ਬਾਗ਼ੀ ੨ ਦਾ ਨਵਾਂ ਗੀਤ ਇਕ ਦੋ ਤਿੰਨ ਰਿਲੀਜ਼, ਮਾਧੁਰੀ ਵਾਂਗ ਠੁਮਕੇ ਲਗਾਏ ਜੈਕਲੀਨ ਨੇ

ਲਓ ਜੀ ਜਿਸ ਗੀਤ ਦਾ ਤੁਸੀਂ ਬੜੀ ਹੀ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸੀ ਉਹ ਗੀਤ ਹੋ ਗਿਆ ਹੈ ਜਾਰੀ | ਜੀ ਹਾਂ ਇਸ ਗੀਤ ਤੇ ਕੁਝ ਸਾਲ ਪਹਿਲਾਂ ਮਾਧੁਰੀ ਦਿਕਸ਼ਿਤ ਵੀ ਠੁਮਕੇ ਲਗਾ ਚੁੱਕੀ ਹੈ ਤੇ ਹੁਣ ਉਸ ਗੀਤ ਉੱਤੇ ਜੈਕਲੀਨ ਫਰਨਾਂਡੇਜ਼ ਨੱਚਦੀ ਹੋਈ ਨਜ਼ਰ ਆ ਰਹੀ ਹੈ | ਅਸੀਂ ਗੱਲ ਕਰ ਰਹੇ ਹਾਂ ਟਾਈਗਰ ਸ਼ਰਾਫ਼ ਅਤੇ ਦਿਸ਼ਾ ਦੀ ਆਉਣ ਵਾਲੀ ਫ਼ਿਲਮ ਬਾਗ਼ੀ 2 ਦੇ ਗੀਤ "ਇਕ ਦੋ ਤਿੰਨ" ਦੀ, ਜੋ ਅੱਜ ਰਿਲੀਜ਼ ਹੋ ਗਿਆ ਹੈ | ਇਹ ਓਹੀ ਗੀਤ ਹੈ ਜਿਸ ਉੱਤੇ ਸੰਨ 1988 ਦੀ ਫ਼ਿਲਮ ਤੇਜ਼ਾਬ ਵਿਚ ਮਾਧੁਰੀ ਨੇ ਡਾਂਸ ਕਿੱਤਾ ਸੀ | ਉਸ ਜਮਾਨੇ ਦੀ ਇਸ ਹਿੱਟ ਗੀਤ ਉੱਤੇ ਹੁਣ ਜੈਕਲੀਨ Jacqueline Fernandez ਦੁਬਾਰਾ ਠੁਮਕੇ ਲਗਾ ਰਹੀ ਹੈ | ਕੁਝ ਹੀ ਘੰਟਿਆਂ ਪਹਿਲਾਂ ਜਾਰੀ ਹੋਏ ਇਸ ਗੀਤ ਨੂੰ ਲੱਖਾਂ ਲੋਕਾਂ ਨੇ ਪਸੰਦ ਕਰ ਲਿਆ ਹੈ |

Baaghi 2: Ek Do Teen Song Released: ਜਿਸ ਹਿਸਾਬ ਨਾਲ ਇਸ ਗੀਤ ਦੇ ਵਿਊਜ਼ ਵੱਧ ਰਹੇ ਹਨ ਉਮੀਦ ਹੈ ਇਹ ਗੀਤ ਅੱਜ ਦੇ ਸਮੇਂ ਵਿਚ ਵੀ ਖ਼ੂਬ ਧਮਾਲਾਂ ਅਤੇ ਰਿਕਾਰਡ ਬਣਾਵੇਗਾ | ਜਿੱਥੇ ਲੋਕ ਇਸ ਗੀਤ ਨੂੰ ਸੁਣਕੇ ਨੱਚ ਰਹੇ ਹਨ ਉਥੇ ਹੀ ਦੂਜੇ ਪਾਸੇ ਕੁਝ ਲੋਕ ਇਸਦੇ ਪੁਰਾਣੇ ਵਰਜ਼ਨ ਨੂੰ ਵੀ ਸੁਣ ਕੇ ਦੋਹਾਂ ਵਿਚ ਅੰਤਰ ਲੱਭ ਰਹੇ ਹਨ | ਤੁਹਾਡਾ ਮਨਪਸੰਦ ਗੀਤ ਕਿਹੜਾ ਹੈ ਸਾਨੂੰ ਦਸੋ ਹੇਠਾਂ ਕਮੈਂਟ ਕਰਕੇ |