ਜੈਸਮੀਨ ਸੈਂਡਲਾਸ ਨੇ ਦਿੱਤਾ ਸੱਦਾ 'ਪੰਜਾਬੀ ਸੂਟ' ਪਾ ਕੇ ਕਲੱਬ ਆਉਣ ਮੁਟਿਆਰਾਂ
Shaminder
August 27th 2018 08:40 AM
ਪਹਿਰਾਵਾ ਲੋਕਾਂ ਦੀ ਪਹਿਚਾਣ ਹੈ । ਦੁਨੀਆਂ ਦੇ ਕਿਸੇ ਵੀ ਕੋਨੇ ਵਿੱਚ ਚਲੇ ਜਾਈਏ ਪੰਜਾਬੀਆਂ ਨੂੰ ਪਹਿਰਾਵੇ ਦੇ ਜ਼ਰੀਏ ਪਹਿਚਾਨਣਾ ਬੇਹੱਦ ਅਸਾਨ ਹੈ।ਪਰ ਅੱਜਕੱਲ੍ਹ ਸਾਡੇ ਪਹਿਰਾਵੇ ' ਕਈ ਬਦਲਾਅ ਆਏ ਨੇ ਅਤੇ ਪੱਛਮੀ ਸੱਭਿਆਚਾਰ ਦਾ ਰੰਗ ਨੌਜਵਾਨਾਂ 'ਤੇ ਚੜ੍ਹਦਾ ਜਾ ਰਿਹਾ ਹੈ ।ਪੰਜਾਬੀ ਸੂਟ ਨੂੰ ਛੱਡ ਕੇ ਮੁਟਿਆਰਾਂ ਜੀਨਸ ਅਤੇ ਟਾਪ ਪਾਉਣਾ ਹੀ ਜ਼ਿਆਦਾ ਪਸੰਦ ਕਰਦੀਆਂ ਨੇ ।ਸ਼ਹਿਰੀ ਤਬਕਾ ਜਿੱਥੇ ਪੱਛਮੀ ਸੱਭਿਆਚਾਰ ਅਪਣਾ ਰਿਹਾ ਹੈ ,ਉੱਥੇ ਪਿੰੰਡਾਂ 'ਚ ਵੀ ਪੱਛਮੀ ਰੰਗ 'ਚ ਨੌਜਵਾਨ ਰੰਗਦੇ ਜਾ ਰਹੇ ਨੇ । ਪਰ ਪੰਜਾਬ ਦੇ ਕੁਝ ਗਾਇਕ ਅਜਿਹੇ ਵੀ ਨੇ ਜੋ ਆਪਣੀ ਮਾਂ ਬੋਲੀ ,ਪਹਿਰਾਵੇ ਨੂੰ ਦੁਨੀਆਂ ਭਰ 'ਚ ਆਪਣੇ ਗੀਤਾਂ ਰਾਹੀਂ ਪਹੁੰਚਾਉਣ ਦੀ ਕੋਸ਼ਿਸ਼ ਕਰ ਰਹੇ ਨੇ । ਜੈਸਮੀਨ ਸੈਂਡਲਾਸ Jasmine Sandlas ਵੀ ਉਨ੍ਹਾਂ ਗਾਇਕਾਂ 'ਚੋਂ ਇੱਕ ਹੈ । ਜੋ ਲਗਾਤਾਰ ਪੰਜਾਬੀ ਮਾਂ ਬੋਲੀ ਦੀ ਸੇਵਾ ਕਰ ਰਹੀ ਹੈ ਇਸਦੇ ਨਾਲ ਹੀ ਉਹ ਆਪਣੇ ਗੀਤਾਂ 'ਚ ਪੰਜਾਬੀ ਪਹਿਰਾਵੇ ਦੀ ਵੀ ਗੱਲ ਕਰਦੀ ਹੈ ।