ਰਣਬੀਰ ਕਪੂਰ ਨਾਲ ਵਿਆਹ ਤੋਂ ਪਹਿਲਾਂ ਆਲਿਆ ਭੱਟ ਨੇ ਪ੍ਰਸ਼ੰਸਕਾਂ ਨੂੰ ਦਿੱਤੀ ਇਹ ਖੁਸ਼ਖਬਰੀ
ਬਾਲੀਵੁੱਡ ਅਦਾਕਾਰਾ ਆਲਿਆ ਭੱਟ Alia Bhatt ਨੂੰ ਜਾਨਵਰਾਂ ਦੇ ਅਨੁਕੂਲ ਫੈਸ਼ਨ ਉਦਯੋਗ ਦੇ ਸਮਰਥਨ ਵਿੱਚ ਕੰਮ ਕਰਨ ਲਈ ਪੇਟਾ ਨੇ 2021 Person Of The Year ਚੁਣਿਆ ਹੈ। ਅਦਾਕਾਰਾ ਨੇ ਹਾਲ ਹੀ ਵਿੱਚ ਫਲੀਦਾਰ ਦੇ ਪਿੱਛੇ ਫੁੱਲਾਂ ਦੀ ਕੰਪਨੀ ‘ਚ ਨਿਵੇਸ਼ ਕੀਤਾ ਹੈ, ਜੋ ਮੰਦਰ ਵਿੱਚ ਸੁੱਟੇ ਗਏ ਫੁੱਲਾਂ ਤੋਂ ਸ਼ਾਕਾਹਾਰੀ ਚਮੜਾ ਬਣਾਉਂਦੀ ਹੈ। ਇਸ ਤੋਂ ਇਲਾਵਾ, ਉਸਦੀ ਸ਼ਾਕਾਹਾਰੀ ਕਿਡਜ਼ਵੇਅਰ ਲਾਈਨ, ਐਡ-ਏ-ਮੰਮਾ ਨੇ ਜਾਨਵਰਾਂ ਅਤੇ ਕੁਦਰਤ ਪ੍ਰਤੀ ਬੱਚਿਆਂ 'ਚ ਪਿਆਰ ਵਧਾਉਣ ਦੇ ਲਈ ਮਦਦ ਕਰਨ ਲਈ 2021 ਦਾ ਪੇਟਾ ਇੰਡੀਆ ਫੈਸ਼ਨ ਅਵਾਰਡ ਵੀ ਜਿੱਤਿਆ ਹੈ।
ਇਹ ਗੁੱਡ ਨਿਊਜ਼ ਪੇਟਾ ਇੰਡੀਆ ਦੇ ਇੰਸਟਾ ਪੇਜ਼ ਨੇ ਦਿੱਤੀ ਹੈ। ਉਨ੍ਹਾਂ ਨੇ ਆਲਿਆ ਭੱਟ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਅਦਾਕਾਰਾ ਆਲਿਆ ਦੀ ਤਾਰੀਫ ਕਰਦੇ ਹੋਏ ਇਹ ਪੋਸਟ ਸ਼ੇਅਰ ਕੀਤੀ ਹੈ ਤੇ ਨਾਲ ਹੀ ਲੰਬੀ ਚੌੜੀ ਕੈਪਸ਼ਨ ਪਾਈ ਹੈ।
ਆਲਿਆ ਭੱਟ ਬਿੱਲੀਆਂ ਅਤੇ ਕੁੱਤਿਆਂ ਦੇ ਸਮਰਥਨ ਦੀ ਵਕਾਲਤ ਕਰਨ ਲਈ ਜਾਣੀ ਜਾਂਦੀ ਹੈ ਅਤੇ ਅਕਸਰ ਮਜ਼ਬੂਤ ਪਸ਼ੂ ਸੁਰੱਖਿਆ ਕਾਨੂੰਨਾਂ ਦੀ ਮੰਗ ਕਰਨ ਲਈ ਆਪਣੀ ਆਵਾਜ਼ ਉਠਾਉਂਦੀ ਹੋਈ ਨਜ਼ਰ ਆਉਂਦੀ ਹੈ। ਅਦਾਕਾਰਾ ਨੇ ਪੇਟਾ ਇੰਡੀਆ ਮੁਹਿੰਮ ਵਿੱਚ ਵੀ ਕੰਮ ਕੀਤਾ ਹੈ, ਜੋ ਬਿੱਲੀਆਂ ਅਤੇ ਕੁੱਤਿਆਂ ਦੀ ਮਦਦ ਕਰਦੀ ਹੈ।
ਪੇਟਾ ਇੰਡੀਆ ਦੀ ਸੈਲੀਬ੍ਰੇਟੀ ਅਤੇ ਪਬਲਿਕ ਰਿਲੇਸ਼ਨ ਸਚਿਨ ਬੰਗੇਰਾ, ਨੇ ਕਿਹਾ, "ਆਲਿਆ ਭੱਟ ਸਿਰਫ ਸ਼ਾਕਾਹਾਰੀ ਫੈਸ਼ਨ ਨੂੰ ਅੱਗੇ ਵਧਾਉਣ 'ਚ ਮਦਦ ਨਹੀਂ ਕਰ ਰਹੀ, ਸਗੋਂ ਅਗਲੀ ਪੀੜ੍ਹੀ ਨੂੰ ਜਾਨਵਰਾਂ ਪ੍ਰਤੀ ਦਿਆਲੂ ਹੋਣ ਲਈ ਵੀ ਉਤਸ਼ਾਹਿਤ ਕਰ ਰਹੀ ਹੈ।"
ਜੇ ਗੱਲ ਕਰੀਏ ਆਲਿਆ ਭੱਟ ਦੇ ਵਰਕ ਫਰੰਟ ਦੀ ਤਾਂ ਉਹ ਫ਼ਿਲਮ ਬ੍ਰਹਮਾਅਸਤਰ ‘ਚ ਨਜ਼ਰ ਆਵੇਗੀ। ਹਾਲ ਹੀ ‘ਚ ਆਲਿਆ ਨੇ ਫ਼ਿਲਮ ਦਾ ਟੀਜ਼ਰ ਸ਼ੇਅਰ ਕਰਦੇ ਹੋਏ ਫ਼ਿਲਮ ਦੀ ਰਿਲੀਜ਼ ਡੇਟ ਦੱਸੀ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਰਣਬੀਰ ਆਪਣੀ ਲੇਡੀ ਲਵ ਆਲਿਆ ਭੱਟ ਦੇ ਨਾਲ ਸਿਲਵਰ ਸਕ੍ਰੀਨ ਸ਼ੇਅਰ ਕਰਦੇ ਹੋਏ ਨਜ਼ਰ ਆਉਣਗੇ। ਰਿਪੋਰਟਾਂ ਮੁਤਾਬਕ ਰਣਬੀਰ ਕਪੂਰ ਅਤੇ ਆਲਿਆ ਭੱਟ ਅਗਲੇ ਸਾਲ ਵਿਆਹ ਕਰਵਾਏਗਾ। ਪਹਿਲਾਂ ਖਬਰਾਂ ਸਨ ਕਿ ਦੋਵੇਂ ਜਣੇ ਦਸੰਬਰ ‘ਚ ਹੀ ਵਿਆਹ ਕਰਵਾਉਣ ਵਾਲੇ ਸੀ।
View this post on Instagram