ਆਪਣੀ ਮੌਤ ਤੋਂ ਦੋ ਦਿਨ ਪਹਿਲਾਂ ਮਰਹੂਮ ਗਾਇਕ ਰਾਜ ਬਰਾੜ ਨੇ ਗੀਤਕਾਰ ਮੱਟ ਸ਼ੇਰੋਂ ਵਾਲਾ ਕੋਲੋਂ ਮੰਗੀ ਸੀ ਮੁਆਫ਼ੀ
Aaseen Khan
April 30th 2019 05:15 PM
ਆਪਣੀ ਮੌਤ ਤੋਂ ਦੋ ਦਿਨ ਪਹਿਲਾਂ ਮਰਹੂਮ ਗਾਇਕ ਰਾਜ ਬਰਾੜ ਨੇ ਗੀਤਕਾਰ ਮੱਟ ਸ਼ੇਰੋਂ ਵਾਲਾ ਕੋਲੋਂ ਮੰਗੀ ਸੀ ਮੁਆਫ਼ੀ : ਭਾਰਤੀ ਫੌਜ 'ਚ ਆਪਣੀਆਂ ਸੇਵਾਵਾਂ ਨਿਭਾ ਚੁੱਕੇ ਨਾਮਵਰ ਗੀਤਕਾਰ ਮੱਟ ਸ਼ੇਰੋਂ ਵਾਲਾ ਜਿੰਨ੍ਹਾਂ ਦੇ ਗੀਤਾਂ ਨੂੰ ਪੰਜਾਬੀ ਇੰਡਸਟਰੀ ਦੇ ਵੱਡੇ ਵੱਡੇ ਗਾਇਕ ਗਾ ਚੁੱਕੇ ਹਨ। ਮਰਹੂਮ ਗਾਇਕ ਰਾਜ ਬਰਾੜ ਨੂੰ ਆਪਣਾ ਰੋਲ ਮਾਡਲ ਮੰਨਣ ਵਾਲੇ ਮੱਟ ਸ਼ੇਰੋਂ ਦੇ ਗੀਤ ਰਾਜ ਬਰਾੜ ਵੀ ਗਾ ਚੁੱਕੇ ਸਨ, ਜਿੰਨ੍ਹਾਂ 'ਚ ਗੀਤ 'ਪੁੱਤ ਵਰਗਾ ਫੋਰਡ ਟਰੈਕਟਰ' ਵਰਗੇ ਗੀਤ ਨੂੰ ਸਰੋਤਿਆਂ ਨੇ ਬਹੁਤ ਮਕਬੂਲ ਕੀਤਾ ਹੈ। 2 ਸਾਲ ਪਹਿਲਾਂ ਪੀਟੀਸੀ ਸਪਾਟ ਲਾਈਟ 'ਚ ਮੱਟ ਸ਼ੇਰੋਂ ਵਾਲਾਂ ਨੇ ਕਿਹਾ ਸੀ ਕਿ ਰਾਜ ਬਰਾੜ ਨੇ ਆਪਣੀ ਮੌਤ ਤੋਂ ਦੋ ਦਿਨ ਪਹਿਲਾਂ ਉਹਨਾਂ ਨੂੰ ਵਾਇਸ ਮੈਸੇਜ ਭੇਜਿਆ ਸੀ ਜਿਸ 'ਚ ਉਹਨਾਂ ਨੇ ਮੁਆਫ਼ੀ ਮੰਗੀ ਸੀ ਪਰ ਮੱਟ ਸ਼ੇਰੋਂ ਵਾਲਾ ਅਜੇ ਤੱਕ ਇਸ ਗੱਲ ਤੋਂ ਅਣਜਾਣ ਹਨ ਕਿ ਰਾਜ ਬਰਾੜ ਨੇ ਉਹਨਾਂ ਤੋਂ ਮੁਆਫ਼ੀ ਕਿਉਂ ਮੰਗੀ ਸੀ।