ਕ੍ਰਿਸ਼ਮਾ ਕਪੂਰ ਨੇ 23 ਸਾਲ ਬਾਅਦ ਕੀਤਾ ਇਸ ਫ਼ਿਲਮ ਬਾਰੇ ਖੁਲਾਸਾ,ਗੀਤ ਨੂੰ ਫ਼ਿਲਮਾਉਣ ਸਮੇਂ ਕਰਨਾ ਪਿਆ ਸੀ ਇਹ ਕੰਮ
ਬਾਲੀਵੁੱਡ ਅਦਾਕਾਰਾ ਕ੍ਰਿਸ਼ਮਾ ਕਪੂਰ ਨੇ ਬੇਸ਼ੱਕ ਬਾਲੀਵੁੱਡ ਤੋਂ ਦੂਰੀ ਬਣਾਈ ਹੋਈ ਹੈ। ਜੀ ਹਾਂ ਨੱਬੇ ਦੇ ਦਹਾਕੇ 'ਚ ਚੋਟੀ ਦੀਆਂ ਹੀਰੋਇਨਾਂ 'ਚ ਕ੍ਰਿਸ਼ਮਾ ਕਪੂਰ ਦਾ ਨਾਮ ਸ਼ੁਮਾਰ ਹੈ । ਉਨ੍ਹਾਂ ਨੇ ਬਾਲੀਵੁੱਡ ਨੂੰ ਕਈ ਹਿੱਟ ਫ਼ਿਲਮਾਂ ਦਿੱਤੀਆਂ ਹਨ । 23 ਸਾਲ ਬਾਅਦ ਆਪਣੀ ਇੱਕ ਫ਼ਿਲਮ ਨੂੰ ਲੈ ਕੇ ਉਨ੍ਹਾਂ ਨੇ ਅਹਿਮ ਖੁਲਾਸਾ ਕੀਤਾ ਹੈ ।
ਉਨ੍ਹਾਂ ਨੇ ਆਪਣੇ ਫ਼ਿਲਮੀ ਕਰੀਅਰ 'ਚ ਰਾਜਾ ਹਿੰਦੁਸਤਾਨੀ,ਜਾਨਵਰ,ਅਨਾੜੀ ,ਰਾਜਾ ਬਾਬੂ ਜਿਸ ਤਰ੍ਹਾਂ ਦੀ ਅਦਾਕਾਰੀ ਕੀਤੀ ਸੀ,ਉਹ ਯਾਦਗਾਰ ਹੋ ਨਿੱਬੜੀ ਹੈ । ਪਰਿਵਾਰਕ ਜ਼ਿੰਮੇਵਾਰੀਆਂ ਕਾਰਨ ਅੱਜ ਬੇਸ਼ੱਕ ਬਾਲੀਵੁੱਡ 'ਚ ਕੋਈ ਫ਼ਿਲਮ ਨਹੀਂ ਕਰ ਰਹੇ ਪਰ ਹਾਲ 'ਚ ਹੀ ਉਨ੍ਹਾਂ ਨੇ ਇੱਕ ਟੀਵੀ ਸ਼ੋਅ ਦੌਰਾਨ ਖੁਲਾਸਾ ਕੀਤਾ ਹੈ ਕਿ ਇੱਕ ਫ਼ਿਲਮ ਦੇ ਗੀਤ 'ਝਾਂਜਰਿਆ' ਨੂੰ ਫ਼ਿਲਮਾਉਣ ਦੌਰਾਨ ਉਨ੍ਹਾਂ ਨੂੰ 30 ਵਾਰ ਡ੍ਰੈੱਸ ਬਦਲਣੀ ਪਈ ਸੀ ।
ਕਰਿਸ਼ਮਾ ਕਪੂਰ ਨੇ ਦੱਸਿਆ ਕਿ ਹਰ ਆਊਟਫਿੱਟ ਦੇ ਨਾਲ ਵੱਖਰੀ ਲੁੱਕ ਅਤੇ ਵੱਖਰਾ ਮੇਕਅੱਪ ਵੀ ਕਰਨਾ ਪੈਂਦਾ ਸੀ ।ਗਾਣੇ ਦੇ ਸਟੈੱਪਸ ਵੀ ਕਾਫੀ ਮੁਸ਼ਕਿਲ ਸਨ । ਕਰਿਸ਼ਮਾ ਕਪੂਰ ਦਾ ਕਹਿਣਾ ਹੈ ਉਨ੍ਹਾਂ ਦੀ ਫ਼ਿਲਮ ਦਾ ਇਹ ਗਾਣਾ ਉਨ੍ਹਾਂ ਦੇ ਕਰੀਅਰ ਦਾ ਇੱਕ ਯਾਦਗਾਰ ਗਾਣਾ ਹੈ ।
ਇਹ ਫ਼ਿਲਮ ਕ੍ਰਿਸ਼ਨਾ ਦਾ ਗੀਤ ਸੀ,ਜੋ ਕਿ 1996 'ਚ ਆਈ ਸੀ,ਜਿਸ ਨੂੰ ਫ਼ਿਲਮਾਉੇਣ ਦੌਰਾਨ ਅਦਾਕਾਰਾ ਨੂੰ ਕਾਫੀ ਮਿਹਨਤ ਕਰਨੀ ਪਈ ਸੀ ।
broadway