ਸੋਸ਼ਲ ਮੀਡੀਆ ਨੇ ਇਸ ਤਰ੍ਹਾਂ ਬਦਲੀ ਅਖ਼ਬਾਰ ਵੇਚਣ ਵਾਲੇ ਦੀ ਧੀ ਦੀ ਜ਼ਿੰਦਗੀ, ਪਾਸ ਕੀਤੀ ਹਰਿਆਣਾ ਸਿਵਲ ਸਰਵਿਸ ਪ੍ਰੀਖਿਆ
ਕਹਿੰਦੇ ਹਨ ਕਿ ਆਸਥਾ ਹੋਣੀ ਚਾਹੀਦੀ ਹੈ ਰਸਤਾ ਆਪਣੇ ਆਪ ਹੀ ਬਣ ਜਾਂਦਾ ਹੈ । ਅਜਿਹਾ ਹੀ ਕੁਝ ਹੋਇਆ ਹੈ ਸ਼ਿਵਜੀਤ ਭਾਰਤੀ ਨਾਲ, ਜਿਸ ਨੇ ਜੀਵਨ ਦੀਆਂ ਸਾਰੀਆਂ ਮੁਸ਼ਕਿਲਾਂ ਨੂੰ ਪਾਰ ਕਰਦੇ ਹੋਏ ਹਰਿਆਣਾ ਸਿਵਲ ਸਰਵਿਸ ਪ੍ਰੀਖਿਆ ਪਾਸ ਕਰ ਲਈ ਹੈ । ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸ ਪ੍ਰੀਖਿਆ ਨੂੰ ਪਾਸ ਕਰਨ ਲਈ ਉਸ ਨੇ ਯੂ-ਟਿਊਬ ਦੀ ਮਦਦ ਲਈ ਹੈ ।
ਸ਼ਿਵਜੀਤ ਭਾਰਤੀ ਕਰਨਾਲ ਦੇ ਛੋਟੇ ਜਿਹੇ ਪਿੰਡ ਦੀ ਰਹਿਣ ਵਾਲੀ ਹੈ । ਸ਼ਿਵਜੀਤ ਭਾਰਤੀ ਦੇ ਪਿਤਾ ਪਿੰਡ ਵਿੱਚ ਅਖ਼ਬਾਰ ਵੇਚਣ ਦਾ ਕੰਮ ਕਰਦੇ ਹਨ, ਪਰ ਅੱਜ ਉਹਨਾਂ ਦੀ ਬੇਟੀ ਹੀ ਅਖ਼ਬਾਰਾਂ ਦੀਆਂ ਸੁਰਖੀਆਂ ਵਿੱਚ ਹੈ ।
ਇੱਕ ਇੰਟਰਵਿਊ ਵਿੱਚ ਸ਼ਿਵਜੀਤ ਭਾਰਤੀ ਨੇ ਦੱਸਿਆ ਸੀ ਕਿ ਘਰ ਦੀ ਗਰੀਬੀ ਕਰਕੇ ਉਹ ਚੰਗੀ ਕੋਚਿੰਗ ਨਹੀਂ ਸੀ ਲੈ ਸਕੀ, ਇਸ ਲਈ ਉਸ ਨੇ ਕਿਤਾਬਾਂ ਤੇ ਯੂ-ਟਿਊਬ ਵੀਡੀਓ ਦਾ ਸਹਾਰਾ ਲੈ ਕੇ ਇਸ ਪ੍ਰੀਖਿਆ ਵਿੱਚ ਸਫ਼ਲਤਾ ਹਾਸਲ ਕੀਤੀ ਹੈ ।
ਸ਼ਿਵਜੀਤ ਭਾਰਤੀ ਨੇ ਗਣਿਤ ਵਿੱਚ ਬੈਚਲਰ ਡਿਗਰੀ ਕੀਤੀ ਹੈ ਘਰ ਦੇ ਗੁਜ਼ਾਰੇ ਲਈ ਉਹ ਬੱਚਿਆਂ ਕੋਚਿੰਗ ਦਿੰਦੀ ਹੈ । ਸ਼ਿਵਜੀਤ ਭਾਰਤੀ ਦਾ ਅਗਲਾ ਟੀਚਾ ਯੂਪੀਐੱਸਸੀ ਦੀ ਪ੍ਰੀਖਿਆ ਪਾਸ ਕਰਨਾ ਹੈ ।