ਪੰਜਾਬੀ ਔਰਤਾਂ ਦੇ ਸ਼ਿੰਗਾਰ ਦਾ ਅਹਿਮ ਹਿੱਸਾ ਸੀ ਇਹ ਚੀਜ਼, ਕੀ ਤੁਹਾਨੂੰ ਪਤਾ ਹੈ ਇਸ ਦਾ ਨਾਮ !
Shaminder
May 6th 2020 01:04 PM
ਪੰਜਾਬ ਦੇ ਸੱਭਿਆਚਾਰ ‘ਚੋਂ ਕਈ ਚੀਜ਼ਾਂ ਅਲੋਪ ਹੁੰਦੀਆਂ ਜਾ ਰਹੀਆਂ ਨੇ । ਪਹਿਲਾਂ ਔਰਤਾਂ ਜਿੱਥੇ ਆਪਣੇ ਘਰਾਂ ‘ਚ ਹੀ ਸੱਜ ਸੰਵਰ ਲੈਂਦੀਆਂ ਸਨ । ਪਰ ਹੁਣ ਜ਼ਮਾਨਾ ਬਦਲਣ ਦੇ ਨਾਲ ਨਾਲ ਉਨ੍ਹਾਂ ਦੇ ਸ਼ਿੰਗਾਰ ਦੀਆਂ ਵਸਤੂਆਂ ‘ਚ ਵੀ ਕਾਫੀ ਪਰਿਵਰਤਨ ਆ ਗਿਆ ਹੈ । ਪਹਿਲਾਂ ਜਿੱਥੇ ਲਿਪਸਟਿਕ ਦੀ ਜਗ੍ਹਾ ਦੰਦਾਸਾ ਵਰਤਿਆ ਜਾਂਦਾ ਸੀ ਅਤੇ ਅੱਖਾਂ ਦੇ ਸ਼ਿੰਗਾਰ ਕੱਜਲ ਦੀ ਥਾਂ ਸੁਰਮਾ ਇਸਤੇਮਾਲ ਕੀਤਾ ਜਾਂਦਾ ਸੀ ਅਤੇ ਇਸ ਨੂੰ ਇਸਤੇਮਾਲ ਕਰਨ ਲਈ ਸੁਰਮਚੂ ਵਰਤਿਆ ਜਾਂਦਾ ਸੀ । ਪੁਰਾਣੇ ਸਮਿਆਂ ‘ਚ ਸਵਾਣੀਆਂ ਇੱਕ ਸ਼ੀਸ਼ੀ ‘ਚ ਸੁਰਮਾ ਰੱਖਦੀਆਂ ਸਨ ਅਤੇ ਅੱਖਾਂ ‘ਚ ਇਸ ਸੁਰਮੇ ਨੂੰ ਪਾਉਣ ਲਈ ਸੁਰਮਚੂ ਦਾ ਇਸਤੇਮਾਲ ਕਰਦੀਆਂ ਸਨ, ਪਰ ਸਮਾਂ ਬਦਲਿਆ ਤਾਂ ਤਰ੍ਹਾਂ ਤਰ੍ਹਾਂ ਦੀਆਂ ਸੁਰਮੇਦਾਨੀਆਂ ਬਜ਼ਾਰਾਂ ‘ਚ ਆ ਗਈਆਂ ਪਰ ਸੁਰਮਚੂ ਦੀ ਅਹਿਮੀਅਤ ਓਨੀ ਹੀ ਰਹੀ ।