ਗਾਇਕ ਹੋਣ ਦੇ ਨਾਲ-ਨਾਲ ਇੱਕ ਕਾਮਯਾਬ ਕਿਸਾਨ ਵੀ ਹਨ ਰੇਸ਼ਮ ਸਿੰਘ ਅਨਮੋਲ, ਆਪਣੇ ਖੇਤਾਂ ‘ਚ ਖੁਦ ਕਰ ਰਹੇ ਕਣਕ ਦੀ ਵਾਢੀ

ਗਾਇਕ ਰੇਸ਼ਮ ਸਿੰਘ ਅਨਮੋਲ ਏਨੀਂ ਦਿਨੀਂ ਆਪਣੇ ਖੇਤਾਂ ‘ਚ ਵਾਢੀ ਦੇ ਸੀਜ਼ਨ ‘ਚ ਰੁੱਝੇ ਹੋਏ ਹਨ । ਜਿਸ ਦਾ ਇੱਕ ਵੀਡੀਓ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸਾਂਝਾ ਕੀਤਾ ਹੈ । ਇਸ ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਰੇਸ਼ਮ ਸਿੰਘ ਅਨਮੋਲ ਆਪਣੇ ਖੇਤਾਂ ‘ਚ ਕਣਕ ਦੀ ਕਟਾਈ ‘ਚ ਰੁੱਝੇ ਹੋਏ ਹਨ ਅਤੇ ਉਹ ਖੁਦ ਕੰਬਾਈਨ ਚਲਾ ਕੇ ਕਣਕ ਕੱਢ ਰਹੇ ਹਨ । ਰੇਸ਼ਮ ਸਿੰਘ ਅਨਮੋਲ ਜਿੱਥੇ ਕਾਮਯਾਬ ਗਾਇਕ ਹਨ, ਉੱਥੇ ਹੀ ਇਕ ਸਫ਼ਲ ਕਿਸਾਨ ਦੇ ਤੌਰ ‘ਤੇ ਵੀ ਜਾਣੇ ਜਾਂਦੇ ਹਨ ।

https://www.instagram.com/p/B_Wb6eQnMSg/

ਏਨੀਂ ਦਿਨੀਂ ਪੂਰੇ ਦੇਸ਼ ‘ਚ ਕੋਰੋਨਾ ਵਾਇਰਸ ਕਰਕੇ ਲਾਕ ਡਾਊਨ ਚੱਲ ਰਿਹਾ ਹੈ ਅਤੇ ਸਭ ਕਾਰੋਬਾਰ ਬੰਦ ਹਨ, ਪਰ ਅਜਿਹੇ ‘ਚ ਜ਼ਿਮੀਂਦਾਰਾਂ ਅਤੇ ਕਿਸਾਨਾਂ ਨੂੰ ਪੂਰੀ ਛੋਟ ਹੈ । ਜਿਸ ਦਾ ਪੂਰਾ ਫਾਇਦਾ ਰੇਸ਼ਮ ਸਿੰਘ ਅਨਮੋਲ ਵੀ ਚੁੱਕ ਰਹੇ ਹਨ ਅਤੇ ਖੇਤਾਂ ‘ਚ ਆਪਣੇ ਕੰਮ-ਕਾਰ ‘ਚ ਰੁੱਝੇ ਹੋਏ ਹਨ ।

https://www.instagram.com/p/B_PQ0-Pngc9/

ਦੱਸ ਦਈਏ ਕਿ ਰੇਸ਼ਮ ਸਿੰਘ ਅਨਮੋਲ ਆਪਣੇ ਖੇਤਾਂ ‘ਚ ਖੁਦ ਹੀ ਖੇਤੀ ਕਰਦੇ ਹਨ ਅਤੇ ਅਕਸਰ ਇਸ ਦੀਆਂ ਵੀਡੀਓਜ਼ ਸਾਂਝੀਆਂ ਕਰਦੇ ਰਹਿੰਦੇ ਹਨ । ਰੇਸ਼ਮ ਸਿੰਘ ਅਨਮੋਲ ਦੇ ਗਾਇਕੀ ਦੇ ਸਫ਼ਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਕਈ ਹਿੱਟ ਗੀਤ ਦਿੱਤੇ ਹਨ । ਜਿਸ ‘ਚ ਅੱਤ ਮਹਿਕਮਾ, ਤੇਰੇ ਪਿੰਡ, ਚੇਤੇ ਕਰਦਾ ਸਣੇ ਕਈ ਗੀਤ ਸ਼ਾਮਿਲ ਹਨ ।