ਪੀ ਟੀ ਸੀ ਪੰਜਾਬੀ ਨੇ ਪੂਰੇ ਕੀਤੇ ਬੇਮਿਸਾਲ 10 ਸਾਲ
PTC Punjabi ਨੂੰ ਅੱਜ 10 ਸਾਲ ਪੂਰੇ ਹੋ ਚੁੱਕੇ ਹਨ। 10 ਸਾਲਾਂ ਤੋਂ ਪੰਜਾਬੀ ਚੈਨਲਾਂ ‘ਚੋਂ ਸਰਵੋਤਮ ਚੈਨਲ ਬਣੇ ਰਹਿਣ ਦਾ ਮਾਣ PTC ਚੈਨਲ ਨੂੰ ਮਿਲਿਆ ਹੈ।ਇਸ ਮੌਕੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੇ ਪੋਸਟ ਸਾਂਝੀ ਕਰਦਿਆਂ ਪੀਟੀਸੀ ਨੈੱਟਵਰਕ ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਪ੍ਰਧਾਨ ਰਬਿੰਦਰ ਨਾਰਾਇਣ ਨੇ ਲਿਖਿਆ ਕਿ ”ਟੈਲੀਵਿਜ਼ਨ ਦੀ ਦੁਨੀਆਂ ਵਿਚ ਜੰਗਲ ਦੇ ਰਾਜੇ ਸ਼ੇਰ ਵਾਂਗ ਪੀ.ਟੀ.ਸੀ. ਪੰਜਾਬੀ ਪਿਛਲੇ ਦਸ ਸਾਲਾਂ ਤੋਂ ਸਰਵੋਤਮ ਚੈਨਲ ਬਣਿਆ ਹੋਇਆ ਹੈ।
ਚੈਨਲ ਦੀ ਸ਼ੁਰੂਆਤ ਤੋਂ ਬਾਅਦ, ਪੰਜਾਬੀ ਟੈਲੀਵਿਜ਼ਨ ਦੀ ਦੁਨੀਆ ਹਮੇਸ਼ਾ ਲਈ ਬਦਲ ਗਈ। ਹਰ ਦਿਨ, ਨਿਰੰਤਰ, ਪੀ.ਟੀ.ਸੀ. ਪੰਜਾਬੀ ਨੇ ਸੰਸਾਰ ਭਰ ਵਿੱਚ ਲੱਖਾਂ ਪੰਜਾਬੀਆਂ ਦੇ ਜੀਵਨ ‘ਚ ਨਵੇਂ ਰੰਗ ਭਰੇ ਹਨ।
ਸ੍ਰੀ ਹਰਿਮੰਦਰ ਸਾਹਿਬ, ਅੰਮ੍ਰਿਤਸਰ ਤੋਂ ਗੁਰਬਾਣੀ ਦੇ ਨਿਰੰਤਰ ਰੋਜ਼ਾਨਾ ਲਾਈਵ ਪ੍ਰਸਾਰਣ ਤੋਂ ਲੈ ਕੇ ਵੱਖ ਵੱਖ ਪ੍ਰਤਿਭਾ ਸ਼ੋਅ, ਫਿਲਮਾਂ, ਕੁੱਕਰੀ ਸ਼ੋਅ ਅਤੇ ਫਿਲਮ ਅਵਾਰਡ ਸ਼ੋਅਜ਼ – ਪੀ.ਟੀ.ਸੀ. ਪੰਜਾਬੀ ਹਰ ਪੰਜਾਬੀ ਦੇ ਰੋਜ਼ਾਨਾ ਜੀਵਨ ਦਾ ਹਿੱਸਾ ਬਣ ਗਿਆ ਹੈ। ਨਿਊਯਾਰਕ, ਟੋਰਾਂਟੋ, ਯੂ.ਕੇ., ਮੋਹਾਲੀ, ਅੰਮ੍ਰਿਤਸਰ ਅਤੇ ਦਿੱਲੀ ਦੇ ਸਟੂਡੀਓਜ਼ ਨਾਲ ਅਤੇ 450 ਤੋਂ ਵੱਧ ਮੈਂਬਰ ਸਮਰਪਿਤ ਭਾਵਨਾ ਨਾਲ ਪੀਟੀਸੀ ‘ਚ ਕੰਮ ਕਰਦੇ ਹਨ। ਪੀਟੀਸੀ ਪੰਜਾਬੀ ਹਰ ਦਿਨ ਆਪਣੀ ਪ੍ਰਤੀਬੱਧਤਾ ਦਾ ਨਵਾਂ ਰੂਪ ਨਵਿਆਉਂਦਾ ਹੈ ਤਾਂ ਜੋ ਪੰਜਾਬੀ ਸਭਿਆਚਾਰ ਤੇ ਭਾਸ਼ਾ ਨੂੰ ਪ੍ਰਫੁਲਿਤ ਕੀਤਾ ਜਾ ਸਕੇ।
ਇਹ ਬਹੁਤ ਮਾਣ ਵਾਲੀ ਗੱਲ ਹੈ ਕਿ ਅਸੀਂ ਦੁਨੀਆ ਦੇ 80% ਤੋਂ ਵੱਧ ਮੂਲ ਗੈਰ-ਫਿਲਮਾਂ ਅਤੇ ਸੰਗੀਤ ਪੰਜਾਬੀ ਸਮੱਗਰੀ ਦਾ ਨਿਰਮਾਣ ਕਰਦੇ ਹਾਂ।ਪੰਜਾਬ ਦੇ ਨੰਬਰ 1 ਚੈਨਲ ਅਤੇ ਸੰਸਾਰ ਭਰ ਵਿਚ ਪੰਜਾਬੀਆਂ ਦੇ ਨੰਬਰ 1 ਚੈਨਲ ਦਾ ਮਾਣ ਪਿਆਰ ਦੇਣ ਲਈ ਅਤੇ ਸਾਨੂੰ ਰੋਜ਼ਾਨਾ ਜੀਵਨ ਦਾ ਹਿੱਸਾ ਬਣਾਉਣ ਲਈ ਬਹੁਤ ਧੰਨਵਾਦ।”
ਪੀਟੀਸੀ ਨੈੱਟਵਰਕ ਦਾ ਪਿਛੋਕੜ
ਇਹ ਚੈਨਲ ਲੱਖਾਂ ਪੰਜਾਬੀਆਂ ਨੂੰ ਮਨੋਰੰਜਨ ਅਤੇ ਜਾਣਕਾਰੀ ਦੇ ਕੇ ਉਨ੍ਹਾਂ ਦੇ ਜੀਵਨ ਵਿੱਚ ਇੱਕ ਖਾਸ ਥਾਂ ਬਣਾ ਚੁੱਕੇ ਹਨ ਅਤੇ ਪੀਟੀਸੀ ਨੈੱਟਵਰਕ ਇਸੇ ਤਰ੍ਹਾਂ ਹੀ ਆਪਣਾ ਫਰਜ਼ ਨਿਭਾਉਣ ਲਈ ਵਚਨਬੱਧ ਹੈ।