ਭਾਰਤ ਸਰਕਾਰ ਦਾ ਵੱਡਾ ਐਕਸ਼ਨ, ਜਾਣੋ ਕਿਉਂ 18 OTT ਪਲੇਟਫਾਰਮ 'ਤੇ ਲੱਗੀ ਪਾਬੰਦੀ

Indian Government Banned apps and OTT platforms : ਸੂਚਨਾ ਤੇ ਪ੍ਰਸਾਰਣ ਮੰਤਰਾਲੇ ਨੇ ਇਤਰਾਜ਼ਯੋਗ ਸਮੱਗਰੀ ਨੂੰ ਲੈ ਕੇ ਵੱਡੀ ਕਾਰਵਾਈ ਕੀਤੀ ਹੈ। ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਦੀਆਂ ਕਈ ਚੇਤਾਵਨੀਆਂ ਤੋਂ ਬਾਅਦ, 18 OTT ਪਲੇਟਫਾਰਸ ਤੇ 10 ਐਪਸ ਸਣੇ 57 ਸੋਸ਼ਲ ਮੀਡੀਆਂ ਹੈਂਡਲਸ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ।

ਭਾਰਤ ਸਰਕਾਰ ਨੇ 18 OTT ਪਲੇਟਫਾਰਮਸ 'ਤੇ ਲਾਈ ਪਾਬੰਦੀ

ਦੱਸਣਯੋਗ ਹੈ ਕਿ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਦੀਆਂ ਕਈ ਚੇਤਾਵਨੀਆਂ ਤੋਂ ਬਾਅਦ, 18 OTT ਪਲੇਟਫਾਰਮਾਂ ਨੂੰ ਇਤਰਾਜ਼ਯੋਗ ਸਮੱਗਰੀ ਲਈ ਬਲਾਕ ਕਰ ਦਿੱਤਾ ਗਿਆ ਹੈ। ਦੇਸ਼ ਭਰ ਵਿੱਚ OTT ਪਲੇਟਫਾਰਮਾਂ ਦੀ 19 ਵੈੱਬਸਾਈਟਾਂ, 10 ਐਪਸ ਅਤੇ 57 ਸੋਸ਼ਲ ਮੀਡੀਆ ਹੈਂਡਲ 'ਤੇ ਵੀ ਪਾਬੰਦੀ ਲਗਾਈ ਗਈ ਹੈ।

ਆਈ.ਟੀ. ਐਕਟ ਦੀ ਧਾਰਾ 67 ਅਤੇ 67ਏ, ਆਈ.ਪੀ.ਸੀ. ਦੀ ਧਾਰਾ 292 ਅਤੇ ਔਰਤਾਂ ਦੀ ਇਤਰਾਜ਼ਯੋਗ ਪ੍ਰਤੀਨਿਧਤਾ (ਪ੍ਰਬੰਧਨ) ਐਕਟ, 1986 ਦੀ ਧਾਰਾ 4 ਦੀ ਉਲੰਘਣਾ ਕਰਨ ਵਾਲੀ ਸਮੱਗਰੀ ਵਿੱਚ ਅਧਿਆਪਕ-ਵਿਦਿਆਰਥੀ ਰਿਸ਼ਤੇ ਅਤੇ ਵਿਭਚਾਰੀ ਪਰਿਵਾਰਕ ਰਿਸ਼ਤੇ ਵਰਗੇ ਵਿਸ਼ੇ ਸ਼ਾਮਲ ਹਨ।

#Breaking: 18 OTT platforms blocked by the Ministry of Information & Broadcasting (I&B) (@MIB_India) for obscene and vulgar content. 19 websites, 10 apps and 57 social media handles of these platforms were blocked nationwide. List of blocked OTT platforms:Dreams FilmsVoovi… pic.twitter.com/QaIVPkCA1t

— Anurag (@LekhakAnurag) March 14, 2024

ਇਤਰਾਜ਼ਯੋਗ ਕੰਟੈਂਟ ਦਿਖਾਉਣ ਕਾਰਨ ਲੱਗੀ ਪਾਬੰਦੀ

ਇਹ ਫੈਸਲਾ ਭਾਰਤ ਸਰਕਾਰ ਦੇ ਸਬੰਧਤ ਮੰਤਰਾਲਿਆਂ/ਵਿਭਾਗਾਂ ਅਤੇ ਮੀਡੀਆ, ਮਨੋਰੰਜਨ, ਔਰਤਾਂ ਦੇ ਅਧਿਕਾਰਾਂ ਅਤੇ ਬਾਲ ਅਧਿਕਾਰਾਂ ਦੇ ਖੇਤਰ ਦੇ ਮਾਹਿਰਾਂ ਨਾਲ ਸਲਾਹ ਮਸ਼ਵਰੇ ਤੋਂ ਬਾਅਦ ਸੂਚਨਾ ਤਕਨਾਲੋਜੀ ਐਕਟ, 2000 ਦੇ ਉਪਬੰਧਾਂ ਦੇ ਤਹਿਤ ਲਾਗੂ ਕੀਤਾ ਗਿਆ ਸੀ। 

Ministry of I&B takes action against obscene content on OTT Platforms????18 OTT Platforms blocked for obscene and vulgar content@ianuragthakur @Murugan_MoS @airnewsalerts @PIB_India @DDNewslive pic.twitter.com/OF6CrFb1va

— Ministry of Information and Broadcasting (@MIB_India) March 14, 2024

ਹੋਰ ਪੜ੍ਹੋ: World consumer day: ਅੱਜ ਹੈ 'ਵਿਸ਼ਵ ਖ਼ਪਤਕਾਰ ਅਧਿਕਾਰ ਦਿਵਸ', ਜਾਣੋ ਇਸ ਦਾ ਇਤਿਹਾਸ ਤੇ ਮਹੱਤਵ 

ਕਿਹੜੇ ਪਲੇਟਫਾਰਮਸ ਨੂੰ ਕੀਤਾ ਗਿਆ ਹੈ ਬੈਨ?

ਬੈਨ ਕੀਤੇ ਪਲੇਟਫਾਰਮਾਂ ਦੀ ਸੂਚੀ ਵਿੱਚ ਡ੍ਰੀਮਜ਼ ਫਿਲਮਜ਼, ਵੂਵੀ, ਯੇਸਮਾ, ਅਨਕਟ ਅੱਡਾ ਅਤੇ ਹੋਰ ਸ਼ਾਮਲ ਹਨ, ਜੋ ਇਤਰਾਜ਼ਯੋਗ ਸਮੱਗਰੀ ਦੀ ਮੇਜ਼ਬਾਨੀ ਕਰਦੇ ਹੋਏ, ਜਿਨਸੀ ਹਰਕਤਾਂ ਅਤੇ ਔਰਤਾਂ ਦਾ ਅਪਮਾਨਜਨਕ ਚਿੱਤਰਣ ਕਰਦੇ ਪਾਏ ਗਏ ਸਨ। ਇਸ ਆਧਾਰ 'ਤੇ ਇਨ੍ਹਾਂ ਸਾਰਿਆਂ ਖਿਲਾਫ ਕਾਰਵਾਈ ਕੀਤੀ ਗਈ ਹੈ। ਇਨ੍ਹਾਂ ਵਿੱਚ ਅਧਿਆਪਕ-ਵਿਦਿਆਰਥੀ ਰਿਸ਼ਤੇ ਅਤੇ ਵਿਭਚਾਰੀ ਪਰਿਵਾਰਕ ਰਿਸ਼ਤੇ ਵਰਗੇ ਵਿਸ਼ੇ ਸ਼ਾਮਲ ਹਨ।

-