ਬਾਲੀਵੁੱਡ ਫ਼ਿਲਮ ਸਾਹੋ 'ਚ ਗੁਰੂ ਰੰਧਾਵਾ ਦਾ ਗੀਤ 'ਏਨੀ ਸੋਹਣੀ' 2 ਅਗਸਤ ਨੂੰ ਹੋਵੇਗਾ ਰਿਲੀਜ਼, ਟੀਜ਼ਰ ਆਇਆ ਸਾਹਮਣੇ
ਬਾਹੂਬਲੀ ਸਟਾਰ ਪ੍ਰਭਾਸ ਅਤੇ ਬਾਲੀਵੁੱਡ ਦੀ ਖ਼ੂਬਸੂਰਤ ਅਦਾਕਾਰ ਸ਼ਰੱਧਾ ਕਪੂਰ ਦੀ ਆਉਣ ਵਾਲੀ ਫ਼ਿਲਮ ਸਾਹੋ ਦੇ ਗੀਤ ਏਨੀ ਸੋਹਣੀ ਦਾ ਟੀਜ਼ਰ ਰਿਲੀਜ਼ ਹੋ ਚੁੱਕਿਆ ਹੈ। ਖ਼ਾਸ ਗੱਲ ਇਹ ਹੈ ਕਿ ਇਸ ਗੀਤ ਨੂੰ ਗੁਰੂ ਰੰਧਾਵਾ ਨੇ ਲਿਖਿਆ ਅਤੇ ਗੁਰੂ ਰੰਧਾਵਾ ਤੇ ਤੁਲਸੀ ਕੁਮਾਰ ਨੇ ਗਾਇਆ ਹੈ।ਇਹ ਰੋਮਾਂਟਿਕ ਗੀਤ 2 ਅਗਸਤ ਨੂੰ ਪੂਰਾ ਸੁਣਨ ਨੂੰ ਮਿਲਣ ਵਾਲਾ ਹੈ। ਗੀਤ ਨੂੰ ਗੁਰੂ ਰੰਧਾਵਾ ਨੇ ਹੀ ਕੰਪੋਜ਼ ਕੀਤਾ ਹੈ।
ਦੱਸ ਦਈਏ ਫ਼ਿਲਮ ਸਾਹੋ ਦੇਸ਼ ਭਰ 'ਚ ਕਈ ਭਾਸ਼ਾਵਾਂ 'ਚ 30 ਅਗਸਤ ਨੂੰ ਰਿਲੀਜ਼ ਹੋਵੇਗੀ। ਗੁਰੂ ਰੰਧਾਵਾ ਦਾ ਇਹ 'ਏਨੀ ਸੋਹਣੀ' ਗੀਤ ਵੀ ਪੰਜ ਭਾਸ਼ਾਵਾਂ 'ਚ ਰਿਲੀਜ਼ ਹੋਣ ਜਾ ਰਿਹਾ ਹੈ ਜਿਸ ਬਾਰੇ ਗੁਰੂ ਰੰਧਾਵਾ ਨੇ ਕੁਝ ਦਿਨ ਪਹਿਲਾਂ ਟਵੀਟ ਕਰਕੇ ਜਾਣਕਾਰੀ ਸਾਂਝੀ ਕੀਤੀ ਸੀ।ਗੁਰੂ ਰੰਧਾਵਾ ਨੇ ਆਪਣੇ ਟਵਿੱਟਰ ਤੋਂ ਇੱਕ ਪੋਸਟ ਸਾਂਝੀ ਕਰਦੇ ਹੋਏ ਲਿਖਿਆ ਸੀ ਕਿ ਉਸ ਦਾ ਗਾਣਾ ‘ਏਨੀਂ ਸੋਹਣੀ’ ਹੁਣ ਵੱਖ ਵੱਖ ਪੰਜ ਭਾਸ਼ਵਾਂ ਵਿੱਚ ਰਿਲੀਜ਼ ਹੋਣ ਵਾਲਾ ਹੈ । ਇਹ ਗਾਣਾ ਪੰਜਾਬੀ ਤੇ ਹਿੰਦੀ ਵਿੱਚ ਤਾਂ ਹੈ ਹੀ ਉੱਥੇ ਇਹ ਗਾਣਾ ਹੁਣ ਤਮਿਲ, ਤੇਲਗੂ ਤੇ ਮਲਿਆਲਮ ਭਾਸ਼ਾ ਵਿੱਚ ਵੀ ਗਾਇਆ ਹੈ।
View this post on Instagram
ਲਾਹੌਰ, ਅੰਤਰਰਾਸ਼ਟਰੀ ਗਾਇਕ ਪਿਟਬੁਲ ਨਾਲ ਸਲੋਲੀ ਸਲੋਲੀ, ਇਸ਼ਾਰੇ ਤੇਰੇ, ਹਾਈਰੇਟਡ ਗੱਭਰੂ ਵਰਗੇ ਕਈ ਹਿੱਟ ਗੀਤ ਦੇ ਚੁੱਕੇ ਗੁਰੂ ਰੰਧਾਵਾ ਲਈ ਇਹ ਇੱਕ ਹੋਰ ਕਾਮਯਾਬੀ ਹੈ। ਦੇਖਣਾ ਹੋਵੇਗਾ ਹੁਣ ਪੂਰਾ ਗੀਤ ਦਰਸ਼ਕਾਂ ਨੂੰ ਕਿੰਨ੍ਹਾਂ ਕੁ ਪਸੰਦ ਆਉਂਦਾ ਹੈ।