ਜਸਵਿੰਦਰ ਬਰਾੜ ਦੇ ਬੇਟੇ ਦੀ ਸਿਹਤ ‘ਚ ਸੁਧਾਰ, ਗਾਇਕਾ ਨੇ ਦੁਆਵਾਂ ਕਰਨ ਵਾਲੇ ਪ੍ਰਸ਼ੰਸਕਾਂ ਦਾ ਕੀਤਾ ਧੰਨਵਾਦ

ਪੰਜਾਬੀ ਗਾਇਕ ਜਸਵਿੰਦਰ ਬਰਾੜ ਜਿਨ੍ਹਾਂ ਦੇ ਬੇਟੇ ਦੀ ਸਿਹਤ ਪਿਛਲੇ ਕੁਝ ਦਿਨਾਂ ਤੋਂ ਠੀਕ ਨਹੀਂ ਸੀ । ਉਨ੍ਹਾਂ ਦੇ ਬੇਟੇ ਦੀ ਕਿਡਨੀ ਸਰਜਰੀ ਹੋਣੀ ਸੀ । ਜਿਸ ਲਈ ਉਨ੍ਹਾਂ ਨੇ ਇੱਕ ਭਾਵੁਕ ਪੋਸਟ ਪਾ ਕੇ ਸਭ ਨੂੰ ਦੁਆਵਾਂ ਕਰਨ ਲਈ ਕਿਹਾ ਸੀ । ਹੁਣ ਉਨ੍ਹਾਂ ਨੇ ਇੱਕ ਨਵੀਂ ਪੋਸਟ ਪਾ ਕੇ ਬੇਟੇ ਦੀ ਸਿਹਤ ਬਾਰੇ ਦੱਸਿਆ ਹੈ । 

ਉਨ੍ਹਾਂ ਨੇ ਨਵੀਂ ਪੋਸਟ ‘ਚ ਲਿਖਿਆ ਹੈ ਕਿ- ਮੇਰੇ ਬੇਟੇ ਦੀ ਸਰਜਰੀ ਸਫਲ ਰਹੀ ਹੈ । ਜਿਨ੍ਹਾਂ ਦੇ ਵੀ ਫੋਨ ਤੇ ਮੈਸੇਜਸ ਆਏ ਨੇ, ਸਭ ਦਾ ਬਹੁਤ-ਬਹੁਤ ਧੰਨਵਾਦ ਜੀ । ਹੁਣ ਮੇਰਾ ਬੇਟਾ ਰਿਕਵਰੀ ਕਰ ਰਿਹਾ ਹੈ । ਸਾਰਿਆਂ ਉੱਤੇ ਰੱਬ ਦਾ ਆਸ਼ੀਰਵਾਦ ਬਣਿਆ ਰਹੇ । ਫੈਨਜ਼ ਕਮੈਂਟਸ ਰਾਹੀਂ ਆਪਣੀ ਸ਼ੁਭਕਾਮਨਾਵਾਂ ਜਸਵਿੰਦਰ ਬਰਾੜ ਦੇ ਬੇਟੇ ਨੂੰ ਦੇ ਰਹੇ ਨੇ ਤੇ ਨਾਲ ਹੀ ਪਰਮਾਤਮਾ ਅੱਗੇ ਅਰਦਾਸ ਕਰ ਰਹੇ ਨੇ ਉਹ ਜਲਦੀ ਠੀਕ ਹੋ ਜਾਵੇ ।

ਜਸਵਿੰਦਰ ਬਰਾੜ ਉਹ ਨਾਂਅ ਜਿਸ ਨੇ ਪੰਜਾਬੀ ਇੰਡਸਟਰੀ ‘ਚ ਖ਼ਾਸ ਜਗ੍ਹਾ ਬਣਾਈ ਹੈ ਅਤੇ ਆਪਣੇ ਗੀਤਾਂ ਨਾਲ ਲੰਮੇ ਸਮੇਂ ਤੋਂ ਪੰਜਾਬੀ ਇੰਡਸਟਰੀ ‘ਚ ਸਰਗਰਮ ਹਨ ।