮੈਂ ਆਪਣੀ ਗਾਇਕੀ ਦੀ ਸ਼ੁਰੂਆਤ ਕਰ ਰਹੀ ਹਾਂ |"

ਨਾਲ ਹੀ ਉਨ੍ਹਾਂ ਨੇ ਕਿਹਾ, "ਮੈਂ ਸਖ਼ਤ ਮਿਹਨਤ ਕਰ ਰਹੀ ਹਾਂ ਅਤੇ ਇਹ ਵੀ ਉਮੀਦ ਕਰਦਾ ਹੈ ਕਿ ਰੱਬ ਮੇਰੀ ਮਦਦ ਕਰੇ | ਮੇਰਾ ਮੰਨਣਾ ਹੈ ਕਿ ਮੇਰੇ ਪ੍ਰਸ਼ੰਸਕ ਮੇਰੀ ਨਵੀਂ ਯਾਤਰਾ ਵਿੱਚ ਵੀ ਮੇਰੀ ਸਹਾਇਤਾ ਕਰਣਗੇ | ਪਰ ਇਸ ਨਵੀਂ ਯਾਤਰਾ ਦੇ ਨਾਲ, ਮੈਂ ਆਪਣੇ ਪੁਰਾਣੇ ਕੈਰੀਅਰ ਨੂੰ ਨਹੀਂ ਛੱਡ ਰਹੀ | ਮੈਂ ਅਦਾਕਾਰੀ ਅਤੇ ਮਾਡਲਿੰਗ ਕਾਰਜਾਂ ਚ ਕੰਮ ਕਰਨ ਲਈ ਹਮੇਸ਼ਾ ਤਿਆਰ ਹਾਂ |"

ਦੇਸ਼ ਦੇ ਪ੍ਰਮੁੱਖ ਗਾਇਕਾਂ ਦੀ ਸੂਚੀ ਵਿਚ ਆਪਣਾ ਨਾਂ ਵੇਖਣ ਦੀ ਇੱਛੁਕ ਹਿਮਾਂਸ਼ੀ ਕਈ ਵੀਡਿਓਜ਼ ਵਿਚ ਕੰਮ ਕਰ ਚੁਕੀ ਹੈ | ਦੱਸ ਦੇਈਏ ਕਿ ਹਿਮਾਂਸ਼ੀ Himanshi Khurana ਨੇ 2011 ਵਿਚ ਮਿਸ ਲੁਧਿਆਣਾ ਦਾ ਖਿਤਾਬ ਜਿਤਾ ਸੀ | ਹੁਣ ਉਹ ਆਪਣੀ ਆਵਾਜ਼ ਨਾਲ ਕਿੰਨੇ ਕੁ ਲੋਕਾਂ ਦਾ ਦਿਲ ਜਿੱਤਦੀ ਹੈ, ਇਹ ਦੇਖਣਾ ਬਾਕੀ ਹੈ |