ਰੇਸ਼ਮ ਸਿੰਘ ਅਨਮੋਲ ਨੇ ਨਵਦੀਪ ਜਲਬੇੜਾ ਦੇ ਨਾਲ ਸਾਂਝਾ ਕੀਤਾ ਵੀਡੀਓ, ਨਵਦੀਪ ਨੇ ਕੀਤਾ ਸਭ ਦਾ ਧੰਨਵਾਦ

ਰੇਸ਼ਮ ਸਿੰਘ ਜਿੱਥੇ ਵਧੀਆ ਗਾਇਕ ਹਨ, ਉੱਥੇ ਹੀ ਵਧੀਆ ਇਨਸਾਨ ਵੀ ਹਨ ।ਉਹ ਮੁਸੀਬਤ ਪਈ ‘ਤੇ ਹਰ ਕਿਸੇ ਦੇ ਹੱਕ ‘ਚ ਖੜ੍ਹੇ ਨਜ਼ਰ ਆਉਂਦੇ ਹਨ । ਕਿਸਾਨ ਅੰਦੋਲਨ ਦੇ ਦੌਰਾਨ ਮੋਹਰੀ ਭੂਮਿਕਾ ਨਿਭਾਉਣ ਵਾਲੇ ਨਵਦੀਪ ਜਲਬੇੜਾ ਦੇ ਹੱਕ ‘ਚ ਵੀ ਉਹ ਨਿੱਤਰੇ ਸਨ । ਜੇਲ੍ਹ ਚੋਂ ਬਾਹਰ ਆਉਣ ‘ਤੇ ਨਵਦੀਪ ਨੇ ਗਾਇਕ ਦਾ ਸ਼ੁਕਰੀਆ ਅਦਾ ਕੀਤਾ ਹੈ।

Reported by: PTC Punjabi Desk | Edited by: Shaminder | July 25th 2024 04:08 PM | Updated: July 25th 2024 04:08 PM

ਬੀਤੇ ਦਿਨੀਂ ਨਵਦੀਪ ਜਲਬੇੜਾ (Navdeep Jalbera) ਜੇਲ੍ਹ ਚੋਂ ਬਾਹਰ ਆ ਗਿਆ । ਜਿਸ ਤੋਂ ਬਾਅਦ ਕਿਸਾਨਾਂ ‘ਚ ਖੁਸ਼ੀ ਦਾ ਮਹੌਲ ਹੈ । ਗਾਇਕ ਰੇਸ਼ਮ ਸਿੰਘ ਅਨਮੋਲ ਨੇ ਵੀ ਨਵਦੀਪ ਜਲਬੇੜਾ ਦੇ ਹੱਕ ‘ਚ ਆਪਣੀ ਆਵਾਜ਼ ਨੂੰ ਬੁਲੰਦ ਕੀਤਾ ਸੀ । ਜਿਸ ਤੋਂ ਬਾਅਦ ਨਵਦੀਪ ਜਲਬੇੜਾ ਨੇ ਕਿਹਾ ਕਿ ਉਹ ਸਭ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਨ । ਜਿਨ੍ਹਾਂ ਨੇ ਉਸ ਨੂੰ ਜੇਲ੍ਹ ਵਿੱਚੋਂ ਬਾਹਰ ਕਢਵਾਉਣ ਦੇ ਲਈ ਸਾਥ ਦਿੱਤਾ ਅਤੇ ਉਸ ਦੇ ਲਈ ਸੰਘਰਸ਼ ਵਿੱਢਿਆ ।

ਹੋਰ ਪੜ੍ਹੋ : ਦਿਲਜੀਤ ਦੋਸਾਂਝ ਆਪਣੇ ਫੈਨਸ ਦੇ ਲਈ ਲੈ ਕੇ ਆ ਰਹੇ ਸਰਪ੍ਰਾਈਜ਼, ਗਾਇਕ ਨੇ ਨਵੇਂ ਪ੍ਰੋਜੈਕਟ ਦਾ ਟੀਜ਼ਰ ਕੀਤਾ ਸਾਂਝਾ

ਦੱਸ ਦਈਏ ਕਿ ਨਵਦੀਪ ਜਲਬੇੜਾ ਨੇ ਕਿਸਾਨ ਅੰਦੋਲਨ ਦੇ ਦੌਰਾਨ ਕਿਸਾਨਾਂ ਦੇ ਹੱਕ ‘ਚ ਰੋਸ ਪ੍ਰਦਰਸ਼ਨ ਕੀਤਾ ਸੀ ਅਤੇ ਜਦੋਂ ਕਿਸਾਨਾਂ ਨੂੰ ਹਰਿਆਣਾ ‘ਚ ਵੱਡੇ ਵੱਡੇ ਬੈਰੀਕੇਟ ਲਗਾ ਕੇ ਰੋਕਿਆ ਗਿਆ ਤੇ ਉਨ੍ਹਾਂ ‘ਤੇ ਪਾਣੀ ਦੀਆਂ ਬੁਛਾਰਾਂ ਕੀਤੀਆਂ ਗਈਆਂ ਸਨ ਤਾਂ ਨਵਦੀਪ ਜਲਬੇੜਾ ਨੇ ਵਾਟਰ ਕੈਨਨ ਵਾਲੇ ਟੈਂਕਰ ‘ਤੇ ਜਾ ਕੇ ਪਾਣੀ ਬੰਦ ਕਰ ਦਿੱਤਾ ਸੀ ।

ਉਸ ਦਾ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋਇਆ ਸੀ। ਰੇਸ਼ਮ ਸਿੰਘ ਅਨਮੋਲ ਨੇ ਵੀ ਕਿਸਾਨ ਅੰਦੋਲਨ ‘ਚ ਵੱਧ ਚੜ੍ਹ ਕੇ ਭਾਗ ਲਿਆ ਸੀ ਅਤੇ ਕਿਸਾਨ ਅੰਦੋਲਨ ਨੂੰ ਸਮਰਪਿਤ ਕਈ ਗੀਤ ਵੀ ਉਨ੍ਹਾਂ ਨੇ ਕੱਢੇ ਸਨ । ਜਦੋਂ ਨਵਦੀਪ ਦੇ ਹੱਕ ‘ਚ ਕੋਈ ਨਹੀਂ ਖੜ੍ਹਾ ਤਾਂ ਰੇਸ਼ਮ ਸਿੰਘ ਅਨਮੋਲ ਖੁਦ ਨਵਦੀਪ ਦੇ ਹੱਕ ‘ਚ ਖੜ੍ਹੇ ਸਨ ।ਰੇਸ਼ਮ ਸਿੰਘ ਜਿੱਥੇ ਵਧੀਆ ਗਾਇਕ ਹਨ, ਉੱਥੇ ਹੀ ਵਧੀਆ ਇਨਸਾਨ ਵੀ ਹਨ ।