ਕਿਸਾਨਾਂ ਦਾ ਅੰਦੋਲਨ ਪਿਛਲੇ ਦੋ ਮਹੀਨਿਆਂ ਤੋਂ ਜਾਰੀ ਹੈ ।ਕਿਸਾਨਾਂ ਵੱਲੋਂ ਸ਼ਾਂਤਮਈ ਤਰੀਕੇ ਦੇ ਨਾਲ ਸਰਕਾਰ ਨੂੰ ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਨ ਦੀ ਮੰਗ ਕੀਤੀ ਜਾ ਰਹੀ ਹੈ । ਪਰ ਹਾਲੇ ਤੱਕ ਸਰਕਾਰ ਨੇ ਇਨ੍ਹਾਂ ਕਿਸਾਨਾਂ ਦੀ ਕੋਈ ਸੁਣਵਾਈ ਨਹੀਂ ਕੀਤੀ, ਇਸ ਦੇ ਨਾਲ ਹੀ ਕਿਸਾਨਾਂ ਨੂੰ ਰੋਕਣ ਲਈ ਕਈ ਤਰ੍ਹਾਂ ਦੇ ਹੱਥਕੰਡੇ ਅਪਣਾ ਰਹੀ ਹੈ ।
ਪੰਜਾਬੀ ਇੰਡਸਟਰੀ ਦੇ ਸਿਤਾਰੇ ਵੀ ਲਗਾਤਾਰ ਕਿਸਾਨਾਂ ਦਾ ਸਮਰਥਨ ਕਰ ਰਹੇ ਹਨ । ਕੌਰ ਬੀ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਲੰਮੀ ਚੌੜੀ ਪੋਸਟ ਕਿਸਾਨ ਅੰਦੋਲਨ ਨੂੰ ਲੈ ਕੇ ਪਾਈ ਹੈ । ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਲਿਖਿਆ ਕਿ ‘ਮੇਰੇ ਵਾਹਿਗੁਰੂ ਜੀ ਨੂੰ ਈ ਪਤਾ ਕਿ ਸੱਚ ਹੈ ਕਿ ਝੂਠ, ਸ਼ਾਇਦ ਮੇਰੀ ਸਮਝ ਘੱਟ ਹੋਵੇਗੀ ਤੇ ਇਹ ਗੱਲ ਵੱਡੀ ਹੋਊਗੀ, ਕਿਉਂਕਿ ਸਾਰੇ ਮੇਰੇ ਤੋਂ ਵੱਡੇ ‘ਤੇ ਸਿਆਣੇ ਆ ਫਿਰ ਵੀ ਦਿਲ ਕੀਤਾ ਕਹਿਣ ਨੂੰ।
ਹੋਰ ਪੜ੍ਹੋ : ਕਿਸਾਨਾਂ ਦੇ ਅੰਦੋਲਨ ਨੂੰ ਇੰਟਰਨੈਸ਼ਨਲ ਪੌਪ ਸਟਾਰ ਰਿਹਾਨਾ ਸਮੇਤ ਕਈ ਵੱਡੇ ਸਿਤਾਰਿਆਂ ਨੇ ਦਿੱਤਾ ਆਪਣਾ ਸਮਰਥਨ
ਪਿਛਲੇ ਦਿਨਾਂ ਤੋਂ ਕਾਫੀ ਵੀਡੀਓ ਵੇਖ ਕੇ ਮੈਨੂੰ ਇੱਦਾਂ ਲੱਗਿਆ ਕਿ ਆ ਟਾਈਮ ਸਾਡੇ ਆਪਸ ‘ਚ ਲੜਣ ਦਾ ਨਹੀਂ, ਬਲਕਿ ਸਾਰਿਆਂ ਦੇ ਇੱਕਠੇ ਰਹਿਣ ਦਾ ਹੈ ।
ਇਸ ਅੰਦੋਲਨ ਦੌਰਾਨ ਸਾਡੇ ਕਿੰਨੇ ਵੀਰ, ਬਜ਼ੁਰਗ ਸਾਡੇ ਤੋਂ ਦੂਰ ਚਲੇ ਗਏ ।ਉਨ੍ਹਾਂ ਦੇ ਪਰਿਵਾਰਾਂ ‘ਤੇ ਕੀ ਬੀਤ ਰਹੀ ਹੋਊ ।ਬਾਕੀ ਵੀ ਸਾਰੇ ਵੀਰ ਜਿਹੜੇ ਦਲੇਰੀ ਦੇ ਨਾਲ ਖੜੇ ਆ ਉਨ੍ਹਾਂ ਨੂੰ ਵੀ ਬੇਨਤੀ ਆ ਕਿ ਕਿਰਪਾ ਕਰਕੇ ਜੋਸ਼ ‘ਚ ਆ ਕੇ ਕੋਈ ਵੀ ਗਲਤੀ ਨਾ ਕਰੀਏ ਅਤੇ ਕਿਸੇ ਨੂੰ ਵੀ ਮੌਕਾ ਨਾ ਦਈਏ’।ਕੌਰ ਬੀ ਨੇ ਹੋਰ ਵੀ ਬਹੁਤ ਕੁਝ ਇਸ ਪੋਸਟ ‘ਚ ਸਾਂਝਾ ਕੀਤਾ ਹੈ ।
View this post on Instagram