ਨਿਊਯਾਰਕ ਫ਼ਿਲਮ ਦੇ 11 ਸਾਲ ਪੂਰੇ ਹੋਣ ‘ਤੇ ਨੀਲ ਨਿਤਿਨ ਮੁਕੇਸ਼ ਨੇ ਭਾਵੁਕ ਪੋਸਟ ਪਾਉਂਦੇ ਹੋਏ ਦੱਸਿਆ ਇਸ ਫ਼ਿਲਮ ‘ਚ ਮਰਹੂਮ ਇਰਫ਼ਾਨ ਖ਼ਾਨ ਸਰ ਨਾਲ ਕੰਮ ਕਰਨ ਦਾ ਮਿਲਿਆ ਸੀ ਮੌਕਾ
ਬਾਲੀਵੁੱਡ ਦੇ ਅਦਾਕਾਰ ਨੀਲ ਨਿਤਿਨ ਮੁਕੇਸ਼ ਨੇ ਜੋ ਕਿ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੇ ਨੇ । ਇਸ ਵਾਰ ਉਨ੍ਹਾਂ ਨੇ ਆਪਣੀ ਬਾਲੀਵੁੱਡ ਫ਼ਿਲਮ ਨਿਊਯਾਰਕ (NEW YORK) ਦੇ 11 ਸਾਲ ਪੂਰੇ ਹੋਣ ਮੌਕੇ ਉੱਤੇ ਬਹੁਤ ਭਾਵੁਕ ਜਿਹੀ ਪੋਸਟ ਪਾਈ ਹੈ । ਇਸ ਫ਼ਿਲਮ ਦੇ ਨਾਲ ਜੁੜੇ ਪਲਾਂ ਨੂੰ ਯਾਦ ਕਰਦੇ ਹੋਏ ਲੰਮੀ ਚੌੜੀ ਪੋਸਟ ਸ਼ੇਅਰ ਕੀਤੀ ਹੈ ।
View this post on Instagram
ਉਨ੍ਹਾਂ ਨੇ ਫ਼ਿਲਮ ਦਾ ਪੋਸਟਰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ਕਿ ਇਸ ਫ਼ਿਲਮ ਤੇ ਮੈਨੂੰ ਹਮੇਸ਼ਾ ਮਾਣ ਰਹੇਗਾ । ਨਿਊਯਾਰਕ ਫ਼ਿਲਮ ਨੂੰ ਅੱਜ 11 ਸਾਲ ਪੂਰੇ ਹੋਏ ਨੇ, ਪਰ ਅਜੇ ਵੀ ਕੱਲ੍ਹ ਦੀ ਤਰ੍ਹਾਂ ਮਹਿਸੂਸ ਹੁੰਦਾ ਹੈ ਕਿ ਅਸੀਂ ਇਸ ਲਈ ਸ਼ੂਟਿੰਗ ਕਰ ਰਹੇ ਹਾਂ । ਸੈੱਟ ਦੇ ਨਾਲ ਜੁੜੀਆਂ ਯਾਦਾਂ ਬਹੁਤ ਮਜ਼ਬੂਤ ਹਨ । ਕਬੀਰ ਖ਼ਾਨ ਨੇ ਸਾਨੂੰ ਇੱਕ ਵੱਡੇ ਸੁਰੱਖਿਅਤ ਪਰਿਵਾਰ ਵਾਂਗ ਰੱਖਿਆ’
Vote for your favourite : https://www.ptcpunjabi.co.in/voting/
ਅੱਗੇ ਉਨ੍ਹਾਂ ਨੇ ਲਿਖਿਆ ਹੈ ‘ਮੈਂ ਜਾਨ ਅਬ੍ਰਾਹਮ ਅਤੇ ਕੈਟਰੀਨਾ ਕੈਫ ਵਰਗੇ ਵਧੀਆ ਦੋਸਤ ਬਣਾਏ ਹਨ । ਮੈਨੂੰ ਮਸ਼ਹੂਰ ਤੇ ਲੇਜੈਂਡ ਇਰਫਾਨ ਖ਼ਾਨ ਸਰ ਨਾਲ ਕੰਮ ਕਰਨ ਦਾ ਮਾਣ ਪ੍ਰਾਪਤ ਹੋਇਆ ਸੀ । ਇਹ ਮੇਰੀ ਯਸ਼ਰਾਜ ਬੈਨਰ ਦੇ ਨਾਲ ਪਹਿਲੀ ਫ਼ਿਲਮ ਸੀ ਅਤੇ ਅੰਤ ਵਿੱਚ, ਮੈਨੂੰ ਤੁਹਾਡੇ ਵੱਲੋਂ ਦਿੱਤੇ ਪਿਆਰ ਲਈ ਬਹੁਤ ਧੰਨਵਾਦੀ ਹਾਂ । ਇਸ ਫ਼ਿਲਮ ਦੇ ਗੀਤ ‘ਤੁਨੇ ਜੋ ਨਾ ਕਹਾ’ ਕਰਕੇ ਲੋਕੀਂ ਮੈਨੂੰ ਅੱਜ ਵੀ ਪਹਿਚਾਣਦੇ ਨੇ । ਇਸ ਸ਼ਾਨਦਾਰ ਫ਼ਿਲਮ ਨਿਊਯਾਰਕ ਦੇ 11 ਸਾਲਾਂ ਲਈ ਸਾਰਿਆਂ ਦੇ ਪਿਆਰ ਅਤੇ ਅਸੀਸਾਂ ਲਈ ਤੁਹਾਡਾ ਸਭ ਦਾ ਬਹੁਤ ਧੰਨਵਾਦ’ । ਇਹ ਫ਼ਿਲਮ ਸਾਲ 2009 ‘ਚ 26 ਜੂਨ ਨੂੰ ਸਿਨੇਮਾ ਘਰਾਂ ‘ਚ ਰਿਲੀਜ਼ ਹੋਈ ਸੀ । ਇਸ ਫ਼ਿਲਮ ਨੇ ਬਾਕਸ ਆਫ਼ਿਸ ਉੱਤੇ ਚੰਗਾ ਪ੍ਰਦਰਸ਼ਨ ਕੀਤਾ ਸੀ ।
