ਛੋਟੀ ਉਮਰ ਵਿੱਚ ਵੱਡਾ ਨਾਂਅ ਬਣਾਇਆ ਦਿਲਜਾਨ ਨੇ, ਦਿਲਜਾਨ ਦਾ ਗਾਣਾ ਸੁਣ ਕੇ ਆਸ਼ਾ ਭੋਂਸਲੇ ਹੋ ਗਈ ਸੀ ਭਾਵੁਕ

33 ਸਾਲਾ ਦਿਲਜਾਨ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਗਿਆ ਹੈ । ਛੋਟੀ ਉਮਰ ਵਿੱਚ ਹੀ ਉਸ ਨੇ ਸੰਗੀਤ ਦੀ ਦੁਨੀਆਂ ਵਿੱਚ ਵੱਡਾ ਨਾਂਅ ਬਣਾਇਆ ਸੀ । ਦਿਲਜਾਨ ਨੂੰ ਸੰਗੀਤ ਦਾ ਬਚਪਨ ਤੋਂ ਹੀ ਸ਼ੌਂਕ ਸੀ । ਉਨ੍ਹਾਂ ਨੂੰ ਗੁੜਤੀ ਸੂਫ਼ੀ ਸੰਗੀਤ ਦੀ ਮਿਲੀ ਸੀ ਅਤੇ 2006-07 ਵਿਚ ਉਹ ਰਿਐਲਟੀ ਸ਼ੌਅ ਅਵਾਜ਼ ਪੰਜਾਬ ਦੇ ਰਨਰਅੱਪ ਵੀ ਸਨ।

ਹੋਰ ਪੜ੍ਹੋ :

ਅਫਸਾਨਾ ਖ਼ਾਨ ਨੇ ਹੋਲੀ ਸੈਲੀਬ੍ਰੇਸ਼ਨ ਦੀਆਂ ਤਸਵੀਰਾਂ ਕੀਤੀਆਂ ਸਾਂਝੀਆਂ

ਉਨ੍ਹਾਂ ਦਾ ਸਬੰਧ ਪਟਿਆਲਾ ਸੰਗੀਤ ਘਰਾਣੇ ਨਾਲ ਸੀ। ਦਿਲਜਾਨ ਆਪਣੇ ਪਿਤਾ ਦੇ ਉਸਤਾਦ ਪੂਰਨ ਸ਼ਾਹਕੋਟੀ ਤੋਂ ਸੰਗੀਤ ਦੇ ਗੁਰ ਸਿੱਖੇ ਸਨ । ਇੱਕ ਰਿਆਲਟੀ ਸ਼ੋਅ ਵਿਚ ਜਦੋਂ ਉਹਨਾਂ ਨੇ ਸੋਹਣੀ ਮਹਿਵਾਲ ਦਾ ਕਿੱਸਾ ਗਾਇਆ ਸੀ ਤਾਂ ਆਸ਼ਾ ਭੋਸਲੇ ਰੋ ਪਏ ਸਨ।

ਦਿਲਜਾਨ ਨੇ ਦੱਸਿਆ ਸੀ ਕਿ ਉਸ ਦਿਨ ਮੇਰਾ ਗਾਉਣਾ ਸਫ਼ਲ ਹੋ ਗਿਆ ਸੀ। ਆਸ਼ਾ ਭੋਸਲੇ ਨੇ ਕਿਹਾ ਕਿ ਉਹਨਾਂ ਨੇ ਇਸ ਤਰ੍ਹਾਂ ਦੀ ਆਵਾਜ਼ ਪਹਿਲੀ ਵਾਰ ਸੁਣੀ ਹੈ ।