ਫ਼ਿਲਮ 'ਮਿੰਦੋ ਤਸੀਲਦਾਰਨੀ' ਨੂੰ ਵੇਖਣ ਦੇ ਚੱਕਰ ਵਿੱਚ ਜੱਟ ਝੋਨਾ ਲਗਾਉਣਾ ਭੁੱਲੇ, ਵੀਡੀਓ ਵਾਇਰਲ
ਕਰਮਜੀਤ ਅਨਮੋਲ ਦੀ ਫ਼ਿਲਮ ਮਿੰਦੋ ਤਸੀਲਦਾਰਨੀ 28 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ । ਇਸ ਫ਼ਿਲਮ ਦਾ ਟ੍ਰੇਲਰ ਪਿਛਲੇ ਦਿਨੀਂ ਰਿਲੀਜ਼ ਕੀਤਾ ਗਿਆ ਸੀ ਜਿਸ ਨੂੰ ਦਰਸ਼ਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਹੈ । ਫ਼ਿਲਮ ਨੂੰ ਲੈ ਕੇ ਦਰਸ਼ਕ ਕਾਫੀ ਉਤਸ਼ਾਹਿਤ ਹਨ ਕਿਉਂਕਿ ਜਿਸ ਤਰ੍ਹਾਂ ਦਾ ਫ਼ਿਲਮ ਦਾ ਟਰੇਲਰ ਹੈ, ਉਸ ਤੋਂ ਲੱਗਦਾ ਹੈ ਕਿ ਇਸ ਫ਼ਿਲਮ ਵਿੱਚ ਲੀਹ ਤੋਂ ਹੱਟਕੇ ਕੁਝ ਨਵਾਂ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ । ਫ਼ਿਲਮ ਦੀ ਕਹਾਣੀ ਕਾਫੀ ਹੱਟਕੇ ਹੈ, ਇਸੇ ਲਈ ਇਹ ਫ਼ਿਲਮ ਬਾਕਸ ਆਫ਼ਿਸ ਤੇ ਹਿੱਟ ਹੋ ਸਕਦੀ ਹੈ । ਇਸ ਫ਼ਿਲਮ ਵਿੱਚ ਹਾਸਿਆਂ ਦੇ ਬਾਦਸ਼ਾਹ ਤੇ ਕਿਸੇ ਵੀ ਕਿਰਦਾਰ ਵਿੱਚ ਜਾਨ ਪਾਉਣ ਵਾਲੇ ਅਦਾਕਾਰ ਕਰਮਜੀਤ ਅਨਮੋਲ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਉਣਗੇ ।
https://www.instagram.com/p/Bypf5sDhUeW/
ਇਸ ਤੋਂ ਇਲਾਵਾ ਚੁਲਬੁਲੇ ਸੁਭਾਅ ਵਾਲੀ ਕਵਿਤਾ ਕੌਸ਼ਿਕ ਆਪਣੀਆਂ ਝਿੜਕਾਂ ਨਾਲ ਕਰਮਜੀਤ ਅਨਮੋਲ ਨੂੰ ਟਕੋਰਾਂ ਕਰਦੀ ਹੋਈ ਨਜ਼ਰ ਆਵੇਗੀ। ਰਾਜਵੀਰ ਜਵੰਦਾ ਤੇ ਈਸ਼ਾ ਰਿਖੀ ਦੀ ਜੋੜੀ ਇਸ ਫ਼ਿਲਮ ਵਿੱਚ ਰੋਮਾਂਸ ਦਾ ਤੜਕਾ ਲਗਾਉਂਦੀ ਹੋਈ ਦਿੱਸੇਗੀ । ਫਿਲਮ ਦੇ ਹੋਰ ਕਿਰਦਾਰਾਂ ਦੀ ਗੱਲ ਕੀਤੀ ਜਾਵੇ ਤਾਂ ਸਰਦਾਰ ਸੋਹੀ, ਹਾਰਬੀ ਸੰਘਾ, ਰੁਪਿੰਦਰ ਰੂਪੀ ਤੇ ਮਲਕੀਤ ਰੌਂਣੀ ਆਪਣੀ ਅਦਾਕਾਰੀ ਨਾਲ ਇਸ ਫ਼ਿਲਮ ਵਿੱਚ ਰੌਣਕਾਂ ਲਗਾਉਣਗੇ ।
https://www.youtube.com/watch?v=K5nc3B54kjI&feature=youtu.be
ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਇਹ ਫ਼ਿਲਮ ਕਰਮਜੀਤ ਅਨਮੋਲ ਦੀ ਆਪਣੀ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਬਣ ਰਹੀ ਹੈ । ਉਹ ਇਸ ਫ਼ਿਲਮ ਦੇ ਪ੍ਰਮੋਸ਼ਨ ਵਿੱਚ ਲੱਗੇ ਹੋਏ ਹਨ । ਉਹਨਾਂ ਦੇ ਫੈਨ ਵੀ ਇਸ ਫ਼ਿਲਮ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ । ਜਿਸ ਦਾ ਅੰਦਾਜ਼ਾ ਕਰਮਜੀਤ ਅਨਮੋਲ ਆਪਣੇ ਪ੍ਰਸ਼ੰਸਕਾਂ ਵੱਲੋਂ ਫ਼ਿਲਮ ਨੂੰ ਲੈ ਕੇ ਬਣਾਈਆਂ ਵੀਡੀਓਜ਼ ਤੋਂ ਲਗਾਇਆ ਜਾ ਸਕਦਾ ਹੈ ।
https://www.instagram.com/p/Byt0BLmBzxV/
ਕਰਮਜੀਤ ਅਨਮੋਲ ਆਪਣੇ ਇੰਸਟਾਗ੍ਰਾਮ ਤੇ ਇਹ ਵੀਡੀਓ ਲਗਤਾਰ ਸ਼ੇਅਰ ਕਰ ਰਹੇ ਹਨ । ਕਰਮਜੀਤ ਅਨਮੋਲ ਨੇ ਇੱਕ ਤਾਜ਼ਾ ਵੀਡੀਓ ਸ਼ੇਅਰ ਕੀਤਾ ਹੈ । ਜਿਸ ਵਿੱਚ ਦੋ ਜੱਟਾਂ ਦੀ ਗੱਲ-ਬਾਤ ਦਿਖਾਈ ਗਈ ਹੈ । ਇਸ ਵੀਡੀਓ ਵਿੱਚ ਇੱਕ ਜੱਟ ਪਾਣੀ ਦਾ ਨੱਕਾ ਮੋੜ ਰਿਹਾ ਹੈ ਤੇ ਦੂਜਾ ਜੱਟ ਉਸ ਨੂੰ ਕਹਿੰਦਾ ਹੈ ਕਿ ੨੮ ਤਰੀਕ ਨੂੰ ਪ੍ਰਵਾਸੀ ਮਜ਼ਦੂਰ ਆਉਣਗੇ, ਤੇ ਤੂੰ ਖੇਤ ਵਿੱਚ ਝੋਨਾ ਲਗਵਾ ਲਈ ਪਰ ਨੱਕਾ ਮੋੜਨ ਵਾਲਾ ਜੱਟ ਕਹਿੰਦਾ ਹੈ ਕਿ ਉਸ ਕੋਲ 28 ਤਰੀਕ ਨੂੰ ਟਾਈਮ ਨਹੀਂ ਕਿਉਂਕਿ ਉਹ ਫ਼ਿਲਮ ਮਿੰਦੋ ਤਸੀਲਦਾਰਨੀ ਦੇਖਣ ਜਾ ਰਿਹਾ, ਇਸ ਤੇ ਦੂਜਾ ਜੱਟ ਵੀ ਕਹਿੰਦਾ ਹੈ ਕਿ ਉਹ ਵੀ ਇਹ ਫ਼ਿਲਮ ਦੇਖਣ ਜਾ ਰਿਹਾ ਹੈ ।
https://www.instagram.com/p/By5onldhk1d/
ਇਸ ਵਿਡੀਓ ਤੋਂ ਪਹਿਲਾਂ ਵੀ ਕਰਮਜੀਤ ਅਨਮੋਲ ਨੇ ਇੱਕ ਵੀਡੀਓ ਸ਼ੇਅਰ ਕੀਤੀ ਸੀ ਜਿਸ ਵਿੱਚ ਪ੍ਰਵਾਸੀ ਮਜ਼ਦੂਰਾਂ ਨੂੰ ਦਿਖਾਇਆ ਗਿਆ ਸੀ
https://www.instagram.com/p/By4MFRIhU0-/
ਸੋ ਇਹਨਾਂ ਵੀਡੀਓ ਨੂੰ ਦੇਖ ਕੇ ਕਿਹਾ ਜਾ ਸਕਦਾ ਹੈ ਕਿ ਜਿਸ ਤਰ੍ਹਾਂ ਕਰਮਜੀਤ ਅਨਮੋਲ ਆਪਣੀ ਅਦਾਕਾਰੀ ਤੇ ਨਵੇਂ ਆਈਡੀਆ ਨਾਲ ਕਿਸੇ ਫ਼ਿਲਮ ਨੂੰ ਦਿਲਚਸਪ ਬਣਾ ਦਿੰਦੇ ਹਨ । ਉਸੇ ਤਰ੍ਹਾਂ ਉਹਨਾਂ ਦੇ ਪ੍ਰਸ਼ੰਸਕ ਵੀ ਆਏ ਦਿਨ ਨਵੀਆਂ ਵੀਡੀਓ ਬਣਾਕੇ ਪੂਰਾ ਸਹਿਯੋਗ ਦੇ ਰਹੇ ਹਨ ।