ਮੁਸਲਿਮ ਭਾਈਚਾਰੇ ਨੂੰ ਗੁਰਦੁਆਰਾ ਸਾਹਿਬ ’ਚ ਨਮਾਜ ਪੜ੍ਹਨ ਦੀ ਪੇਸ਼ਕਸ਼, ਗੁਰੂਗ੍ਰਾਮ ਵਿੱਚ ਨਮਾਜ ਨੂੰ ਲੈ ਕੇ ਕੁਝ ਸੰਗਠਨ ਕਰ ਰਹੇ ਸਨ ਵਿਰੋਧ

written by Rupinder Kaler | November 18, 2021

ਗੁਰੂਗ੍ਰਾਮ ਵਿੱਚ ਹਰ ਸ਼ੁੱਕਰਵਾਰ ਖੁੱਲੇ ਮੈਦਾਨ ਵਿੱਚ ਹੋਣ ਵਾਲੀ ਜੁੰਮੇ ਦੀ ਨਮਾਜ ਨੂੰ ਲੈ ਕੇ ਵਿਵਾਦ ਚੱਲ ਰਿਹਾ ਹੈ । ਅਜਿਹੇ ਹਲਾਤਾਂ ਵਿੱਚ ਸਿੱਖ ਭਾਈਚਾਰੇ ਨੇ ਅਨੋਖੀ ਪੇਸ਼ਕਸ਼ ਕੀਤੀ ਹੈ । ਗੁਰਦੁਆਰਾ ਸਾਹਿਬ (Gurugram gurdwara offers space for namaz ) ਦੇ ਪ੍ਰਬੰਧਕਾਂ ਨੇ ਮੁਸਲਿਮ ਭਾਈਚਾਰੇ ਦੇ ਲੋਕਾਂ ਨੂੰ ਗੁਰਦੁਆਰਾ ਸਾਹਿਬ ਵਿੱਚ ਨਮਾਜ਼ ਪੜਨ ਲਈ ਕਿਹਾ ਹੈ । ਗੁਰੂਗ੍ਰਾਮ ਦੇ ਸੈਕਟਰ-12 ਏ ਵਿੱਚ ਸ਼ੁਕਰਵਾਰ ਨੂੰ ਖੁੱਲੇ ਮੈਦਾਨ ਵਿੱਚ ਨਮਾਜ ਪੜ੍ਹਨ ਨੂੰ ਲੈ ਕੇ ਵਿਰੋਧ ਹੋ ਰਿਹਾ ਸੀ । ਇਸ ਨੂੰ ਲੈ ਕੇ ਕਈ ਹਿੰਦੂ ਸੰਗਠਨਾ ਵੱਲੋਂ ਚੇਤਾਵਨੀ ਵੀ ਦਿੱਤੀ ਗਈ ਸੀ ।

Gurugram gurdwara Pic Courtesy: twitter

ਹੋਰ ਪੜ੍ਹੋ :

ਅਦਾਕਾਰਾ ਪ੍ਰੀਤੀ ਜ਼ਿੰਟਾ ਬਣੀ ਮਾਂ, ਅਦਾਕਾਰਾ ਨੇ ਇੰਸਟਾਗ੍ਰਾਮ ‘ਤੇ ਪੋਸਟ ਪਾ ਕੇ ਦਿੱਤੀ ਜਾਣਕਾਰੀ

Pic Courtesy: twitter

ਇਸ ਸਭ ਦੇ ਚੱਲਦੇ ਗੁਰਦੁਆਰਾ ਸਿੰਘ ਸਭਾ (Gurugram gurdwara)  ਨੇ ਮੁਸਲਿਮ ਭਾਈਚਾਰੇ ਨੂੰ ਅਪੀਲ ਕੀਤੀ ਹੈ ਕਿ ਉਹ ਗੁਰਦੁਆਰਾ ਸਾਹਿਬ ਵਿੱਚ ਆ ਕੇ ਨਮਾਜ ਪੜ੍ਹ ਲੈਣ । ਗੁਰੂਗ੍ਰਾਮ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ਼ੇਰਦਿਲ ਸਿੱਧੂ ਨੇ ਇਸ ਨੂੰ ਲੇ ਕੇ ਮੁਫਤੀ ਸਲੀਮ ਨੂੰ ਸਦਰ ਬਜ਼ਾਰ ਦਾ ਗੁਰਦੁਆਰਾ ਦਿਖਾਇਆ ਹੈ । ਸ਼ੁੱਕਰਵਾਰ ਨੂੰ ਇਸ ਗੁਰਦੁਆਰਾ ਸਾਹਿਬ ਵਿੱਚ ਗੁਰਬਾਣੀ ਦੇ ਨਾਲ-ਨਾਲ ਨਮਾਜ਼ ਅਤਾ ਕੀਤੀ ਜਾਵੇਗੀ ।

ਉਹਨਾਂ ਨੇ ਕਿਹਾ ਕਿ ਜੇਕਰ ਮੁਸਲਿਮ ਭਾਈਚਾਰੇ ਦਾ ਨਮਾਜ ਨੂੰ ਲੈ ਕੇ ਕੋਈ ਵਿਰੋਧ ਕਰਦਾ ਹੈ ਤਾਂ ਉਹ ਗੁਰਦੁਆਰਾ ਸਾਹਿਬ ਵਿੱਚ ਨਮਾਜ ਆ ਕੇ ਪੜ੍ਹ ਸਕਦੇ ਹਨ । ਸ਼ੇਰਦਿਲ ਨੇ ਕਿਹਾ ਕਿ ਕਿਸੇ ਦੀ ਇਬਾਦਤ ਨੂੰ ਰੋਕਣਾ ਗੁਨਾਹ ਹੈ । ਮੈਂ ਇੱਥੋਂ ਦੇ ਭਾਈਚਾਰੇ ਨੂੰ ਟੁੱਟਣ ਨਹੀਂ ਦੇਵਾਂਗਾ । ਬਹੁਤ ਸਾਰੇ ਲੋਕ ਹਨ ਜਿਹੜੇ ਆਪਣੀ ਜਗ੍ਹਾ ਨਮਾਜ ਲਈ ਉਪਲੱਬਧ ਕਰਵਾਉਣ ਲਈ ਰਾਜੀ ਹਨ ।

You may also like