ਮਾਡਲ ਤੋਂ ਅਦਾਕਾਰਾ ਤੇ ਅਦਾਕਾਰਾ ਤੋਂ ਮੰਤਰੀ ਬਣੀ ਸਮ੍ਰਿਤੀ ਇਰਾਨੀ ਨੇ ਇਸ ਪੰਜਾਬੀ ਗਾਣੇ ਤੋਂ ਆਪਣੇ ਕਰੀਅਰ ਦੀ ਕੀਤੀ ਸੀ ਸ਼ੁਰੂਆਤ

ਮਾਡਲ ਤੋਂ ਅਦਾਕਾਰਾ ਤੇ ਅਦਾਕਾਰਾ ਤੋਂ ਮੰਤਰੀ ਬਣੀ ਸਮ੍ਰਿਤੀ ਇਰਾਨੀ ਨੇ ਬਹੁਤ ਲੰਮਾ ਸਫ਼ਰ ਤੈਅ ਕੀਤਾ ਹੈ । ਸਿਆਸਤ ਵਿੱਚ ਆਉਣ ਤੋਂ ਬਾਅਦ ਭਾਵੇਂ ਸਮ੍ਰਿਤੀ ਇਰਾਨੀ ਨੇ ਅਦਾਕਾਰੀ ਨੂੰ ਅਲਵਿਦਾ ਕਹਿ ਦਿੱਤਾ ਹੋਵੇ ਪਰ ਉਹਨਾਂ ਦੀ ਅਦਾਕਾਰੀ ਦੀ ਲੋਕ ਅੱਜ ਵੀ ਤਾਰੀਫ ਕਰਦੇ ਹਨ । ਸਮ੍ਰਿਤੀ ਇਰਾਨੀ ਦਾ ਜਨਮ 23 ਮਾਰਚ 1976 ਨੂੰ ਦਿੱਲੀ ਵਿੱਚ ਹੋਇਆ ਸੀ ।

ਸਮ੍ਰਿਤੀ ਆਪਣੀਆਂ ਤਿੰਨ ਭੈਣਾਂ ਵਿੱਚੋਂ ਸਭ ਤੋਂ ਵੱਡੀ ਹੈ । ਸਮ੍ਰਿਤੀ ਨੇ 12ਵੀਂ ਤੱਕ ਪੜ੍ਹਾਈ ਕੀਤੀ ਹੈ, ਇਸ ਤੋਂ ਬਾਅਦ ਉਹਨਾਂ ਨੇ ਦਿੱਲੀ ਯੂਨੀਵਰਸਿਟੀ ‘ਚ ਦਾਖਲਾ ਲਿਆ । ਸਮ੍ਰਿਤੀ ਇਰਾਨੀ ਨੇ ਮਿਸ ਇੰਡੀਆ ਦੇ ਮੁਕਾਬਲੇ ਵਿੱਚ ਵੀ ਹਿੱਸਾ ਲਿਆ । 1998 ਵਿੱਚ ਸਮ੍ਰਿਤੀ ਨੇ ਮਿਸ ਇੰਡੀਆ ਪੇਜੇਂਟ ਫਾਈਨਲਿਸਟ ਵਿੱਚ ਆਪਣੀ ਜਗ੍ਹਾ ਬਣਾਈ । ਇਸੇ ਸਾਲ ਉਹ ਮੀਕਾ ਦੀ ਐਲਬਮ ‘ਸਾਵਨ ਮੇਂ ਲਗ ਗਈ ਆਗ’ ਦੇ ਗਾਣੇ ‘ਬੋਲੀਆਂ’ ਵਿੱਚ ਪ੍ਰਫਾਰਮੈਂਸ ਦਿੰਦੇ ਹੋਏ ਦਿਖਾਈ ਦਿੱਤੇ ।

https://www.youtube.com/watch?v=nUEcxYRM0qA

 

ਖ਼ਾਸ ਗੱਲ ਇਹ ਹੈ ਕਿ ਸਮ੍ਰਿਤੀ ਇੱਕ ਰੈਸਟੋਰੇਂਟ ਵਿੱਚ ਬਤੌਰ ਵੇਟਰ ਵੀ ਕੰਮ ਕਰਦੀ ਰਹੀ । ਸਾਲ 2000 ਵਿੱਚ ਸਮ੍ਰਿਤੀ ਨੇ ਸੀਰੀਅਲ ‘ਆਤਿਸ਼’ ਤੇ ‘ਹਮ ਹੈਂ ਕੱਲ੍ਹ ਆਜ ਔਰ ਕੱਲ੍ਹ’ ਨਾਲ ਛੋਟੇ ਪਰਦੇ ’ਤੇ ਐਂਟਰੀ ਕੀਤੀ ਸੀ । ਪਰ ਉਹਨਾਂ ਨੂੰ ਪਹਿਚਾਣ ਮਿਲੀ ‘ਕਿਉਂਕਿ ਸਾਸ ਵੀ ਕਬੀ ਬਹੂ ਥੀ’ ਨਾਲ। 2001 ਵਿੱਚ ਸਮ੍ਰਿਤੀ ਨੇ ਪਾਰਸੀ ਜੁਬਿਨ ਇਰਾਨੀ ਨਾਲ ਵਿਆਹ ਕਰਵਾ ਲਿਆ ।

ਜੁਬਿਨ ਦੀ ਪਹਿਲੀ ਪਤਨੀ ਦਾ ਨਾਂਅ ਮੋਨਾ ਸੀ । ਮੋਨਾ ਤੇ ਸਮ੍ਰਿਤੀ ਪਹਿਲਾਂ ਤੋਂ ਹੀ ਦੋਸਤ ਸਨ । ਜੁਬਿਨ ਤੇ ਮੋਨਾ ਦੇ ਵੱਖ ਹੋਣ ਤੋਂ ਬਾਅਦ ਸਮ੍ਰਿਤੀ ਨੇ ਜੁਬਿਨ ਨਾਲ ਵਿਆਹ ਕਰ ਲਿਆ । ਸਮ੍ਰਿਤੀ ਦਾ ਇੱਕ ਬੇਟਾ ਤੇ ਇੱਕ ਬੇਟੀ ਹੈ ਇਸ ਤੋਂ ਇਲਾਵਾ ਇੱਕ ਮਤਰੇਈ ਬੇਟੀ ਵੀ ਹੈ । ਸਾਲ 2003 ਵਿੱਚ ਸਮ੍ਰਿਤੀ ਭਾਜਪਾ ਨਾਲ ਜੁੜੀ ਤੇ ਉਹਨਾਂ ਨੇ ਅਦਾਕਾਰੀ ਨੂੰ ਅਲਵਿਦਾ ਕਹਿ ਦਿੱਤਾ ।

https://www.instagram.com/p/B23iQobnJ3P/

https://www.instagram.com/p/B4Ifp8NHpSC/

https://www.instagram.com/p/B872KPkn8vr/