ਜਸਪਾਲ ਭੱਟੀ ਨੇ ਸੁਨੀਲ ਗਰੋਵਰ ਨੂੰ ਦਿੱਤਾ ਸੀ ਆਪਣਾ ਟੈਲੇਂਟ ਦਿਖਾਉਣ ਦਾ ਪਹਿਲਾ ਮੌਕਾ

ਜਸਪਾਲ ਭੱਟੀ ਉਹ ਕਮੇਡੀ ਕਲਾਕਾਰ ਸਨ ਜਿਹੜੇ ਹੱਸਦੇ ਹੱਸਦੇ ਸਮਾਜ ਵਿੱਚ ਫੈਲੇ ਭ੍ਰਿਸ਼ਟਾਚਾਰ ਤੇ ਵਿਅੰਗ ਕਰ ਦਿੰਦੇ ਸਨ । ਉਹਨਾਂ ਦਾ ਸ਼ੋਅ ‘ਫਲਾਪ ਸ਼ੋਅ’ ਜ਼ਬਰਦਸਤ ਹਿੱਟ ਹੋਇਆ ਸੀ । ਚੰਗੇ ਕਮੇਡੀਅਨ ਹੋਣ ਦੇ ਨਾਲ ਨਾਲ ਜਸਪਾਲ ਭੱਟੀ ਉਹ ਸ਼ਖਸ਼ ਸਨ ਜਿਹੜੇ ਨਵੇਂ ਟੈਲੇਂਟ ਨੂੰ ਅੱਗੇ ਵੱਧਣ ਦਾ ਮੌਕਾ ਦਿੰਦੇ ਸਨ । ਇਸ ਤਰ੍ਹਾ ਦਾ ਹੀ ਇੱਕ ਕਲਾਕਾਰ ਹੈ ਸੁਨੀਲ ਗਰੋਵਰ ।

ਹੋਰ ਪੜ੍ਹੋ :-

ਨੇਹਾ ਕੱਕੜ ਤੋਂ ਬਾਅਦ ਹੁਣ ਇਸ ਅਦਾਕਾਰਾ ਦਾ ਹੋ ਰਿਹਾ ਵਿਆਹ, ਮਹਿੰਦੀ ਦੀਆਂ ਤਸਵੀਰਾਂ ਵਾਇਰਲ

ਸਿਮੀ ਚਾਹਲ ‘ਗੋਲਕ ਬੁਗਨੀ, ਬੈਂਕ ਤੇ ਬਟੂਆ -2’ ‘ਚ ਆਉਣਗੇ ਨਜ਼ਰ, ਫ਼ਿਲਮ ਦੀ ਸ਼ੂਟਿੰਗ ਹੋਈ ਸ਼ੁਰੂ

ਸੁਨੀਲ ਗਰੋਵਰ ਦੇ ਟੈਲੇਂਟ ਨੂੰ ਪਹਿਲੀ ਵਾਰ ਜਸਪਾਲ ਭੱਟੀ ਨੇ ਹੀ ਪਹਿਚਾਣਿਆ ਸੀ । ਦਰਅਸਲ ਜਸਪਾਲ ਭੱਟੀ ਨਵੇਂ ਕਲਾਕਾਰਾ ਦਾ ਅਡੀਸ਼ਨ ਲੈਣ ਲਈ ਚੰਡੀਗੜ੍ਹ ਦੇ ਇੱਕ ਕਾਲਜ਼ ਵਿੱਚ ਪਹੁੰਚੇ ਸਨ । ਜਿਥੇ ਸੁਨੀਲ ਗਰੋਵਰ ਵੀ ਅਡੀਸ਼ਨ ਦੇਣ ਗਏ । ਸੁਨੀਲ ਨੂੰ ਇਸ ਗੱਲ ਦਾ ਅਹਿਸਾਸ ਨਹੀਂ ਸੀ ਕਿ ਉਹ ਸਲੈਕਟ ਹੋ ਜਾਣਗੇ । ਉਸ ਸਮਂੇ ਕਿਸੇ ਕੋਲ ਕੋਈ ਫੋਨ ਨਹੀਂ ਸੀ ਹੁੰਦਾ ।

ਇਸ ਲਈ ਜਸਪਾਲ ਭੱਟੀ ਨੇ ਆਪਣਾ ਸਹਾਇਕ ਸੁਨੀਲ ਕੋਲ ਭੇਜਿਆ, ਜਿਸ ਨੇ ਦੱਸਿਆ ਕਿ ਉਹ ਸਲੈਕਟ ਹੋ ਗਿਆ ਹੈ । ਇਸ ਤੋਂ ਬਾਅਦ ਸੁਨੀਲ ਨੇ ਜਸਪਾਲ ਭੱਟੀ ਨਾਲ ਕਈ ਸਟੇਜ ਸ਼ੋਅ ਕੀਤੇ । ‘ਫੁੱਲ ਟੈਂਸ਼ਨ’ ਵਿੱਚ ਸੁਨੀਲ ਗਰੋਵਰ ਨੇ ਜਸਪਾਲ ਭੱਟੀ ਦੇ ਨੌਕਰ ਦਾ ਕਿਰਦਾਰ ਨਿਭਾਇਆ ਸੀ ।

ਇਸ ਤੋਂ ਬਾਅਦ ਸੁਨੀਲ ਗਰੋਵਰ ਨੇ ਰੇਡੀਓ ਜੌਕੀ ਦੇ ਤੌਰ ਤੇ ਕੰਮ ਕੀਤਾ । ਹੌਲੀ ਹੌਲੀ ਉਹਨਾਂ ਨੂੰ ਪਹਿਚਾਣ ਮਿਲਣ ਲੱਗੀ, ਤੇ ਅੱਜ ਉਹਨਾਂ ਦਾ ਨਾਂਅ ਇੰਡਸਟਰੀ ਦੇ ਵੱਡੇ ਕਮੇਡੀਅਨ ਵਿੱਚ ਗਿਣਿਆ ਜਾਂਦਾ ਹੈ ।