ਅੱਲੂ ਅਰਜੁਨ ਨੇ ਆਪਣੇ ਬੇਟੇ ਅੱਲੂ ਅਯਾਨ ਨੂੰ ਇਹਨਾਂ ਪਿਅਰੀਆਂ ਤਸਵੀਰਾਂ ਰਾਹੀਂ ਦਿੱਤੀ ਜਨਮਦਿਨ ਦੀ ਵਧਾਈ ! ਵੇਖੋ ਤਸਵੀਰਾਂ
ਟਾਲੀਵੁੱਡ ਤੋਂ ਲੈ ਕੇ ਬਾਲੀਵੁੱਡ ਤੱਕ ਲੋਕਾਂ ਦੇ ਦਿਲਾਂ 'ਤੇ ਰਾਜ ਕਰਨ ਵਾਲੇ ਅੱਲੂ ਅਰਜੁਨ ਪੁਸ਼ਪਾ 2 ਵਿੱਚ ਰੁੱਝੇ ਹੋਏ ਹਨ ਪਰ ਇਸ ਦੌਰਾਨ, ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਬੇਟੇ ਅੱਲੂ ਅਯਾਨ ਲਈ ਦਿਲੋਂ ਸ਼ੁਭਕਾਮਨਾਵਾਂ ਲਿਖੀਆਂ ਹਨ। ਅੱਲੂ ਅਰਜੁਨ ਦਾ ਬੇਟਾ 3 ਅਪ੍ਰੈਲ ਨੂੰ 9 ਸਾਲਾਂ ਦਾ ਹੋ ਗਿਆ ਹੈ।
ਅੱਲੂ ਅਰਜੁਨ ਦੇ ਫੈਨਸ ਨੂੰ 'ਪੁਸ਼ਪਾ 2' ਦੀ ਬੇਸਬਰੀ ਨਾਲ ਉਡੀਕ ਹੈ। ਦੱਖਣੀ ਸੁਪਰਸਟਾਰ ਅੱਲੂ ਅਰਜੁਨ ਨੇ ਹਾਲ ਵਿੱਚ ਭਾਰਤੀ ਫਿਲਮ ਇੰਡਸਟਰੀ ਵਿੱਚ 20 ਸਾਲ ਪੂਰੇ ਕੀਤੇ 'ਤੇ ਕਿਸੇ ਵੀ ਸਟਾਰ ਵਾਸਤੇ ਇਸ ਤੋਂ ਵੱਧ ਖੁਸ਼ੀ ਦਾ ਪਲ ਹੋਰ ਕਿਹੜਾ ਹੋ ਸਕਦਾ ਹੈ । 3 ਅਪ੍ਰੈਲ ਨੂੰ, ਟਾਲੀਵੁੱਡ ਦੇ ਫੇਮਸ ਸਟਾਰ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਬੇਟੇ ਅੱਲੂ ਅਯਾਨ ਲਈ ਇੱਕ ਭਾਵੁਕ ਨੋਟ ਲਿਖਿਆ, ਜੋ 9 ਸਾਲਾਂ ਦਾ ਹੋ ਗਿਆ ਹੈ। ਅੱਲੂ ਅਰਜੁਨ ਨੇ ਪਿਤਾ ਅਤੇ ਬੇਟੇ ਦੇ ਵਿੱਚਕਾਰ ਇੱਕ ਪਿਆਰ ਭਰੇ ਪਲ ਨੂੰ ਦਰਸਾਉਂਦੀ ਇੱਕ ਤਸਵੀਰ ਪੋਸਟ ਕੀਤੀ ਅਤੇ ਲਿਖਿਆ, "ਮੇਰੀ ਜ਼ਿੰਦਗੀ ਦੇ ਪਿਆਰ ਨੂੰ ਜਨਮਦਿਨ ਦੀਆਂ ਮੁਬਾਰਕਾਂ। ਮੇਰੇ ਸਭ ਤੋਂ ਪਿਆਰੇ ਚਿੰਨੀ ਬਾਬੂ #AlluAyaan।"
Happy Birthday to the love of my life. My sweetest chinni babu #AlluAyaan pic.twitter.com/swwINNA4yO
— Allu Arjun (@alluarjun) April 3, 2023ਬਾਲੀਵੁੱਡ ਵਿੱਚ ਅੱਲੂ ਅਰਜੁਨ ਦਾ ਡੈਬਿਊ
ਅੱਲੂ ਅਰਜੁਨ ਬਾਲੀਵੁੱਡ ਵਿੱਚ ਡੈਬਿਊ ਕਰਨ ਜਾ ਰਹੇ ਹਨ। 'ਪੁਸ਼ਪਾ' ਸਟਾਰ ਦੀ ਬਾਲੀਵੁੱਡ ਡੈਬਿਊ ਫਿਲਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਅੱਲੂ ਅਰਜੁਨ ਨੇ ਨਿਰਮਾਤਾ ਭੂਸ਼ਣ ਕੁਮਾਰ ਅਤੇ ਨਿਰਦੇਸ਼ਕ ਸੰਦੀਪ ਰੈੱਡੀ ਵਾਂਗਾ ਨਾਲ ਇੱਕ ਫਿਲਮ ਸਾਈਨ ਕੀਤੀ ਹੈ।
ਅੱਲੂ ਅਰਜੁਨ ਦਾ ਵਰਕ ਫਰੰਟ
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ, ਅਭਿਨੇਤਾ ਇਸ ਸਮੇਂ "ਪੁਸ਼ਪਾ: ਦ ਰੂਲ" ਦੀ ਸ਼ੂਟਿੰਗ ਵਿੱਚ ਰੁੱਝੇ ਹੋਏ ਹਨ , ਜੋ ਉਹਨਾਂ ਦੀ 2021 ਦੀ ਫਿਲਮ "ਪੁਸ਼ਪਾ: ਦਿ ਰਾਈਜ਼" ਦਾ ਸੀਕਵਲ ਹੈ। ਕਾਫੀ ਸਮਾਂ ਪਹਿਲਾਂ ਫਿਲਮ ਦੇ ਸੈੱਟ ਤੋਂ ਐਕਟਰ ਦੀ ਤਸਵੀਰ ਵੀ ਵਾਇਰਲ ਹੋਈ ਸੀ, ਜਿਸ 'ਚ ਅੱਲੂ ਅਰਜੁਨ ਦਾ ਨਵਾਂ ਲੁੱਕ ਦੇਖਣ ਨੂੰ ਮਿਲਿਆ ਸੀ।