ਬਿੱਗ ਬੌਸ ਦੇ ਐਕਸ ਪ੍ਰਤੀਭਾਗੀ ਰਹੇ ਸ਼ਹਿਜ਼ਾਦ ਦਿਓਲ ਨੇ ਰਿਲੀਜ਼ ਕੀਤਾ ਆਪਣਾ ਪਹਿਲਾ ਮਿਊਜ਼ਿਕ ਵੀਡੀਓ
ਬਿੱਗ ਬੌਸ 14 ਦੇ ਪ੍ਰਤੀਭਾਗੀ ਰਹੇ ਸ਼ਹਿਜ਼ਾਦ ਦਿਓਲ ਆਪਣੀ ਨਵੀਂ ਮਿਊਜ਼ਿਕ ਸੋਲੋ ‘ਹੋਲਡ ਮਾਈ ਹੈਂਡ’ ਦੇ ਨਾਲ ਪਰਦੇ ‘ਤੇ ਆਏ ਹਨ । ਇਸ ਦੇ ਨਾਲ ਹੀ ਸੰਗੀਤ ਜਗਤ ‘ਚ ਉਨ੍ਹਾਂ ਨੇ ਆਪਣਾ ਪਹਿਲਾ ਕਦਮ ਵਧਾਇਆ ਹੈ । ਇਸ ਰੋਮਾਂਟਿਕ ਨੰਬਰ ‘ਚ ਇੱਕ ਬਿਲਕੁਲ ਨਵੇਂ ਅੰਦਾਜ਼ ‘ਚ ਦਿਖਾਈ ਦੇਣ ਤੋਂ ਬਾਅਦ ਸ਼ਹਿਜ਼ਾਦ ਮੁੜ ਤੋਂ ਆਪਣੀ ਚਾਕਲੇਟੀ ਬੁਆਏ ਵਾਲੀ ਇਮੇਜ ਕ੍ਰਿਸ਼ਮਈ ਸੁਹਜ ਅਤੇ ਆਪਣੀ ਗਾਇਕੀ ਦੀ ਪ੍ਰਤਿਭਾ ਦੇ ਨਾਲ ਹਰ ਕਿਸੇ ਦਾ ਦਿਲ ਜਿੱਤ ਰਿਹਾ ਹੈ ।
ਇਸ ਗੀਤ ਨੂੰ ਦਰਸ਼ਕਾਂ ਵੱਲੋਂ ਵੀ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ । ਇਹ ਗੀਤ ਹਰ ਕਿਸੇ ਦਾ ਪਸੰਦੀਦਾ ਰੋਮਾਂਟਿਕ ਨੰਬਰ ਬਣ ਗਿਆ ਹੈ ।
ਹੋਰ ਪੜ੍ਹੋ : ਸ਼ਹਿਜ਼ਾਦ ਦਿਓਲ ਦੇ ਹੱਕ ਵਿੱਚ ਨਿੱਤਰੀ ਸਰਗੁਨ ਮਹਿਤਾ, ਬਿੱਗ ਬੌਸ ਨੂੰ ਦੱਸਿਆ ਪੱਖਪਾਤੀ
ਸ਼ਹਿਜ਼ਾਦ ਦਿਓਲ ਦੇ ਇਸ ਗੀਤ ਨੇ ਡਿਜੀਟਲੀ 24 ਘੰਟਿਆਂ ‘ਚ 1 ਮਿਲੀਅਨ ਦਾ ਅੰਕੜਾ ਪਾਰ ਕਰ ਲਿਆ ਹੈ ।ਸ਼ਹਿਜ਼ਾਦ ਨੇ ਇੱਕ ਇੰਟਰਵਿਊ ਦੌਰਾਨ ਦੱਸਿਆ ਕਿ ‘ਇਸ ਗੀਤ ਦੇ ਬੋਲ ਏਨੇ ਵਧੀਆ ਹਨ ਕਿ ਇਸ ਨਾਲ ਮੈਂ ਨਿੱਜੀ ਤੌਰ ‘ਤੇ ਜੁੜਿਆ ਹੋਇਆ ਹਾਂ’।
ਦੱਸ ਦਈਏ ਕਿ ਸ਼ਹਿਜ਼ਾਦ ਦਿਓਲ ਬਿੱਗ ਬੌਸ ਦੇ ਘਰ ਕੁਝ ਦਿਨ ਹੀ ਟਿਕ ਪਾਏ ਸਨ ਅਤੇ ਸਾਰਾ ਗੁਰਪਾਲ ਤੋਂ ਬਾਅਦ ਉਹ ਘਰ ਤੋਂ ਬੇਘਰ ਹੋ ਗਏ ਸਨ ।