ਕਰਨ ਜੌਹਰ ਨਾਲ ਹੋਈ ਅਣਬਣ 'ਤੇ ਪਹਿਲੀ ਵਾਰ ਖੁੱਲ੍ਹ ਕੇ ਬੋਲੇ ਕਾਰਤਿਕ ਆਰਯਨ, ਜਾਨਣ ਲਈ ਪੜ੍ਹੋ ਪੂਰੀ ਖਬਰ
ਬਾਲੀਵੁੱਡ ਅਭਿਨੇਤਾ ਜਲਦ ਹੀ ਫਿਲਮ 'ਭੂਲ ਭੁਲਾਇਆ 2' 'ਚ ਨਜ਼ਰ ਆਉਣਗੇ। ਉਹ ਇਸ ਫਿਲਮ ਦਾ ਜ਼ੋਰਦਾਰ ਪ੍ਰਚਾਰ ਕਰ ਰਹੇ ਹਨ। ਇਸ ਦੌਰਾਨ ਇਕ ਇੰਟਰਵਿਊ ਦੌਰਾਨ ਕਾਰਤਿਕ ਨੇ ਧਰਮਾ ਪ੍ਰੋਡਕਸ਼ਨ ਦੇ ਮਾਲਕ ਕਰਨ ਜੌਹਰ ਨਾਲ ਹੋਏ ਵਿਵਾਦ 'ਤੇ ਆਪਣੀ ਚੁੱਪੀ ਤੋੜੀ ਹੈ।
ਕਈ ਮੀਡੀਆ ਰਿਪੋਰਟਾਂ ਮੁਤਾਬਕ 'ਚ ਬੀਤੇ ਸਾਲ ਕਾਰਤਿਕ ਦੇ 'ਗੈਰ-ਪ੍ਰੋਫੈਸ਼ਨਲ' ਵਿਵਹਾਰ ਦੀਆਂ ਅਫਵਾਹਾਂ ਸਾਹਮਣੇ ਆਈਆਂ ਸਨ ਅਤੇ ਕਿਹਾ ਜਾ ਰਿਹਾ ਸੀ ਕਿ ਇਸ ਕਾਰਨ ਉਹ ਹੁਣ 'ਦੋਸਤਾਨਾ 2' ਦਾ ਹਿੱਸਾ ਨਹੀਂ ਬਣੇਗਾ। ਧਰਮਾ ਪ੍ਰੋਡਕਸ਼ਨ ਦੀ 'ਦੋਸਤਾਨਾ 2' ਦਾ ਐਲਾਨ ਸਾਲ 2019 'ਚ ਹੋਇਆ ਸੀ। ਇਸ ਫਿਲਮ 'ਚ ਜਾਨ੍ਹਵੀ ਕਪੂਰ ਅਤੇ ਡੈਬਿਊ ਕਰਨ ਵਾਲੀ ਲਕਸ਼ੈ ਨੂੰ ਵੀ ਸਾਈਨ ਕੀਤਾ ਗਿਆ ਸੀ।
ਦੂਜੇ ਪ੍ਰੋਜੈਕਟਾਂ ਦੀ ਤਰ੍ਹਾਂ ਇਸ ਫਿਲਮ ਦੀ ਸ਼ੂਟਿੰਗ ਵੀ ਕੋਰੋਨਾ ਮਹਾਮਾਰੀ ਕਾਰਨ ਰੋਕਣੀ ਪਈ ਸੀ। ਜਿਵੇਂ ਹੀ ਫਿਲਮ ਦੀ ਸ਼ੂਟਿੰਗ ਦੁਬਾਰਾ ਸ਼ੁਰੂ ਹੋਣ ਵਾਲੀ ਸੀ। ਕਾਰਤਿਕ ਆਰਯਨ ਅਤੇ ਕਰਨ ਜੌਹਰ ਵਿਚਾਲੇ ਅਣਬਣ ਦੀਆਂ ਖਬਰਾਂ ਆਉਣੀਆਂ ਸ਼ੁਰੂ ਹੋ ਗਈਆਂ।
ਇੱਕ ਇੰਟਰਵਿਊ ਦੌਰਾਨ ਜਦੋਂ ਕਾਰਤਿਕ ਤੋਂ ਪੁੱਛਿਆ ਗਿਆ ਕਿ ਕੀ ਇੰਡਸਟਰੀ ਦੇ ਲੋਕਾਂ ਨਾਲ ਉਨ੍ਹਾਂ ਦੇ ਮਤਭੇਦਾਂ ਦੇ ਕਾਰਨ ਉਨ੍ਹਾਂ ਕੰਮ ਕਰਨ ਲਈ ਮਜਬੂਰ ਕੀਤਾ ਹੋ ਸਕਦਾ ਹੈ ਕਿਉਂਕਿ ਉਹ ਫਿਲਮੀ ਪਿਛੋਕੜ ਤੋਂ ਸਬੰਧਤ ਨਹੀਂ ਹਨ? ਇਸ 'ਤੇ ਅਦਾਕਾਰ ਨੇ ਕਿਹਾ, 'ਮੈਂ ਸਿਰਫ਼ ਆਪਣੇ ਕੰਮ 'ਤੇ ਧਿਆਨ ਦਿੰਦਾ ਹਾਂ।
ਕਾਰਤਿਕ ਆਰਯਨ ਨੇ ਕਿਹਾ ਕਿ ਮੇਰੀਆਂ ਆਉਣ ਵਾਲੀਆਂ ਫਿਲਮਾਂ ਦੇਖੋ। ਇਸ 'ਤੇ ਮੈਂ ਇਹੀ ਕਹਿਣਾ ਚਾਹਾਂਗਾ। ਜਦੋਂ ਉਨ੍ਹਾਂ ਨੂੰ ਫਿਲਮ ਇੰਡਸਟਰੀ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ, 'ਕੀ ਹੁੰਦਾ ਹੈ ਕਈ ਵਾਰ ਲੋਕ 'ਬਾਤ ਕਾ ਬਾਤੰਗੜ' ਬਣਾ ਲੈਂਦੇ ਹਨ। ਇਸ ਤੋਂ ਵੱਧ ਕੁਝ ਨਹੀਂ ਹੈ। ਕਿਸੇ ਕੋਲ ਵੀ ਸਮਾਂ ਨਹੀਂ ਹੈ। ਹਰ ਕੋਈ ਕੰਮ ਕਰਨਾ ਚਾਹੁੰਦਾ ਹੈ, ਚੰਗਾ ਕੰਮ ਕਰਨਾ ਚਾਹੁੰਦਾ ਹੈ। ਇਸ ਤੋਂ ਇਲਾਵਾ ਬਾਕੀ ਸਭ ਸਿਰਫ ਅਫਵਾਹਾਂ ਹਨ।'
ਉਸ ਨੇ ਅੱਗੇ ਕਿਹਾ ਕਿ ਜਦੋਂ ਤੋਂ ਮੈਂ ਇਸ ਇੰਡਸਟਰੀ ਤੋਂ ਹਾਂ, ਮੈਂ ਦੇਖਿਆ ਹੈ ਕਿ ਤੁਹਾਨੂੰ ਸਿਰਫ ਆਪਣੇ ਕੰਮ 'ਤੇ ਧਿਆਨ ਦੇਣ ਦੀ ਜ਼ਰੂਰਤ ਹੈ। ਇਸ ਤੋਂ ਵੱਧ ਕੁਝ ਵੀ ਮਾਇਨੇ ਨਹੀਂ ਰੱਖਦਾ, ਪਰ ਕਈ ਵਾਰ ਪਰਿਵਾਰ ਪ੍ਰਭਾਵਿਤ ਹੋਣ ਕਾਰਨ ਮੈਂ ਚਿੰਤਤ ਹੋ ਜਾਂਦਾ ਹਾਂ।
ਹੋਰ ਪੜ੍ਹੋ : ਆਯੁਸ਼ਮਾਨ ਖੁਰਾਨਾ ਦੀ ਫਿਲਮ 'ਅਨੇਕ' ਦਾ ਟ੍ਰੇਲਰ ਹੋਇਆ ਰਿਲੀਜ਼, ਵੇਖੋ ਵੀਡੀਓ
ਉਥੇ ਹੀ ਦੂਜੇ ਪਾਸੇ ਧਰਮਾ ਪ੍ਰੋਡਕਸ਼ਨ ਵੱਲੋਂ ਜਾਰੀ ਬਿਆਨ 'ਚ ਕਿਹਾ ਗਿਆ ਹੈ, 'ਪ੍ਰੋਫੈਸ਼ਨਲ ਹਾਲਾਤਾਂ ਕਾਰਨ ਅਸੀਂ ਇਸ ਮੁੱਦੇ 'ਤੇ ਨਾ ਬੋਲਣ ਦਾ ਫੈਸਲਾ ਕੀਤਾ ਹੈ। ਅਸੀਂ ਕੋਲਿਨ ਡੀ'ਕੁਨਹਾ ਵੱਲੋਂ ਨਿਰਦੇਸ਼ਤ 'ਦੋਸਤਾਨਾ 2' ਦੀ ਕਾਸਟ ਨੂੰ ਰੀਕਾਸਟ ਕਰਾਂਗੇ। ਕਿਰਪਾ ਕਰਕੇ ਜਲਦੀ ਹੀ ਅਧਿਕਾਰਤ ਘੋਸ਼ਣਾ ਦੀ ਉਡੀਕ ਕਰੋ।