ਅਮਿਤਾਭ ਬੱਚਨ ਨੇ ਆਪਣੀ ਦੋਹਤੀ Navya ਦੇ ਗ੍ਰੈਜੁਏਟ ਹੋਣ ਦੀ ਖੁਸ਼ੀ ‘ਚ ਪਾਈ ਭਾਵੁਕ ਪੋਸਟ, ਕਲਾਕਾਰ ਦੇ ਰਹੇ ਨੇ ਵਧਾਈਆਂ
ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਅਮਿਤਾਭ ਬੱਚਨ ਜੋ ਕਿ ਸੋਸ਼ਲ ਮੀਡੀਆ ‘ਤੇ ਐਕਟਿਵ ਰਹਿੰਦੇ ਨੇ ਤੇ ਅਕਸਰ ਹੀ ਆਪਣੇ ਪ੍ਰਸ਼ੰਸਕਾਂ ਦੇ ਨਾਲ ਖੁਸ਼ਨੁਮਾ ਪਲਾਂ ਨੂੰ ਸ਼ੇਅਰ ਕਰਦੇ ਰਹਿੰਦੇ ਨੇ । ਇਸ ਵਾਰ ਉਨ੍ਹਾਂ ਨੇ ਆਪਣੀ ਦੋਹਤੀ ਦੇ ਲਈ ਭਾਵੁਕ ਪੋਸਟ ਪਾਈ ਹੈ । ਉਨ੍ਹਾਂ ਦੀ ਦੋਹਤੀ ਨਵਿਆ ਨਵੇਲੀ ਨੰਦਾ ਜੋ ਕਿ ਗ੍ਰੈਜੁਏਟ ਹੋ ਗਈ ਹੈ ।
View this post on Instagram
ਬਿੱਗ ਬੀ ਨੇ ਆਪਣੀ ਦੋਹਤੀ ਨਵਿਆ ਨੰਦਾ ਨੂੰ ਵਧਾਈ ਦਿੰਦੇ ਹੋਏ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ ਤੇ ਨਾਲ ਹੀ ਕੈਪਸ਼ਨ ‘ਚ ਲਿਖਿਆ ਹੈ, ‘Grand daughter Navya, ਇੱਕ ਯੁਵਾ ਸਟੂਡੈਂਟ ਦੀ ਜ਼ਿੰਦਗੀ ‘ਚ ਸਭ ਤੋਂ ਖਾਸ ਦਿਨ, ਗ੍ਰੈਜੁਏਸ਼ਨ ਡੇਅ ਹੁੰਦਾ ਹੈ । ਉਹ ਨਿਊਯਾਰਕ ਦੇ ਕਾਲਜ ਤੋਂ ਗ੍ਰੈਜੁਏਟ ਹੋ ਚੁੱਕੀ ਹੈ । ਪਰ ਕੋਰੋਨਾ ਤੇ ਲਾਕਡਾਊਨ ਦੇ ਕਾਰਨ ਸੈਰੇਮਨੀ ਟਾਲ ਦਿੱਤੀ ਗਈ ਹੈ ਤੇ ਉਹ ਨਹੀਂ ਜਾ ਪਾਈ, ਅਸੀਂ ਸਭ ਨੇ ਵੀ ਇਸ ਖ਼ਾਸ ਮੌਕੇ ‘ਤੇ ਨਵਿਆ ਦੇ ਨਾਲ ਰਹਿਣ ਦੀ ਯੋਜਨਾ ਬਣਾਈ ਸੀ । ਇਸ ਸਭ ਤੋਂ ਬਾਅਦ ਵੀ ਉਹ ਗ੍ਰੈਜੁਏਸ਼ਨ ਗਾਊਨ ਤੇ ਕੈਪ ਪਾਉਣਾ ਚਾਹੁੰਦੀ ਸੀ । ਇਸ ਲਈ ਸਟਾਫ ਨੇ ਉਸਦੇ ਲਈ ਗਾਊਨ ਤੇ ਕੈਪ ਤਿਆਰ ਕੀਤੀ ਤੇ ਨਵਿਆ ਨੇ ਆਪਣੇ ਘਰ ਜਲਸਾ ‘ਚ ਇਸ ਖੁਸ਼ੀ ਨੂੰ ਸੈਲੀਬ੍ਰੇਟ ਕੀਤਾ । ਸਾਨੂੰ ਤੇਰੇ ‘ਤੇ ਬਹੁਤ ਮਾਣ ਹੈ ਨਵਿਆ, ਭਗਵਾਨ ਤੈਨੂੰ ਆਸ਼ੀਰਵਾਦ ਦੇਵੇ ।
View this post on Instagram
ਇਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣੀ ਦੋਹਤੀ ਨਵਿਆ ਤੇ ਧੀ ਸ਼ਵੇਤਾ ਨੰਦਾ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਨੇ । ਜਿਸ ‘ਤੇ ਬਾਲੀਵੁੱਡ ਦੇ ਕਲਾਕਾਰ ਕਮੈਂਟ ਕਰਕੇ ਵਧਾਈਆਂ ਦੇ ਰਹੇ ਨੇ ।