ਬਾਲੀਵੁੱਡ ਚ ਬਿਗ ਬੀ ਤੇ ਸਾਡੇ ਪਾਲੀਵੁੱਡ ਚ ਕੌਰ ਬੀ - ਦੋਵੇਂ ਹੀ ਮਚਾ ਰਹੇ ਹਨ ਧੁੱਮਾਂ

ਅਮਿਤਾਭ ਬੱਚਨ ਭਲੇ ਹੀ 75 ਸਾਲ ਦੇ ਹੋ ਸਕਦੇ ਹਨ ਪਰ ਯਕੀਨੀ ਤੌਰ 'ਤੇ ਉਹ ਜਾਣਦੇ ਹਨ ਕਿ ਆਪਣੇ ਸਰੋਤਿਆਂ ਦਾ ਮਨੋਰੰਜਨ ਕਿਵੇਂ ਕਰਨਾ ਹੈ | ਇਸ ਕਰਕੇ ਹੈਰਾਨੀ ਦੀ ਗੱਲ ਨਹੀਂ ਹੈ ਕਿ ਉਨ੍ਹਾਂ ਨੂੰ ਬਾਲੀਵੁੱਡ ਦਾ 'ਐਵਰਗਰੀਨ' ਅਭਿਨੇਤਾ ਕਿਹਾ ਜਾਂਦਾ ਹੈ |

ਉਨ੍ਹਾਂ ਦੀ ਦੀ ਆਗਾਮੀ ਫ਼ਿਲਮ, "102 ਨਾਟ ਆਉਟ" ਰਿਲੀਜ਼ ਲਈ ਤਿਆਰ ਹੈ | ਫਿਲਮ ਚ ਉਨ੍ਹਾਂ ਦੇ ਨਾਲ ਬਾਲੀਵੁੱਡ ਦੇ ਅਨੁਭਵੀ ਕਲਾਕਾਰ, ਰਿਸ਼ੀ ਕਪੂਰ ਵੀ ਮੁਖ ਕਿਰਦਾਰ ਨਿਭਉਣਗੇ | ਹਾਲ ਹੀ ਚ ਬੱਚਨ ਸਾਹਬ ਨੇ ਆਪਣੇ ਇੰਸਟਾ ਅਕਾਊਂਟ ਤੇ ਇਕ ਪੋਸਟ ਸਾਂਝਾ ਕੀਤੀ, ਜਿਸ 'ਚ ਉਹ ਅੱਪਣੀ ਆਉਣ ਵਾਲੀ ਫਿਲਮ "102 ਨਾਟ ਆਉਟ" ਦੇ ਗੀਤ ਲਈ ਰੈਪ ਕਰ ਰਹੇ ਹਨ |

ਸਾਨੂੰ ਯਕੀਨ ਹੈ ਕਿ ਅਮਿਤਾਭ ਜੀ ਨੂੰ ਰੈਪ ਕਰਦੇ ਤੇ ਨੱਚਦੇ ਦੇਖ , ਤੁਹਾਡਾ ਖੂਬ ਮਨੋਰੰਜਨ ਹੋਏਗਾ | "102 ਨਾ ਆਉਟ" 4 ਮਈ, 2018 ਨੂੰ ਰਿਲੀਜ਼ ਹੋਣ ਲਈ ਤਿਆਰ ਹੈ |

ਜੇ ਹੁਣ ਗੱਲ ਕਰੀਏ ਪੋਲੀਵੁਡ ਦੀ, ਤਾਂ ਸੱਭ ਦੀ ਚਹੇਤੀ ਕੌਰ ਬੀ ਸਾਲ 2018 ਲਈ ਆਪਣੇ ਪਹਿਲੇ ਗੀਤ ਨਾਲ ਤਿਆਰ ਹੈ | ਉਨ੍ਹਾਂ ਦੇ ਗੀਤ ਦਾ ਨਾਮ ਹੈ "ਬੋਲੀਆਂ" ਜਿਸ ਨੂੰ ਸਪੀਡ ਰਿਕਾਰਡ ਦੇ ਬੈਨਰ ਥੱਲੇ ਰਿਲੀਜ਼ ਕੀਤਾ ਜਾਏਗਾ | ਗੀਤ ਨੂੰ ਮਿਊਜ਼ਿਕ ਫੈਕਟਰੀ ਦੁਆਰਾ ਰਚਿਆ ਗਿਆ ਹੈ ਅਤੇ ਇਸਦੇ ਬੋਲ ਬੱਬੂ ਸੋਢੀ ਅਤੇ ਗੁਰਜੀਤ ਖੰਗ ਦੁਆਰਾ ਲਿਖੇ ਗਏ ਹਨ | ਗੀਤ ਦੀ ਵੀਡੀਓ ਪੁਰਾਣੀ ਆਰਟਸ ਨੇ ਬਣਾਇਆ ਹੈ ਅਤੇ ਇਸ ਦਾ ਡਾਇਰੈਕਸ਼ਨ ਅਮੇ ਸਿੰਘ ਤੇ ਹੈਪ੍ਪੀ ਸਿੰਘ ਦੁਆਰਾ ਕੀਤਾ ਗਿਆ ਹੈ |

ਕੌਰ ਬੀ Kaur B ਆਪਣੇ ਮਜ਼ਬੂਤ ​​ਵੋਕਲ ਲਈ ਜਾਣੀ ਜਾਂਦੀ ਹੈ, ਅਤੇ ਕਈ ਸਾਰੇ ਲੋਕ ਉਨ੍ਹਾਂ ਦੇ ਅਗਲੇ ਗੀਤ ਦੇ ਰਿਲੀਜ਼ ਦੀ ਉਡੀਕ ਕਰ ਰਹੇ ਹਨ | ਕੌਰ ਬੀ ਨੇ ਆਪਣੇ ਇੰਸਟਾ ਅਕਾਊਂਟ ਤੇ ਗਾਣੇ ਦਾ ਪੋਸਟਰ ਸਾਂਝਾ ਕੀਤਾ | ਅਗਲੀ ਦਿਲਚਸਪ ਖ਼ਬਰ ਇਹ ਹੈ ਕਿ ਗਾਣੇ ਦਾ ਟੀਜ਼ਰ ਵੀ ਜਾਰੀ ਹੋ ਚੁਕਿਆ ਹੈ | ਇਹ ਗਾਣਾ 1 ਮਾਰਚ, 2018 ਨੂੰ ਜਾਰੀ ਹੋਣ ਲਈ ਤਿਆਰ ਹੈ | ਫਿਲਹਾਲ, ਇਸ ਗੀਤ ਦਾ ਟੀਜ਼ਰ ਦੇਖਣ ਲਈ ਇੱਥੇ ਕਲਿੱਕ ਕਰੋ :

ਇਹ ਇਕ ਨੱਚਣ-ਟप्पਣ ਵਾਲਾ ਗਾਨਾ ਹੈ | ਤੇ ਫਿਰ ਭੰਗੜਾ ਅਤੇ ਗਿੱਧੇ ਨਾਲ ਡਾਂਸ ਫਲੋਰ ਤੇ "ਬੋਲੀਆਂ" ਪਾਉਣ ਲਈ ਤਿਆਰ ਰਹੋ | ਇਹ ਗੀਤ ਯਕੀਨੀ ਤੌਰ ਤੇ ਹਰ ਵਿਆਹ ਦੀ ਪਾਰਟੀ ਦੀ ਸ਼ਾਨ ਬਣੇਗਾ |