ਡਰੱਗਜ਼ ਮਾਮਲੇ 'ਚ 2 ਸਾਲ ਤੋਂ ਜੇਲ੍ਹ 'ਚ ਬੰਦ ਏਜਾਜ਼ ਖਾਨ ਨੂੰ ਮਿਲੀ ਜ਼ਮਾਨਤ, ਮਾਪਿਆਂ ਤੇ ਬੱਚਿਆਂ ਨੂੰ ਮਿਲ ਹੋਏ ਭਾਵੁਕ

Ajaz Khan Granted Bail: ਬਿੱਗ ਬੌਸ 7 ਵਿੱਚ ਨਜ਼ਰ ਆਏ ਏਜਾਜ਼ ਖਾਨ ਨੂੰ ਸੁਪਰੀਮ ਕੋਰਟ ਨੇ ਜ਼ਮਾਨਤ ਦੇ ਦਿੱਤੀ ਹੈ। ਹੁਣ  ਉਹ ਜੇਲ੍ਹ ਤੋਂ ਬਾਹਰ ਆ ਗਏ ਹਨ।  ਉਹ ਮੁੰਬਈ ਦੀ ਆਰਥਰ ਰੋਡ ਜੇਲ੍ਹ ਵਿੱਚ ਬੰਦ ਸੀ ਪਰ ਹੁਣ ਉਹ ਬਾਹਰ ਆ ਗਏ ਹਨ। ਉਨ੍ਹਾਂ ਦੇ  ਖਿਲਾਫ ਡਰੱਗ ਮਾਮਲੇ 'ਚ ਕੇਸ ਚੱਲ ਰਿਹਾ ਹੈ। ਉਹ ਆਪਣੇ ਬਿਆਨਾਂ ਨੂੰ ਲੈ ਕੇ ਕਈ ਵਾਰ ਵਿਵਾਦਾਂ 'ਚ ਵੀ ਰਹਿੰਦੇ ਸੀ।

ਜ਼ਿਕਰਯੋਗ ਹੈ ਕਿ ਸਾਲ 2021 'ਚ ਏਜਾਜ਼ ਖਾਨ ਨੂੰ ਨਾਰਕੋਟਿਕਸ ਕੰਟਰੋਲ ਬਿਊਰੋ ਨੇ ਡਰੱਗਜ਼ ਮਾਮਲੇ 'ਚ ਗ੍ਰਿਫਤਾਰ ਕੀਤਾ ਸੀ। ਪੁਲਿਸ ਵੱਲੋਂ ਡਰੱਗ ਸਪਲਾਇਰ ਫਾਰੂਕ ਸ਼ੇਖ ਉਰਫ਼ ਬੱਤਾ ਤੋਂ ਪੁੱਛਗਿੱਛ ਦੌਰਾਨ ਏਜਾਜ਼ ਖ਼ਾਨ ਦਾ ਨਾਂਅ ਸਾਹਮਣੇ ਆਇਆ ਸੀ।

ਗੌਰਤਲਬ ਹੈ ਕਿ ਫਾਰੂਖ ਸ਼ੇਖ ਉਰਫ਼ ਬੱਤਾ ਦਾ ਪੁੱਤਰ ਸ਼ਾਦਾਬ ਸ਼ੇਖ ਉਰਫ਼ ਸ਼ਾਦਾਬ ਬਤਾਟਾ ਵੀ ਨਸ਼ੇ ਦਾ ਧੰਦਾ ਕਰਦਾ ਹੈ। ਮੀਡੀਆ ਨਾਲ ਗੱਲ ਕਰਦੇ ਹੋਏ ਨਾਰਕੋਟਿਕਸ ਕੰਟਰੋਲ ਵਿਭਾਗ ਦੇ ਜ਼ੋਨਲ ਡਾਇਰੈਕਟਰ ਸਮੀਰ ਵਾਨਖੇੜੇ ਨੇ ਕਿਹਾ, "ਸਾਡੀ ਪੁੱਛਗਿੱਛ ਦੌਰਾਨ ਏਜਾਜ਼ ਖਾਨ ਦਾ ਨਾਂ ਸਾਹਮਣੇ ਆਇਆ। ਸਾਨੂੰ ਉਸ ਦੇ ਖਿਲਾਫ ਸਬੂਤ ਵੀ ਮਿਲੇ ਹਨ।"

View this post on Instagram

A post shared by Viral Bhayani (@viralbhayani)

ਗ੍ਰਿਫਤਾਰੀ ਤੋਂ ਬਾਅਦ ਏਜਾਜ਼ ਖਾਨ ਨੇ ਦਾਅਵਾ ਕੀਤਾ ਸੀ ਕਿ ਉਸ ਨੂੰ ਨੀਂਦ ਦੀਆਂ ਗੋਲੀਆਂ ਤੋਂ ਇਲਾਵਾ ਕੁਝ ਨਹੀਂ ਮਿਲਿਆ। ਅਦਾਲਤ ਤੋਂ ਬਾਹਰ ਨਿਕਲਣ ਸਮੇਂ ਉਸ ਨੇ ਮੀਡੀਆ ਨੂੰ ਕਿਹਾ, "ਕੁਝ ਨਹੀਂ, ਉਨ੍ਹਾਂ ਤੋਂ ਪੁੱਛੋ, ਮੈਨੂੰ ਕੀ ਮਿਲਿਆ। ਉਸ ਨੂੰ ਨੀਂਦ ਦੀਆਂ 4 ਗੋਲੀਆਂ ਮਿਲੀਆਂ ਹਨ। ਇਸ ਦੇ ਨਾਲ ਹੀ ਐਨਸੀਬੀ ਨੇ ਦਾਅਵਾ ਕੀਤਾ ਕਿ ਏਜਾਜ਼ ਖਾਨ ਕੋਲੋਂ 30 ਗੋਲੀਆਂ ਬਰਾਮਦ ਹੋਈਆਂ ਹਨ। ਇਸ ਨਾਲ ਉਸ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਕੁੱਲ ਭਾਰ 4.5 ਗ੍ਰਾਮ ਤੋਂ ਵੱਧ ਹੈ।

ਹੋਰ ਪੜ੍ਹੋ: ਸ਼ਾਹਰੁਖ ਖਾਨ ਤੇ ਸਮੀਰ ਵਾਨਖੇੜੇ ਦੀ ਚੈਟ ਹੋਈ ਲੀਕ, ਕਿੰਗ ਖਾਨ ਨੇ ਕਿਹਾ, 'ਆਰੀਅਨ ਨੂੰ ਜਾਣ ਦਿਓ, ਮੈਂ ਉਸ ਨੂੰ ਚੰਗਾ ਇਨਸਾਨ ਬਣਾਵਾਂਗਾ'

ਜ਼ਿਕਰਯੋਗ ਹੈ ਕਿ ਬੰਬੇ ਹਾਈ ਕੋਰਟ ਨੇ ਪਿਛਲੇ ਸਾਲ ਏਜਾਜ਼ ਖਾਨ ਦੀ ਜ਼ਮਾਨਤ ਪਟੀਸ਼ਨ ਖਾਰਜ ਕਰ ਦਿੱਤੀ ਸੀ। ਏਜਾਜ਼ ਖਾਨ ਨੇ ਸਲਮਾਨ ਖਾਨ ਦੁਆਰਾ ਹੋਸਟ ਕੀਤੇ ਗਏ ਰਿਐਲਿਟੀ ਸ਼ੋਅ ਬਿੱਗ ਬੌਸ 7 ਵਿੱਚ ਹਿੱਸਾ ਲਿਆ ਸੀ। ਉਸਨੇ 2003 ਦੀ ਫਿਲਮ ਵਿੱਚ ਆਪਣਾ ਡੈਬਿਊ ਕੀਤਾ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਕਰਮ ਅਪਨਾ ਅਪਨਾ, ਰਹੇ ਤੇਰਾ ਆਸ਼ੀਰਵਾਦ ਵਰਗੇ ਸ਼ੋਅਜ਼ ਵਿੱਚ ਵੀ ਕੰਮ ਕੀਤਾ। ਉਸ ਨੂੰ ਰਿਐਲਿਟੀ ਸ਼ੋਅ ਬਾਲੀਵੁੱਡ ਕਲੱਬ 'ਚ ਵੀ ਦੇਖਿਆ ਗਿਆ ਸੀ। 

- PTC PUNJABI