ਸੋਨੂੰ ਸੂਦ ਨੇ ਮੋਗਾ ਸਥਿਤ ਜੱਦੀ ਘਰ ‘ਚ ਮਨਾਇਆ ਲੋਹੜੀ ਦਾ ਤਿਉਹਾਰ, ਗਾਏ ਲੋਹੜੀ ਦੇ ਗੀਤ
ਬੀਤੇ ਦਿਨ ਲੋਹੜੀ (Lohri) ਦਾ ਤਿਉਹਾਰ ਬੜੀ ਹੀ ਚਾਅ ਤੇ ਉਤਸ਼ਾਹ ਦੇ ਨਾਲ ਮਨਾਇਆ ਗਿਆ । ਇਸ ਮੌਕੇ ਪੰਜਾਬ ‘ਚ ਰੌਣਕਾਂ ਵੇਖਦਿਆਂ ਹੀ ਬਣ ਰਹੀਆਂ ਸਨ । ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ (Sonu Sood) ਨੇ ਵੀ ਮੋਗਾ (Moga) ਸਥਿਤ ਆਪਣੇ ਜੱਦੀ ਘਰ ‘ਚ ਲੋਹੜੀ ਦਾ ਤਿਉਹਾਰ ਮਨਾਇਆ । ਇਸ ਮੌਕੇ ਉਨ੍ਹਾਂ ਨੇ ਲੋਹੜੀ ਦੇ ਗੀਤ ਵੀ ਗਾਏ । ਸੋਨੂੰ ਸੂਦ ਦੇ ਨਾਲ ਉਸ ਦੀ ਭੈਣ ਤੇ ਹੋਰ ਪਰਿਵਾਰਿਕ ਮੈਂਬਰਾਂ ਦੇ ਨਾਲ ਨਾਲ ਇਲਾਕੇ ਦੇ ਲੋਕ ਵੀ ਮੌਜੂਦ ਰਹੇ । ਇਸ ਮੌਕੇ ਸੋਨੂੰ ਸੂਦ ਨੇ ਆਪਣੇ ਬਚਪਨ ਦੇ ਕਿੱਸੇ ਵੀ ਸਾਂਝੇ ਕੀਤੇ ਜਦੋਂ ਉਹ ਲੋਹੜੀ ਮੰਗਣ ਜਾਇਆ ਕਰਦੇ ਸਨ ।
image From instagram
ਹੋਰ ਪੜ੍ਹੋ : ਜਸਵਿੰਦਰ ਭੱਲਾ ਨੇ ਸਾਂਝਾ ਕੀਤਾ ਆਪਣੀ ਦੋਹਤੀ ਦਾ ਵੀਡੀਓ, ਦੋਹਤੀ ਨਵ-ਜਨਮੇ ਭਰਾ ਦੇ ਜਨਮ ‘ਤੇ ਵਾਹਿਗੁਰੂ ਦਾ ਸ਼ੁਕਰਾਨਾ ਕਰਦੀ ਆਈ ਨਜ਼ਰ
ਸੋਨੂੰ ਸੂਦ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਿਹਾ ਹੈ । ਇਸ ਵੀਡੀਓ ਨੂੰ ਉਸ ਦੇ ਪ੍ਰਸ਼ੰਸ਼ਕਾਂ ਦੇ ਵੱਲੋ ਵੀ ਪਸੰਦ ਕੀਤਾ ਜਾ ਰਿਹਾ ਹੈ । ਸੋਨੂੰ ਸੂਦ ਬੇਸ਼ੱਕ ਮੁੰਬਈ ‘ਚ ਰਹਿੰਦੇ ਹਨ, ਪਰ ਆਪਣੇ ਜੱਦੀ ਘਰ ਅਤੇ ਅਤੇ ਆਪਣੇ ਰੀਤੀ ਰਿਵਾਜ਼ਾਂ ਨੂੰ ਕਦੇ ਨਹੀਂ ਭੁੱਲੇ । ਉਹ ਅਕਸਰ ਆਪਣੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸਾਂਝੇ ਕਰਦੇ ਰਹਿੰਦੇ ਹਨ ।
image From instagram
ਇਸ ਦੇ ਨਾਲ ਹੀ ਆਪਣੇ ਫੈਨਸ ਦੇ ਨਾਲ ਪੰਜਾਬ ਦੇ ਵੱਖ-ਵੱਖ ਇਲਾਕਿਆਂ ‘ਚ ਜਾ ਕੇ ਉੱਥੋਂ ਦੀ ਖਾਸੀਅਤ ਦੇ ਵੀਡੀਓ ਸ਼ੇਅਰ ਕਰਦੇ ਹਨ । ਬੀਤੇ ਦਿਨੀਂ ਉਨ੍ਹਾਂ ਨੇ ਗੁਰਦਾਸਪੁਰ ਦਾ ਇੱਕ ਵੀਡੀਓ ਸਾਂਝਾ ਕੀਤਾ ਸੀ । ਇਸ ਵੀਡੀਓ ‘ਚ ਉਹ ਗੰਨੇ ਦੇ ਰਸ ਤੋਂ ਗੁੜ ਤਿਆਰ ਹੋਣ ਦੇ ਪ੍ਰੋਸੈੱਸ ਨੂੰ ਵਿਖਾ ਰਹੇ ਸਨ । ਸੋਨੂੰ ਸੂਦ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਜਿੱਥੇ ਬਾਲੀਵੁੱਡ ਨੂੰ ਕਈ ਹਿੱਟ ਫ਼ਿਲਮਾਂ ਦੇ ਚੁੱਕੇ ਹਨ । ਰੀਲ ਲਾਈਫ ‘ਚ ਜਿੱਥੇ ਉਹ ਹੀਰੋ ਦਾ ਕਿਰਦਾਰ ਨਿਭਾਉਂਦੇ ਹਨ ਰੀਅਲ ਲਾਈਫ ਦੇ ਵੀ ਉਹ ਹੀਰੋ ਹਨ । ਲਾਕਡਾਊਨ ਦੇ ਦੌਰਾਨ ਉਨ੍ਹਾਂ ਨੇ ਜਿਸ ਤਰ੍ਹਾਂ ਲੋਕਾਂ ਦੀ ਮਦਦ ਕੀਤੀ, ਉਸ ਦੇ ਕਾਰਨ ਉਹ ਲੋਕਾਂ ‘ਚ ਮਸੀਹਾ ਦੇ ਤੌਰ ‘ਤੇ ਜਾਣੇ ਜਾਂਦੇ ਹਨ ।
View this post on Instagram