ਪੰਜਾਬੀ ਕਲਾਕਾਰ ਵੱਡਾ ਗਰੇਵਾਲ ਹਸਪਤਾਲ ‘ਚ ਦਾਖਲ, ਐਲੀ ਮਾਂਗਟ ਨੇ ਫੋਟੋ ਸ਼ੇਅਰ ਕਰਕੇ ਅਰਦਾਸ ਕਰਨ ਲਈ ਕਿਹਾ
Lajwinder kaur
April 14th 2020 10:25 AM --
Updated:
April 14th 2020 10:58 AM
ਪੰਜਾਬੀ ਗਾਇਕ ਤੇ ਅਦਾਕਾਰ ਵੱਡਾ ਗਰੇਵਾਲ ਦੇ ਫੈਨਜ਼ ਦੇ ਲਈ ਬੜੀ ਹੀ ਮਾੜੀ ਖ਼ਬਰ ਸਾਹਮਣੇ ਆਈ ਹੈ । ਜੀ ਹਾਂ ਸੋਸ਼ਲ ਮੀਡੀਆ ‘ਤੇ ਵੱਡਾ ਗਰੇਵਾਲ ਦੀ ਹਸਪਤਾਲ ‘ਚ ਭਰਤੀ ਹੋਈ ਤਸਵੀਰ ਕਾਫੀ ਵਾਇਰਲ ਹੋ ਰਹੀ ਸੀ । ਪਹਿਲਾਂ ਇਸ ਫੋਟੋ ਨੂੰ ਫੇਕ ਨਿਊਜ਼ ਦੱਸਿਆ ਜਾ ਰਿਹਾ ਸੀ । ਪਰ ਉਨ੍ਹਾਂ ਦੇ ਖ਼ਾਸ ਮਿੱਤਰ ਐਲੀ ਮਾਂਗਟ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਇਸ ਗੱਲ ਦਾ ਖੁਲਾਸਾ ਕਰ ਦਿੱਤਾ ਹੈ ਕਿ ਵੱਡਾ ਗਰੇਵਾਲ ਹਸਪਤਾਲ ‘ਚ ਦਾਖਲ ਨੇ । ਐਲੀ ਮਾਂਗਟ ਨੇ ਵੱਡੇ ਗਰੇਵਾਲ ਦੀ ਫੋਟੋ ਆਪਣੇ ਇੰਸਟਾਗ੍ਰਾਮ ਦੀ ਸਟੋਰੀ ‘ਚ ਸ਼ੇਅਰ ਕਰਦੇ ਹੋਏ ਕਿਹਾ ਕਿ ਵੱਡੇ ਗਰੇਵਾਲ ਲਈ ਅਰਦਾਸ ਕਰੋ ਕਿ ਉਹ ਜਲਦੀ ਤੋਂ ਜਲਦੀ ਠੀਕ ਹੋ ਕੇ ਵਾਪਸ ਆ ਜਾਵੇ, ਨਾਲ ਹੀ ਉਨ੍ਹਾਂ ਨੇ ਝੂਠੀਆਂ ਅਫਵਾਹਾਂ ਫੈਲਾਉਣ ਵਾਲੇ ਲੋਕਾਂ ਦੀ ਨਿੰਦਿਆ ਵੀ ਕੀਤੀ ਹੈ ।