90 ਦੇ ਦਹਾਕੇ ਵਿੱਚ ਆਪਣੀਆਂ ਅਦਾਵਾਂ ਕਰਕੇ ਚਰਚਾ ਵਿੱਚ ਰਹਿੰਦੀ ਸੀ ਅਦਾਕਾਰਾ ਪੂਜਾ ਬੇਦੀ, ਦੂਰਦਰਸ਼ਨ ਨੇ ਇਸ ਕਰਕੇ ਕੀਤਾ ਸੀ ਬੈਨ

ਫ਼ਿਲਮ ਇੰਡਸਟਰੀ ਵਿੱਚ ਕੁਝ ਹੀਰੋਇਨਾਂ ਅਜਿਹੀਆਂ ਹੋਈਆਂ ਹਨ, ਜਿਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਬਹੁਤ ਹੀ ਸ਼ਾਨਦਾਰ ਤਰੀਕੇ ਨਾਲ ਕੀਤੀ ਸੀ । ਪਰ ਉਹ ਹੌਲੀ ਹੌਲੀ ਇੰਡਸਟਰੀ ਤੋਂ ਗਾਇਬ ਹੋ ਗਈਆਂ । ਬਾਲੀਵੁੱਡ ਅਦਾਕਾਰਾ ਪੂਜਾ ਬੇਦੀ ਦੀ ਗਿਣਤੀ ਵੀ ਅਜਿਹੀਆਂ ਹੀ ਹੀਰੋਇਨਾਂ ‘ਚ ਹੁੰਦੀ ਹੈ । ਪੂਜਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਵਿੱਚ ਹਿੱਟ ਫ਼ਿਲਮ ਦਿੱਤੀ ਸੀ ਪਰ ਉਹ ਬਾਅਦ ਵਿੱਚ ਖੁਦ ਨੂੰ ਸਾਬਿਤ ਨਹੀਂ ਕਰ ਸਕੀ । ਪੂਜਾ ਮੰਨੇ ਪ੍ਰਮੰਨੇ ਅਦਾਕਾਰ ਕਬੀਰ ਬੇਦੀ ਦੀ ਬੇਟੀ ਹੈ ।

https://www.instagram.com/p/B9dWSIxJqV6/

ਪੂਜਾ ਨੇ ਸਾਲ 1992 ਵਿੱਚ ਆਮਿਰ ਖ਼ਾਨ ਦੇ ਨਾਲ ਜੋ ਜੀਤਾ ਵਹੀ ਸਿਕੰਦਰ ਵਿੱਚ ਕੰਮ ਕੀਤਾ ਸੀ । ਫ਼ਿਲਮ ਵੱਡੇ ਪਰਦੇ ਤੇ ਹਿੱਟ ਹੋਈ ਸੀ ਤੇ ਪੂਜਾ ਰਾਤੋ ਰਾਤ ਸਟਾਰ ਬਣ ਗਈ ਸੀ । ਹਾਲਾਂਕਿ ਪੂਜਾ ਲਈ ਇਹ ਪਹਿਲੀ ਵਾਰ ਨਹੀਂ ਸੀ ਕਿ ਉਹ ਸੁਰਖੀਆਂ ਵਿੱਚ ਬਣੀ ਹੋਵੇ । ਪੂਜਾ ਇਸ ਤੋਂ ਪਹਿਲਾਂ 1991 ਵਿਚ ਕਾਫੀ ਚਰਚਾ ਵਿੱਚ ਰਹੀ ਸੀ ।

https://www.instagram.com/p/B7-TFPdpG0_/

ਪੂਜਾ ਦੇ ਚਰਚਾ ਵਿੱਚ ਰਹਿਣ ਦਾ ਮੁੱਖ ਕਾਰਨ ਸੀ ਉਸ ਦਾ ਬੋਲਡ ਅਵਤਾਰ । ਪੂਜਾ ਬੇਦੀ ਇੱਕ ਐਡ ਵਿੱਚ ਨਜ਼ਰ ਆਈ ਸੀ ਜਿਸ ਕਰਕੇ ਹਰ ਪਾਸੇ ਉਸ ਦੀ ਚਰਚਾ ਸੀ । ਇਸ ਤਰ੍ਹਾਂ ਦੀ ਐਡ ਵਿੱਚ ਪਹਿਲਾਂ ਕਦੇ ਵੀ ਕੋਈ ਭਾਰਤੀ ਅਦਾਕਾਰਾ ਨਜ਼ਰ ਨਹੀਂ ਸੀ ਆਈ । ਇਸ ਐਡ ਲਈ ਪੂਜਾ ਨੂੰ ਲੋਕਾਂ ਦੇ ਵਿਰੋਧ ਦਾ ਵੀ ਸਾਹਮਣਾ ਕਰਨਾ ਪਿਆ ਸੀ । ਦਰਅਸਲ ਇਹ ਐਡ ਕੌਂਡਮ ਦਾ ਸੀ ਜਿਸ ਵਿੱਚ ਉਹ ਕਾਫੀ ਬੋਲਡ ਨਜ਼ਰ ਆਈ ਸੀ ।

https://www.instagram.com/p/B4wKwHZpr0_/

ਇਸ ਐਡ ਵਿੱਚ ਪੂਜਾ ਬੇਦੀ ਦੇ ਨਾਲ ਮਾਡਲ ਮਾਰਕ ਰਾਬਿਕਸਨ ਨਜ਼ਰ ਆਏ ਸਨ । ਇਸ ਤੋਂ ਬਾਅਦ ਐਡ ਤਾਂ ਬਣ ਗਿਆ ਪਰ ਜਦੋਂ ਇਸ ਨੂੰ ਦੂਰਦਰਸ਼ਨ ਤੇ ਚਲਾਉਣ ਲਈ ਲਿਜਾਇਆ ਗਿਆ ਤਾਂ ਉਹਨਾਂ ਨੇ ਇਸ ਨੂੰ ਚਲਾਉਣ ਤੋਂ ਨਾਂਹ ਕਰ ਦਿੱਤੀ ।

https://www.instagram.com/p/BZ4C-OQhfvF/

ਦੂਰਦਰਸ਼ਨ ਦਾ ਕਹਿਣਾ ਸੀ ਕਿ ਇਹ ਐਡ ਬਹੁਤ ਬੋਲਡ ਹੈ, ਇਸ ਦਾ ਘੱਟ ਉਮਰ ਦੇ ਦਰਸ਼ਕਾਂ ਤੇ ਬਹੁਤ ਮਾੜਾ ਪ੍ਰਭਾਵ ਪਵੇਗਾ । ਕਈ ਕੋਸ਼ਿਸ਼ਾਂ ਦੇ ਬਾਵਜੂਦ ਦੂਰਦਰਸ਼ਨ ਨੇ ਇਸ ਨੂੰ ਨਹੀਂ ਚਲਾਇਆ । ਪਰ ਕੁਝ ਚਿਰ ਬਾਅਦ ਹੀ ਭਾਰਤ ਵਿੱਚ ਪ੍ਰਾਈਵੇਟ ਚੈਨਲਾਂ ਦੀ ਐਂਟਰੀ ਹੋ ਗਈ ਤੇ ਇਹ ਐਡ ਚੱਲ ਸਕਿਆ ।