ਰਣਵੀਰ ਸਿੰਘ ਦੀ ਇਸ ਘੜੀ ਦੀ ਕੀਮਤ ਜਾਣ ਕੇ ਉੱਡ ਜਾਣਗੇ ਹੋਸ਼ ...! ਏਨੇਂ ਕਰੋੜ ਦੀ ਹੈ ਘੜੀ

ਰਣਵੀਰ ਸਿੰਘ ਹਾਲ ਹੀ ਵਿੱਚ ਦੀਪਿਕਾ ਪਾਦੁਕੋਣ ਨਾਲ ਛੁੱਟੀਆਂ ਮਨਾ ਕੇ ਵਾਪਿਸ ਪਰਤੇ ਹਨ । ਇਹ ਜੋੜੀ ਮੁੰਬਈ ਹਵਾਈ ਅੱਡੇ ਦੇ ਬਾਹਰ ਹੱਥਾਂ ਵਿੱਚ ਹੱਥ ਪਾ ਕੇ ਬਾਹਰ ਨਿਕਲਦੀ ਦੇਖੀ ਗਈ ਸੀ । ਇਸ ਦੌਰਾਨ ਰਣਵੀਰ ਸਿੰਘ ਨੇ ਆਮ ਕੱਪੜੇ ਪਾਏ ਹੋਏ ਸਨ ਪਰ ਇੱਕ ਚੀਜ਼ ਹਰ ਇੱਕ ਦਾ ਧਿਆਨ ਰਣਵੀਰ ਸਿੰਘ ਵੱਲ ਖਿੱਚ ਰਹੀ ਸੀ । ਇਹ ਚੀਜ਼ ਸੀ ਰਣਵੀਰ ਸਿੰਘ ਦੀ ਬਹੁਤ ਹੀ ਕੀਮਤੀ ਘੜੀ ।

ਇਹ ਸਵਿਸ ਘੜੀ ਏਨੀਂ ਸ਼ਾਨਦਾਰ ਸੀ ਕਿ ਹਰ ਕੋਈ ਇਸ ਨੂੰ ਦੇਖ ਰਿਹਾ ਸੀ ।ਉਹਨਾਂ ਨੇ ਫਰੈਂਕ ਮੂਲਰ ਦੀ ਘੜੀ ਪਾਈ ਸੀ । ਵ੍ਹਾਈਟ ਗੋਲਡ ਨਾਲ ਬਣੀ ਇਸ ਘੜੀ ਤੇ ਸੈਂਕੜੇ ਹੀਰੇ ਜੜੇ ਹੋਏ ਸਨ । ਘੜੀ ਦੇ ਅੰਦਰ ਜੋ ਨੰਬਰ ਸਨ ਉਹਨਾਂ ’ਤੇ ਵੀ ਹੀਰੇ ਜੜੇ ਹੋਏ ਸਨ । ਰਣਵੀਰ ਦੀ ਇਸ ਘੜੀ ਦਾ ਬੈਲਟ ਲੈਦਰ ਦਾ ਹੈ । ਫਰੈਂਕ ਮੂਲਰ ਸੀਰੀਜ਼ ਦੀ ਇਸ ਘੜੀ ਦੀ ਕੀਮਤ 2.1 ਕਰੋੜ ਦੱਸੀ ਜਾ ਰਹੀ ਹੈ ।

ਇਹ ਘੜੀ ਏਨੀਂ ਮਹਿੰਗੀ ਹੈ ਕਿ ਭਾਰਤ ਵਿੱਚ ਬਹੁਤ ਹੀ ਘੱਟ ਲੋਕ ਇਸ ਨੂੰ ਖਰੀਦ ਸਕਦੇ ਹਨ । ਰਣਵੀਰ ਨੂੰ ਘੜੀਆਂ ਦਾ ਬਹੁਤ ਸ਼ੌਂਕ ਹੈ ਜੋ ਵੀ ਘੜੀ ਉਹਨਾਂ ਨੂੰ ਪਸੰਦ ਆਉਂਦੀ ਹੈ ਉਹ ਖਰੀਦ ਲੈਂਦੇ ਹਨ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਰਣਵੀਰ ਸਿੰਘ ਦਾ ਸਟਾਈਲ ਬਹੁਤ ਹੀ ਚਰਚਾ ਵਿੱਚ ਰਹਿੰਦਾ ਹੈ । ਉਹ ਆਪਣੇ ਕੱਪੜਿਆਂ ਨੂੰ ਲੈ ਕੇ ਅਕਸਰ ਟਰੋਲ ਹੋ ਜਾਂਦੇ ਹਨ ।

https://www.instagram.com/p/B7upt2kh4kB/