ਆਪਣੀ ਪਹਿਲੀ ਫ਼ਿਲਮ ਦੇ ਹੀਰੋ ਅਭਿਸ਼ੇਕ ਬੱਚਨ ਨੂੰ ‘ਜੀਜੂ’ ਕਹਿ ਕੇ ਬੁਲਾਉਂਦੀ ਸੀ ਕਰੀਨਾ ਕਪੂਰ, ਇਹ ਸੀ ਵਜ੍ਹਾ

ਕਰੀਨਾ ਕਪੂਰ ਤੇ ਅਭਿਸ਼ੇਕ ਬੱਚਨ ਦੀ ਫ਼ਿਲਮ ‘ਰਿਫਿਊਜੀ’ ਨੂੰ 20 ਸਾਲ ਹੋ ਗਏ ਹਨ । ਇਸ ਦੇ ਨਾਲ ਹੀ ਇਹਨਾਂ ਕਲਾਕਾਰਾਂ ਦਾ ਫ਼ਿਲਮੀ ਸਫ਼ਰ ਵੀ ਦੋ ਦਹਾਕਿਆਂ ਦਾ ਹੋ ਗਿਆ ਹੈ । ਇਸ ਮੌਕੇ ਤੇ ਕਰੀਨਾ ਕਪੂਰ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੇ ਇੱਕ ਪੋਸਟ ਵੀ ਸ਼ੇਅਰ ਕੀਤਾ ਹੈ । ਭਾਵਂੇ ਡੈਬਿਊ ਫ਼ਿਲਮ ਵਿੱਚ ਅਭਿਸ਼ੇਕ ਕਰੀਨਾ ਦੇ ਹੀਰੋ ਰਹੇ ਹੋਣ, ਪਰ ਸੈੱਟ ਤੇ ਬੇਬੋ ਉਹਨਾਂ ਨੂੰ ਜੀਜੂ ਕਹਿ ਕੇ ਬੁਲਾਉਂਦੀ ਸੀ ।

https://www.instagram.com/p/CCDOBWqpvYB/

ਦਰਅਸਲ ਅਭਿਸ਼ੇਕ ਬੱਚਨ ਦੀ ਭੈਣ ਸ਼ਵੇਤਾ ਦਾ ਵਿਆਹ ਕਰੀਨਾ ਕਪੂਰ ਦੀ ਭੁਆ ਰਿਤੂ ਨੰਦਾ ਦੇ ਬੇਟੇ ਨਿਖਿਲ ਨਾਲ ਹੋਇਆ ਹੈ । ਇਹਨਾਂ ਦੇ ਵਿਆਹ ਦੌਰਾਨ ਹੀ ਕਰਿਸ਼ਮਾ ਕਪੂਰ ਤੇ ਅਭਿਸ਼ੇਕ ਇੱਕ ਦੂਜੇ ਦੇ ਨੇੜੇ ਆ ਗਏ ਸਨ । ਕਹਿੰਦੇ ਹਨ ਕਿ ਫ਼ਿਲਮ ਰਿਫਿਊਜੀ ਦੇ ਸੈੱਟ ਤੇ ਕਰਿਸ਼ਮਾ ਕਪੂਰ ਅਕਸਰ ਅਭਿਸ਼ੇਕ ਨੂੰ ਮਿਲਣ ਜਾਂਦੀ ਸੀ ਤੇ ਕਰੀਨਾ ਅਭਿਸ਼ੇਕ ਨੂੰ ਜੀਜੂ ਕਹਿ ਕੇ ਬੁਲਾਉਂਦੀ ਸੀ ।

ਇੱਥੇ ਹੀ ਬਸ ਨਹੀਂ ਅਭਿਸ਼ੇਕ ਤੇ ਕਰਿਸ਼ਮਾ ਕਪੂਰ ਦੀ ਮੰਗਣੀ ਵੀ ਹੋਈ ਸੀ ਪਰ ਦੋਹਾਂ ਦਾ ਇਹ ਰਿਸ਼ਤਾ ਛੇਤੀ ਟੁੱਟ ਗਿਆ ਸੀ । ਕਹਿੰਦੇ ਹਨ ਕਿ ਇਹ ਰਿਸ਼ਤਾ ਕਰਿਸ਼ਮਾ ਦੀ ਮੰਮੀ ਬਬੀਤਾ ਕਰਕੇ ਟੁੱਟਿਆ ਸੀ ਕਿਉਂਕਿ ਬਬਿਤਾ ਆਪਣੀ ਸੂਪਰਸਟਾਰ ਬੇਟੀ ਦਾ ਰਿਸ਼ਤਾ ਅਭਿਸ਼ੇਕ ਵਰਗੇ ਸਟਰਗਲ ਕਰਨ ਵਾਲੇ ਐਕਟਰ ਨਾਲ ਨਹੀਂ ਕਰਨਾ ਚਾਹੁੰਦੀ ਸੀ ।