ਗਿੱਪੀ ਗਰੇਵਾਲ ਦੀ ਅਗਲੀ ਫ਼ਿਲਮ 'ਚ ਇਸ ਤਰ੍ਹਾਂ ਮਿਲ ਸਕਦਾ ਹੈ ਅਦਾਕਾਰੀ ਕਰਨ ਦਾ ਮੌਕਾ, ਦੇਖੋ ਵੀਡੀਓ
ਗਿੱਪੀ ਗਰੇਵਾਲ ਜਿਹੜੇ ਦਰਸ਼ਕਾਂ ਦੇ ਦਿਲਾਂ ਦੇ ਨਾਲ ਨਾਲ ਹੁਣ ਫ਼ਿਲਮਾਂ 'ਚ ਵੀ ਡਾਕਾ ਮਾਰ ਰਹੇ ਹਨ। ਜੀ ਹਾਂ ਡਾਕਾ ਫ਼ਿਲਮ 1 ਨਵੰਬਰ ਨੂੰ ਰਿਲੀਜ਼ ਹੋਣ ਵਾਲੀ ਹੈ ਪਰ ਉਸ ਤੋਂ ਪਹਿਲਾਂ ਗਿੱਪੀ ਗਰੇਵਾਲ ਫ਼ਿਲਮ ਦੇ ਪ੍ਰਮੋਸ਼ਨ ਦੇ ਨਾਲ ਨਾਲ ਹੁਣ ਨਵੇਂ ਮੁੰਡੇ ਕੁੜੀਆਂ ਨੂੰ ਆਪਣੀ ਅਗਲੀ ਫ਼ਿਲਮ 'ਚ ਮੌਕਾ ਵੀ ਦੇ ਰਹੇ ਹਨ। ਗਿੱਪੀ ਗਰੇਵਾਲ ਨੇ ਆਪਣੀ ਅਗਲੀ ਫ਼ਿਲਮ ਜਿਸ ਦਾ ਨਾਮ ਹੈ 'ਮੈਨ ਇਨ ਬਲੈਕ' ਜਿਹੜੀ ਕਿ ਹੰਬਲ ਮੋਸ਼ਨ ਪਿਕਚਰਸ ਦੇ ਬੈਨਰ ਹੇਠ ਬਣ ਰਹੀ ਹੈ।
View this post on Instagram
ਇਸ ਲਈ ਕਰਨਾ ਸਿਰਫ ਏਨਾ ਹੈ ਕਿ ਇੱਕ ਵੀਡੀਓ ਬਨਾਉਣੀ ਹੈ ਜਿਸ 'ਚ ਡਾਕਾ ਮਾਰਨ ਦੇ ਵੱਖ ਵੱਖ ਤਰੀਕੇ ਹੋਣਗੇ। ਇਸ ਵੀਡੀਓ ਦੀ ਡਿਊਰੇਸ਼ਨ 1 ਮਿੰਟ ਤੋਂ ਘੱਟ ਹੋਣੀ ਚਾਹੀਦੀ ਹੈ। ਜਿਸ 'ਚ ਵੀ ਬਿਹਤਰੀਨ ਅਦਾਕਾਰੀ ਅਦਾਕਾਰੀ ਕਲਾਕਾਰਾਂ ਦੀ ਹੋਵੇਗੀ ਉਸ ਦੀਆਂ ਵੀਡੀਓਜ਼ ਤਾਂ ਸਾਂਝੀਆਂ ਕੀਤੀਆਂ ਹੀ ਜਾਣਗੀਆਂ ਨਾਲ ਹੀ ਅਗਲੀ ਫ਼ਿਲਮ ਦੇ ਆਡੀਸ਼ਨਾਂ ਲਈ ਵੀ ਉਹਨਾਂ ਕਲਾਕਾਰਾਂ ਨੂੰ ਬੁਲਾਇਆ ਜਾਵੇਗਾ।
ਗਿੱਪੀ ਗਰੇਵਾਲ ਵੱਲੋਂ ਇਸ ਤਰ੍ਹਾਂ ਡਾਕਾ ਫ਼ਿਲਮ ਦਾ ਪ੍ਰਮੋਸ਼ਨ ਵੀ ਕੀਤਾ ਜਾ ਰਿਹਾ ਹੈ ਅਤੇ ਨਵੇਂ ਹੁਨਰ ਨੂੰ ਵੀ ਮੌਕਾ ਦਿੱਤਾ ਜਾ ਰਿਹਾ ਹੈ। ਇਸ ਤੋਂ ਪਹਿਲਾਂ ਰਾਣਾ ਰਣਬੀਰ ਦੇ ਨਿਰਦੇਸ਼ਨ ਅਤੇ ਕਹਾਣੀ ਵਾਲੀ ਫ਼ਿਲਮ ਪੋਸਤੀ ਦੇ ਵੀ ਆਡੀਸ਼ਨਾਂ ਰਾਹੀਂ ਚੁਣੇ ਗਏ ਕਲਾਕਾਰਾਂ ਨੂੰ ਮੌਕਾ ਦਿੱਤਾ ਜਾ ਰਿਹਾ ਹੈ। ਇਹ ਫ਼ਿਲਮ ਵੀ ਹੰਬਲ ਮੋਸ਼ਨ ਪਿਕਚਰਸ ਯਾਨੀ ਗਿੱਪੀ ਗਰੇਵਾਲ ਵੱਲੋਂ ਪ੍ਰੋਡਿਊਸ ਕੀਤੀ ਜਾ ਰਹੀ ਹੈ।