ਬੱਬੂ ਮਾਨ ਦੀ ਐਲਬਮ ‘ਤੂੰ ਮੇਰੀ ਮਿਸ ਇੰਡੀਆ’ ਨੇ ਪੂਰਾ ਕੀਤਾ 20 ਸਾਲਾਂ ਦਾ ਖ਼ੂਬਸੂਰਤ ਸਫ਼ਰ, ‘ਨੀਂਦਰਾਂ’ ਤੇ ‘ਪਿੰਡ ਪਹਿਰਾ’ ਵਰਗੇ ਗੀਤ ਅੱਜ ਵੀ ਨੇ ਸਰੋਤਿਆਂ ਦੀ ਪਹਿਲੀ ਪਸੰਦ
Lajwinder kaur
September 27th 2019 12:59 PM --
Updated:
September 27th 2019 01:04 PM
ਨੀਂਦਰਾਂ ਨੀ ਆਉਂਦੀਆਂ, ਰਾਤੀ ਮਿਲਣ ਨਾ ਆਈ ਵੇ ਪਿੰਡ ਪਹਿਰਾ ਲੱਗਦਾ, ਤੁਪਕਾ-ਤੁਪਕਾ, ਮਿਸ ਇੰਡੀਆ, ਸਾਹਮਣੇ ਚੁਬਾਰੇ ਵਾਲੀ ਵਰਗੇ ਗੀਤਾਂ ਦੇ ਨਾਲ ਭਰੀ ਬੱਬੂ ਮਾਨ ਦੀ ਐਲਬਮ ‘ਤੂੰ ਮੇਰੀ ਮਿਸ ਇੰਡੀਆ’ ਜਿਸ ਨੇ 20 ਸਾਲਾਂ ਦਾ ਖ਼ੂਬਸੂਰਤ ਸਫ਼ਰ ਪੂਰਾ ਕਰ ਲਿਆ ਹੈ। ਜੀ ਹਾਂ ਇਹ ਐਲਬਮ 26 ਸਤੰਬਰ 1999 ‘ਚ ਰਿਲੀਜ਼ ਹੋਈ ਸੀ। ਇਸ ਐਲਬਮ ‘ਚ ਬੱਬੂ ਮਾਨ ਨੇ ਆਪਣੀ ਦਮਦਾਰ ਆਵਾਜ਼ ਦੇ ਨਾਲ 8 ਗੀਤ ਲੈ ਕੇ ਦਰਸ਼ਕਾਂ ਦੀ ਕਚਹਿਰੀ ‘ਚ ਹਾਜ਼ਿਰ ਹੋਏ ਸਨ। ਇਸ ਐਲਬਮ ਦੇ ਗੀਤ ਬੱਬੂ ਦੀ ਕਲਮ ‘ਚੋਂ ਹੀ ਨਿਕਲੇ ਸਨ ਤੇ ਮਿਊਜ਼ਿਕ ਸੁਰਿੰਦਰ ਬੱਚਨ ਨੇ ਦਿੱਤਾ ਸੀ। Catrack ਦੇ ਲੇਬਲ ਹੇਠ ਇਸ ਐਲਬਮ ਨੂੰ ਰਿਲੀਜ਼ ਕੀਤਾ ਗਿਆ ਸੀ। ਇਹ ਐਲਬਮ ਸੁਪਰ ਡੁਪਰ ਹਿੱਟ ਰਹੀ ਸੀ। ਉਨ੍ਹਾਂ ਦੇ ਇਹ ਗਾਣੇ ਅੱਜ ਵੀ ਦਰਸ਼ਕਾਂ ਦੀਆਂ ਪਹਿਲੀ ਪਸੰਦ ਨੇ।