ਅਦਾਕਾਰਾ ਪ੍ਰਨਿਤੀ ਚੋਪੜਾ ਦਾ ਵੱਡਾ ਖੁਲਾਸਾ, ਡੇਢ ਸਾਲ ਰਹੀ ਇਸ ਬਿਮਾਰੀ ਦੀ ਸ਼ਿਕਾਰ

ਬਾਲੀਵੁੱਡ ਅਦਾਕਾਰਾ ਪ੍ਰਨਿਤੀ ਚੋਪੜਾ ਏਨੀਂ ਦਿਨੀਂ ਆਪਣੀ ਫ਼ਿਲਮ ਜਬਰੀਆ ਜੋੜੀ ਦੀ ਪ੍ਰਮੋਸ਼ਨ ਵਿੱਚ ਲੱਗੀ ਹੋਈ ਹੈ ।ਇਸ ਫ਼ਿਲਮ ਵਿੱਚ ਉਹਨਾਂ ਦੇ ਨਾਲ ਸਿਦਾਰਥ ਮਲਹੋਤਰਾ ਨਜ਼ਰ ਆਉਣਗੇ । ਇਸ ਪ੍ਰਮੋਸ਼ਨ ਦੌਰਾਨ ਪ੍ਰਨਿਤੀ ਨੇ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਕਈ ਖੁਲਾਸੇ ਕੀਤੇ ਹਨ । ਇੱਕ ਸ਼ੋਅ ਵਿੱਚ ਗੱਲਬਾਤ ਕਰਦੇ ਹੋਏ ਪ੍ਰਨਿਤੀ ਨੇ ਕਿਹਾ ਕਿ ਸਾਲ 2014 ਤੋਂ ਸਾਲ 2015 ਵਿੱਚ ਜੋ ਦਿਨ ਆਏ ਸਨ ਉਹ ਉਹਨਾਂ ਵਾਸਤੇ ਬਹੁਤ ਹੀ ਬੁਰੇ ਸਨ ।

https://www.instagram.com/p/B0z4synFNrG/

ਉਹਨਾਂ ਨੇ ਦੱਸਿਆ ਕਿ ਉਹਨਾਂ ਦੀਆਂ ਦੋ ਫ਼ਿਲਮਾਂ ਦਾਵਤ-ਏ-ਇਸ਼ਕ ਤੇ ਕਿਲ ਦਿਲ ਚੰਗਾ ਬਿਜਨੇਸ ਨਹੀਂ ਸਨ ਕਰ ਸਕੀਆਂ । ਇਸ ਸਭ ਦੇ ਚਲਦੇ ਉਹਨਾਂ ਕੋਲ ਕੰਮ ਤੇ ਪੈਸੇ ਦੀ ਕਮੀ ਹੋ ਗਈ । ਪ੍ਰਨਿਤੀ ਨੇ ਕਿਹਾ ਕਿ ਇਸ ਤੋਂ ਬੁਰਾ ਹੋਰ ਉਦੋਂ ਹੋਇਆ ਜਦੋਂ ਉਸ ਨੇ ਇੱਕ ਘਰ ਖਰੀਦ ਲਿਆ । ਘਰ ਖਰੀਦਣ ਨਾਲ ਉਸ ਕੋਲ ਰੋਟੀ ਖਾਣ ਵਾਸਤੇ ਵੀ ਪੈਸੇ ਨਹੀਂ ਸਨ। ਇਸ ਦਾ ਨਤੀਜਾ ਇਹ ਹੋਇਆ ਕਿ ਪ੍ਰਨਿਤੀ ਨੇ ਖਾਣਾ ਪੀਣਾ ਛੱਡ ਦਿੱਤਾ ।

https://www.instagram.com/p/B0bF8RvAsov/

ਇਸ ਸਮੇਂ ਦੌਰਾਨ ਉਸ ਦਾ ਕੋਈ ਵੀ ਦੋਸਤ ਨਹੀਂ ਸੀ, ਇੱਥੋਂ  ਤੱਕ ਕਿ ਪ੍ਰਨਿਤੀ ਨੇ ਅਪਣੇ ਪਰਿਵਾਰ ਨਾਲੋਂ ਵੀ ਆਪਣਾ ਸੰਪਰਕ ਤੋੜ ਲਿਆ ਸੀ । ਇਸ ਸਮੇਂ ਦੌਰਾਨ ਪ੍ਰੀਨਿਤੀ ਸੁੱਤੀ ਰਹਿੰਦੀ ਸੀ ਜਾਂ ਫਿਰ ਟੀਵੀ ਦੇਖਦੀ ਸੀ ।

https://www.instagram.com/p/B0YVpHug99L/

ਪ੍ਰਨਿਤੀ ਪੂਰੀ ਤਰ੍ਹਾਂ ਡਿਪਰੈਸ਼ਨ ਦਾ ਸ਼ਿਕਾਰ ਹੋ ਗਈ । ਇਸ ਡਿਪਰੈਸ਼ਨ ਵਿੱਚੋਂ ਨਿਕਲਣ ਲਈ ਪ੍ਰਨਿਤੀ ਦਾ ਸਾਥ ਉਸ ਦੇ ਭਰਾ ਸਹਿਜ ਚੋਪੜਾ ਤੇ ਦੋਸਤ ਸੰਜਨਾ ਨੇ ਦਿੱਤਾ । ਪ੍ਰਨਿਤੀ ਨੇ ਦੱਸਿਆ ਕਿ ਸਾਲ 2016 ਉਸ ਲਈ ਕੁਝ ਚੰਗਾ ਰਿਹਾ ਕਿਉਂਕਿ ਉਸ ਨੂੰ ਕੁਝ ਨਵੀਆਂ ਫ਼ਿਲਮਾਂ ਮਿਲੀਆਂ । ਇਸ ਸਭ ਦੇ ਚਲਦੇ ਉਹ ਡਿਪਰੈਸ਼ਨ ਤੋਂ ਬਾਹਰ ਆ ਗਈ ।