ਰਾਨੂੰ ਮੰਡਲ ਦੀ ਮੇਕਅੱਪ ਵਾਲੀ ਤਸਵੀਰ ਸੀ ਫੇਕ, ਮੇਕਅੱਪ ਆਰਟਿਸਟ ਨੇ ਵੀਡੀਓ ਸਾਂਝੀ ਕਰਕੇ ਦੱਸੀ ਸਚਾਈ

ਆਪਣੀ ਆਵਾਜ਼ ਨਾਲ ਸੋਸ਼ਲ ਮੀਡੀਆ ਤੇ ਛਾਉਣ ਵਾਲੀ ਰਾਨੂੰ ਮੰਡਲ ਏਨੀਂ ਦਿਨੀਂ ਆਪਣੀਆਂ ਕੁਝ ਤਸਵੀਰਾਂ ਕਰਕੇ ਕਾਫੀ ਟਰੋਲ ਹੋ ਰਹੀ ਹੈ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਰਾਨੂੰ ਹਾਲ ਹੀ ਵਿੱਚ ਇੱਕ ਪ੍ਰੋਗਰਾਮ ਵਿੱਚ ਪਹੁੰਚੀ ਸੀ ਜਿਸ ਵਿੱਚ ਉਸ ਨੇ ਕਾਫੀ ਜ਼ਿਆਦਾ ਮੇਕਅਪ ਕੀਤਾ ਸੀ । ਇਸ ਸਭ ਦੇ ਚਲਦੇ ਲੋਕਾਂ ਨੇ ਉਸ ਦਾ ਕਾਫੀ ਮਜ਼ਾਕ ਉਡਾਇਆ ਸੀ । ਮੇਕਅੱਪ ਕਰਕੇ ਰਾਨੂੰ ਮੰਡਲ ਦਾ ਚਿਹਰਾ ਕਾਫੀ ਵੱਖਰਾ ਦਿਖਾਈ ਦੇ ਰਿਹਾ ਸੀ ।

https://www.instagram.com/p/B5CpwQWArdN/

ਇਸ ਕਰਕੇ ਉਹਨਾਂ ਨੂੰ ਸੋਸ਼ਲ ਮੀਡੀਆ ਤੇ ਕਾਫੀ ਟਰੋਲ ਕੀਤਾ ਗਿਆ । ਉਹਨਾਂ ਦੇ ਤਰ੍ਹਾਂ ਤਰਾਂ ਦੇ ਮੀਮ ਬਣਾਕੇ ਪਾਏ ਗਏ ਸਨ । ਪਰ ਕੁਝ ਲੋਕ ਇਸ ਤਰ੍ਹਾਂ ਦੇ ਵੀ ਸਨ ਜਿਹੜੇ ਰਾਨੂੰ ਦੇ ਹੱਕ ਵਿੱਚ ਅੱਗੇ ਆਏ ਸਨ । ਇਸ ਸਭ ਦੇ ਚਲਦੇ ਰਾਨੂੰ ਮੰਡਲ ਦੀ ਮੇਕਅੱਪ ਆਰਟਿਸਟ ਨੇ ਵੀ ਰਾਨੂੰ ਮੰਡਲ ਨੂੰ ਸਪੋਟ ਕੀਤਾ ਹੈ, ਤੇ ਉਸ ਨੇ ਮੇਕਅੱਪ ਦੀ ਅਸਲ ਸਚਾਈ ਦੱਸੀ ਹੈ ।

https://www.instagram.com/p/B4-T3k_gwIY/

ਮੇਕਅੱਪ ਆਰਟਿਸਟ ਨੇ ਆਪਣੇ ਇੰਸਟਾਗ੍ਰਾਮ ਤੇ ਦੋ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ । ਇਹਨਾਂ ਤਸਵੀਰਾਂ ਨੂੰ ਦੇਖਕੇ ਫਰਕ ਦੇਖਿਆ ਜਾ ਸਕਦਾ ਹੈ । ਇਸ ਫੋਟੋ ਨੂੰ ਇੱਕ ਕੈਪਸ਼ਨ ਵੀ ਦਿੱਤਾ ਗਿਆ ਹੈ ਜਿਸ ਵਿੱਚ ਟਰੋਲਰ ਨੂੰ ਕਿਸੇ ਦਾ ਮਜ਼ਾਕ ਨਾ ਉਡਾਉਣ ਦੀ ਸਲਾਹ ਦਿੱਤੀ ਹੈ । ਇਸ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਕੁਝ ਲੋਕਾਂ ਨੇ ਰਾਨੂੰ ਮੰਡਲ ਦੀ ਅਸਲ ਤਸਵੀਰ ਨਾਲ ਛੇੜਛਾੜ ਕਰਕੇ ਉਸ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕੀਤਾ ਹੈ ।

https://www.instagram.com/p/B4-XJDqAju5/