ਗਾਇਕ ਜੱਸੀ ਜਸਬੀਰ ਦੀ ਸਾਦਗੀ ਜਿੱਤ ਲਵੇਗੀ ਦਿਲ,ਦਿੱਲੀ 'ਚ ਕੁਤਰ ਰਹੇ ਨੇ ਪੱਠੇ, ਦੇਖੋ ਵੀਡੀਓ
ਇੱਕ ਕੁੜੀ, ਕੋਕਾ, ਨਿਸ਼ਾਨੀ ਯਾਰ ਦੀ ਵਰਗੇ ਬਹੁਤ ਸਾਰੇ ਹਿੱਟ ਗੀਤ ਦੇਣ ਵਾਲੇ ਗਾਇਕ ਜੱਸੀ ਜਸਬੀਰ ਸ਼ੋਸ਼ਲ ਮੀਡੀਆ 'ਤੇ ਆਪਣੇ ਫੈਨਸ ਨਾਲ ਜ਼ਿੰਦਗੀ ਦੇ ਚੰਗੇ ਮਾੜੇ ਪਲ ਸਾਂਝੇ ਕਰਦੇ ਰਹਿੰਦੇ ਹਨ। ਉਹਨਾਂ ਹਾਲ ਹੀ 'ਚ ਇੱਕ ਹੋਰ ਵੀਡੀਓ ਸਾਂਝੀ ਕੀਤੀ ਹੈ ਜਿਸ 'ਚ ਜੱਸੀ ਜਸਬੀਰ ਪੱਠੇ ਕੁਤਰਦੇ ਹੋਏ ਨਜ਼ਰ ਆ ਰਹੇ ਹਨ। ਜੀ ਹਾਂ ਮੱਝਾਂ ਨੂੰ ਪਾਏ ਜਾਂਦੇ ਚਾਰੇ ਨੂੰ ਕੁਤਰਨ ਲਈ ਜਿਸ ਮਸ਼ੀਨ ਦੀ ਵਰਤੋਂ ਕੀਤੀ ਜਾਂਦੀ ਹੈ ਜੱਸੀ ਜਸਬੀਰ ਉਹ ਮਸ਼ੀਨ ਹੱਥਾਂ ਨਾਲ ਚਲਾਉਂਦੇ ਹੋਏ ਨਜ਼ਰ ਆ ਰਹੇ ਹਨ।
View this post on Instagram
ਜੱਸੀ ਜਸਬੀਰ ਦਾ ਇਹ ਵੀਡੀਓ ਦਰਸਾਉਂਦਾ ਹੈ ਕਿ ਉਹ ਕਿਸ ਕਦਰ ਜ਼ਮੀਨ ਨਾਲ ਜੁੜੇ ਹੋਏ ਇਨਸਾਨ ਹਨ। ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਜੱਸੀ ਜਸਬੀਰ ਆਪਣੇ ਇਸ ਸਾਦਗੀ ਦਾ ਸਬੂਤ ਦਿੰਦੇ ਨਜ਼ਰ ਆਏ ਹਨ। ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਜੱਸੀ ਜਸਬੀਰ ਨੇ ਲਿਖਿਆ ਹੈ ਕਿ 'ਦਿੱਲੀ 'ਚ ਵੀ ਪਿੰਡ ਦੇ ਨਜ਼ਾਰੇ'।
ਹੋਰ ਵੇਖੋ : ਹੁਣ ਇਸ ਦਿਨ ਆ ਰਿਹਾ ਹੈ 'ਨਾਨਕਾ ਮੇਲ' ਰੌਣਕਾਂ ਲਗਾਉਣ, ਰੌਸ਼ਨ ਪ੍ਰਿੰਸ ਨੇ ਸਾਂਝਾ ਕੀਤਾ ਪੋਸਟਰ
View this post on Instagram
#kudiyeQismatpudiye #TenuEnnaapyaardian
ਜੱਸੀ ਜਸਬੀਰ ਦੇ ਗੀਤਾਂ ਨੇ ਤਾਂ ਹਰ ਕਿਸੇ ਦਾ ਦਿਲ ਜਿੱਤਿਆ ਹੀ ਪਰ ਉਹਨਾਂ ਦਾ ਅਜਿਹਾ ਅੰਦਾਜ਼ 'ਵੀ ਦਿਲ ਨੂੰ ਛੂਹ ਜਾਂਦਾ ਹੈ। ਹਾਲ ਹੀ 'ਚ ਸੋਨਾਕਸ਼ੀ ਸਿਨ੍ਹਾ ਦੀ ਫ਼ਿਲਮ ਖ਼ਾਨਦਾਨੀ ਸ਼ਫ਼ਾਖਾਨਾ 'ਚ ਉਹਨਾਂ ਦੇ ਗੀਤ ਕੋਕਾ ਨੂੰ ਮੁੜ ਤੋਂ ਰੀਮੇਕ ਕਰਕੇ ਰਿਲੀਜ਼ ਕੀਤਾ ਗਿਆ ਹੈ ਜਿਹੜਾ ਕਿ ਦਰਸ਼ਕਾਂ ਨੂੰ ਬਹੁਤ ਪਸੰਦ ਆ ਰਿਹਾ ਹੈ।