ਅੰਮ੍ਰਿਤਸਰ ਵਿੱਚ ਜਨਮੇ ਪੁਨੀਤ ਈਸਰ ਦਾ ਹੈ ਅੱਜ ਜਨਮ ਦਿਨ, ਇਸ ਘਟਨਾ ਤੋਂ ਬਾਅਦ ਦੇਖਣਾ ਪਿਆ ਸੀ ਬੁਰਾ ਦੌਰ

ਪੁਨੀਤ ਈਸਰ ਨੂੰ ਇੱਕ ਫ਼ਿਲਮ ਅਦਾਕਾਰ ਤੇ ਨਿਰਦੇਸ਼ਕ ਦੇ ਰੂਪ ਵਿੱਚ ਜਾਣਿਆ ਜਾਂਦਾ ਹੈ, ਜਿਹੜੇ ਕਿ 90 ਦੇ ਦਹਾਕੇ ਵਿੱਚ ਕਾਫੀ ਸਰਗਰਮ ਸਨ । ਪੁਨੀਤ ਮਹਾਭਾਰਤ ਵਿੱਚ ਦੁਰਯੋਦਨ ਦੇ ਕਿਰਦਾਰ ਲਈ ਵੀ ਜਾਣੇ ਜਾਂਦੇ ਹਨ । ਪੁਨੀਤ ਦਾ ਜਨਮ 12 ਸਤੰਬਰ 1958 ਨੂੰ ਅੰਮ੍ਰਿਤਸਰ ਵਿੱਚ ਹੋਇਆ ਸੀ । ਪੁਨੀਤ ਦੇ ਪਿਤਾ ਦਾ ਨਾਂਅ ਸੁਦੇਸ਼ ਈਸਰ ਹੈ ਜਿਹੜੇ ਕਿ ਫ਼ਿਲਮ ਨਿਰਦੇਸ਼ਕ ਰਹਿ ਚੁੱਕੇ ਹਨ । ਪੁਨੀਤ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 1983 ਵਿੱਚ ਆਈ ਫ਼ਿਲਮ ਕੁਲੀ ਨਾਲ ਕੀਤੀ ਸੀ ।

https://www.instagram.com/p/B-O1z6nptsJ/

ਇਸ ਵਿੱਚ ਉਹਨਾਂ ਨੇ ਵਿਲੇਨ ਦਾ ਕਿਰਦਾਰ ਨਿਭਾਇਆ ਸੀ । ਪੁਨੀਤ ਨੇ 150 ਤੋਂ ਜ਼ਿਆਦਾ ਫ਼ਿਲਮਾਂ ਵਿੱਚ ਵਿਲੇਨ ਦਾ ਕਿਰਦਾਰ ਨਿਭਾਇਆ ਹੈ । ਅਦਾਕਾਰੀ ਤੋਂ ਇਲਾਵਾ ਪੁਨੀਤ ਨੇ ਬਹੁਤ ਸਾਰੀਆਂ ਫ਼ਿਲਮਾਂ ਦਾ ਨਿਰਦੇਸ਼ਨ ਵੀ ਕੀਤਾ ਹੈ । ਸਾਲ 1982 ਵਿੱਚ ‘ਕੁਲੀ’ ਦੇ ਸੈੱਟ ਅਮਿਤਾਬ ਬੱਚਨ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ ਸਨ । ਕਹਿੰਦੇ ਹਨ ਕਿ ਅਮਿਤਾਬ ਨੂੰ ਪੁਨੀਤ ਨੇ ਮੁੱਕਾ ਮਾਰਿਆ ਸੀ ।

https://www.instagram.com/p/B347FtYpFzk/

ਇਸ ਸੀਨ ਨੂੰ ਫਿਲਮਾਉਣ ਲਈ ਨਿਰਦੇਸ਼ਕ ਨੇ ਬਾਡੀ ਡਬਲ ਦੀ ਗੱਲ ਕਹੀ ਸੀ ਪਰ ਅਮਿਤਾਬ ਇਸ ਲਈ ਤਿਆਰ ਨਹੀਂ ਸੀ । ਉਹਨਾਂ ਨੇ ਕਿਹਾ ਕਿ ਇਸ ਸੀਨ ਨੂੰ ਦਮਦਾਰ ਬਨਾਉਣਾ ਹੈ ਇਸ ਲਈ ਉਹ ਖੁਦ ਇਹ ਸੀਨ ਕਰਨਗੇ । ਪੁਨੀਤ ਨੇ ਜਿਵੇਂ ਹੀ ਮੁੱਕਾ ਮਾਰਿਆ ਅਮਿਤਾਬ ਪਿੱਛੇ ਜਾ ਕੇ ਇੱਕ ਲੋਹੇ ਦੇ ਟੇਬਲ ਨਾਲ ਜਾ ਟਕਰਾਏ ਜਿਸ ਨਾਲ ਉਹਨਾਂ ਦੀ ਹਾਲਤ ਖਰਾਬ ਹੋ ਗਈ । ਇਸ ਘਟਨਾ ਤੋਂ ਬਾਅਦ ਪੁਨੀਤ ਦੇ ਹੱਥੋਂ ਕਈ ਪ੍ਰੋਜੈਕਟ ਚਲੇ ਗਏ ਤੇ ਉਹਨਾਂ ਨੂੰ ਬੁਰਾ ਦੌਰ ਦੇਖਣਾ ਪਿਆ ।

https://www.instagram.com/p/B3wkYdtpM9e/