ਹਾਰਦਿਕ ਪਾਂਡਿਆ ਦਾ ਬੇਟਾ ਹੋਇਆ ਇੱਕ ਮਹੀਨੇ ਦਾ, ਨਤਾਸ਼ਾ ਨੇ ਪੋਸਟ ਪਾ ਕੇ ਕੀਤਾ ਨਵਾਂ ਖੁਲਾਸਾ

ਇੰਡੀਅਨ ਕ੍ਰਿਕੇਟਰ ਹਾਰਦਿਕ ਪਾਂਡਿਆ ਤੇ ਅਦਾਕਾਰਾ ਨਤਾਸ਼ਾ ਸਟੈਨਕੋਵਿਚ ਇਨ੍ਹਾਂ ਦਿਨੀਂ ਖੂਬ ਸੁਰਖੀਆਂ ‘ਚ ਚੱਲ ਰਹੇ ਨੇ । ਦੋਵੇਂ ਜਣੇ ਨਵੇਂ-ਨਵੇਂ ਮੰਮੀ-ਪਾਪਾ ਬਣੇ ਨੇ । ਮਹੀਨੇ ਪਹਿਲਾਂ ਹੀ ਨਤਾਸ਼ਾ ਸਟੈਨਕੋਵਿਚ ਨੇ ਬੇਟੇ ਨੂੰ ਜਨਮ ਦਿੱਤਾ ਹੈ ।

 ਦੋਵਾਂ ਦਾ ਬੇਟਾ ਇੱਕ ਮਹੀਨੇ ਦਾ ਹੋ ਗਿਆ ਹੈ । ਜਿਸ ਕਰਕੇ ਨਤਾਸ਼ਾ ਨੇ ਬਹੁਤ ਹੀ ਖ਼ਾਸ ਪੋਸਟ ਫੈਨਜ਼ ਦੇ ਨਾਲ ਸਾਂਝੀ ਕੀਤੀ ਹੈ । ਤਸਵੀਰ ‘ਚ ਦੇਖ ਸਕਦੇ ਹੋ ਕਿ ਨਤਾਸ਼ਾ ਨੇ ਬੇਟੇ ਨੂੰ ਗੋਦੀ ਚੁੱਕਿਆ ਹੋਇਆ ਹੈ ਤੇ ਪਿਛੇ ਹਾਰਦਿਕ ਪਾਂਡਿਆ ਦੀ ਤਸਵੀਰ ਨਜ਼ਰ ਆ ਰਹੀ ਹੈ । ਇਸ ਪੋਸਟ ਦੇ ਨਾਲ ਉਨ੍ਹਾਂ ਨੇ ਆਪਣੇ ਬੇਟੇ ਦਾ ਨਾਮ ਤੋਂ ਵੀ ਪਰਦਾ ਚੁੱਕ ਦਿੱਤਾ ਹੈ । ਉਨ੍ਹਾਂ ਕੈਪਸ਼ਨ ‘ਚ ਲਿਖਿਆ ਹੈ, ‘Agastya #ਇੱਕ ਮਹੀਨੇ ਦਾ ਹੋ ਗਿਆ ਹੈ, ਅਸੀਂ ਦੋਵੇਂ ਹਾਰਦਿਕ ਪਾਂਡਿਆ ਨੂੰ ਬਹੁਤ ਪਿਆਰ ਕਰਦੇ ਹਾਂ’। ਇਸ ਪੋਸਟ ਉੱਤੇ ਪੰਜ ਲੱਖ ਤੋਂ ਵੱਧ ਲਾਈਕਸ ਤੇ ਵੱਡੀ ਗਿਣਤੀ ‘ਚ ਵਧਾਈ ਵਾਲੇ ਕਮੈਂਟਸ ਆ ਚੁੱਕੇ ਨੇ ।

ਦੱਸ ਦਈਏ ਇਸ ਸਮੇਂ ਹਾਰਦਿਕ ਪਾਂਡਿਆ ਦੇਸ਼ ਤੋਂ ਬਾਹਰ ਨੇ । ਉਹ IPL 2020 ਖੇਡਣ ਲਈ ਯੂਏਈ ਗਏ ਹੋਏ ਨੇ । ਅਗਲੇ ਮਹੀਨੇ ਤੋਂ ਕ੍ਰਿਕੇਟ ਖਿਡਾਰੀ ਖੇਡ ਦੇ ਮੈਦਾਨ ‘ਚ ਖੇਡਦੇ ਹੋਏ ਨਜ਼ਰ ਆਉਣਗੇ ।